Ég byrjaði í skátnunum árið 1998 þegar ég átti heima í Brussel. Ég var í alþjóðlegum skóla og þar voru starfandi American Girl Scouts sem ég gekk til liðs við. Árið 2002 flutti ég aftur til Íslands og byrjaði þá í Ægisbúum en þar sinnti ég foringjastörfum til 2012. Ég sat í stjórn SSR 2019-2021.

Öll skátamót, þó sérstaklega alheimsmótin.

Mig langar að taka þátt í að viðhalda og byggja upp sterka skátahreyfingu á Íslandi.

Hóf feril mín í skátafélaginu Kópum þegar ég er 9 ára gömul , á þeim skátaferli klára ég flest öll þau námskeið sem voru í boði á þeim tíma. 1991 fór ég á Gilwell og er stolt ugla, lauk Gilwellþjálfun 1992. Starfaði með skátafélaginu Stróki á árunum 2011 til 2018 þar sem ég varð aðstoðarar félagsforingi, félagsforingi , ritari að ógleymdu drekaskátaforinginn og fararstjóri á landsmót 2012 og 2014. Varð félagsforingi Vogabúa á árunum 2020-2022. Í dag starfa ég með skátafélagi Sólheima og er þar sem aðstoðar félagsforingi, ég starfa með kvenskátaflokknum Viljunum þar sem tilgangur þess flokks er að taka að okkur stærri og minni verkefni fyrir BÍS og má þar nefna Fálkaskátamótin sem voru haldin 2018 í Laugum í Sælingsdal og 2022 á Úlfljótsvatni, á landsmótinu 2024 verða fjöslkyldubúðir í höndum Viljana. Viljurnar hafa komið að skátasafninu á Úlfljótsvatni og komið að skipulagi á móttöku skátahópa á skátamótum sem koma og heimsækja okkur. Frá 2022 hef ég setið í stjórn skátasafnsins. Hef einnig farið á nokkur skátamót og má þar nefna World Scout Moot 1992 sem haldið var í Kandersteg Sviss, ég var IST á World Scout Moot 2017 sem haldið var á Íslandi. Ég hef aldrei farið á Jamboree og er það á áætluna að fara við fyrsta tækifæri

Skátastarf er klárlega skemmtilegasta starf í heimi, það sem stendur upp úr er að skipuleggja skemmtilegan viðburð og sjá gleðina skína úr augum þátttakanda.

Ég gef kost á mér í starfsráð þar sem ég tel að menntun mín sem þroskaþjálfi og tómstunda og félagsmálafræðingur, getur ýtt undir að skátastarf er fyrir alla og allir geti stundað skátastarf óháð getu og stöðu.

Hóf skátaferil minn í Svíþjóð 6 ára gömul. Þegar ég flutti svo aftur til Íslands 1989 taldi ég ekkert sjálfsagðara en að halda skátastarfi áfram hérlendis. Starfaði í nokkrum skátafélögum þar til ég eignaðist fjölskyldu og festi rætur í Mosfellsbæ. Þá lá beinast við að hefja skátastarf í Mosverjum sem ég hef starfað með sem drekaskátaforingi síðan 2003. Áríð 2016 tók ég einnig við sem félagsforingi Mosverja en lét af því starfi í febrúar sl.
Ég hef starfað í Dagskrárráði (nú starfsráð) BÍS og Fræðsluráði (nú skátaskólinn) en er að ljúka störfum í skátaskólanum á þessu þingi. Ég sit í stjórn Gilwellskólans og held því starfi áfram ásamt starfinu mínu í Mosverjum.
Ég hef starfað í fararstjórnum BÍS á Jamboree 2011 og 2019 ásamt því að fara sem sveitarforingi 1995.
Ég býð mig hermeð fram í Uppstillingarnefnd 2024-2026.

Að sjá drekaskáta sigrast á sjálfum sér, þroskast, vaxa úr grasi og taka svo jafnvel sæti í félagsráði samhliða mér og verða minn jafningi í skátastarfi. Að upplifa svo ævintýrin og áskoranirnar með þeim mér við hlið.

Ég gef kost á mér í uppstillingarnefnd því ég tel mig góðan mannþekkjara auk þess sem ég þekki orðið svo marga skáta sem gætu látið gott af sér leiða í ráðum og nefndum BÍS.

Skáti frá 1988.
Flokksforingi, sveitarforingi og félagsforingi í Fossbúum 1989-2000.
Sumarbúðir skáta 1993-1995.
Gilwell 1994-1995.
Alheimsmót í Hollandi 1995.
Leiðbeinandi á foringjanámskeiðum frá 1995.
Umsjón með DS. Ögrun fyrir SSR 2000-2002.
Starfsmaður og sveitarforingi í Garðbúum 2001-2003.
Fræðslustjóri BÍS 2001-2003.
Fararstjóri BÍS á Evrópumót skáta í Englandi 2005.
Dagskrárstjóri á Úlfljótsvatni 2014-2017.
Leiðbeinendasveitin 2021-2023.
Leiðbeinandi á fjölþjóðlegu Gilwell í Slóveníu 2022-2024.

Í gegnum tíðina verið þátttakandi á ráðstefnum, námsstefnum og námskeiðum um útinám, dagskrárgerð, óformlegt nám, samskipti, inngildingarmál, öryggi og fleira.

… og ég samdi textann við Sumarbúðalagið 1993 🙂

(Með fyrirvara um að ártölin séu rétt munuð.)

Það er erfitt að velja eitthvað eitt úr starfi sem hefur verið stór hluti af mínu lífi í meira en 30 ár, ég hef verið svo ótrúlega heppin og fengið að upplifa mjög margt í skátastarfi. Einstakir viðburðir eins og Gilwell 1994, námstefna í Tyrklandi um dagskrá fyrir ungt fólk árið 2000, ferð til Kandersteg 2023 og Slóveníu-Gilwell 2022 og 2023 eru viðburðir sem ég mun aldrei gleyma.
Þjálfunar- og fræðslumál hafa líka verið mér hugleikin lengi, og ég nýt þess enn að læra og prófa eitthvað nýtt í þeim efnum.
Í fullri hreinskilni eru það þó árin á Úlfljótsvatni sem hafa líklega haft mest áhrif á líf mitt í seinni tíð. Þar naut ég hverrar mínútu, og er þakklát fyrir þau fjölmörgu tækifæri sem mér gáfust í starfinu til að læra og vaxa.

Eins og fyrr segir hef ég mjög gaman af þjálfunar- og fræðslumálum. Eftir að hafa nýverið starfað tvö ár með algjörum snillingum í Leiðbeinendasveitinni langar mig að styðja áfram við það starf og vinna að framþróun námskeiðahalds í samvinnu við Leiðbeinendasveitina og aðra vinnuhópa innan Skátaskólans. Til dæmis tel ég að áframhaldandi vinna við námskrár skólans geti skilað sér í enn markvissari þjálfun foringja, en ég er þeirrar skoðunar að foringjaþjálfun sé eitt besta verkfæri hreyfingarinnar til að stuðla að góðu skátastarfi. Þar hefur mikið og gott verk verið unnið síðustu ár, en þar leynast líka mörg ný tækifæri.
Ég hef líka mikinn áhuga á hvers kyns öryggismálum og hefði áhuga á að koma að þeim, ekki síst á grundvelli þjálfunar og fræðslu. Þar má til dæmis nefna fræðslu og/eða verkferla sem snúa að barnavernd (Safe From Harm) og áhættugreininga í skátastarfi.
Ég held að Skátaskólinn sé því sá vettvangur sem passar best fyrir þau verk sem mig langar að fást við næstu misseri.

Hef verið skáti síðan ég var 8 eða 9 ára.
Hef verið Sveitarforingi á öllum aldursstigm nema Rekka og Róver.
Hef setið í stjórn Hraunbúa, alloft verið í Vormótsstjórn.
Hef verið í fjölskyldubúðateyminu á Landsmóti þrisvar sinnum.
Hef tvisvar verið sveitarforingi í fararhóp á stórt mót erlendis, núna síðast til Kóreu 2023.
Undanfarin 6 ár hef ég verið sveitarforingi í Hraunbúum.

Það er erfitt að velja. Yfirleitt eru öll verkefni skemmtileg með skemmtilegu fólki.
Það er líka ómetanlegt, dýrmætt og skemmtilegt að vera samferða börnunum sínum í starfi.
Það sem mér er kannski efst í huga núna er annars vegar Jamboree en hins vegar Dróttskáta starfið undanfarin ár með einstöku teymi.
Og fyrst ég er byrjuð, fjölskyldubúðir á Hömrum 2014 og Vormót 2019 voru ofboðslega skemmtileg verkefni.

Ég tel að ég hafi margt fram að færa og geti látið gott af mér leiða. Ég hef mikla reynslu af skátastarfi og í gegnum vinnuna hef ég reynslu af þjálfun og kennslu.
Ég er spennt fyrir því að starfa með góðu fólki að áframhaldandi metnaðarfullu starfi Skátaskólans.