Heimaverkefni - Ramba
Ramba
Heimaverkefni fyrir fjarskáta
Verkefni vikunnar er áskorun að vinna ykkur inn færnimerkið Ramba. Markmiðið er að klára verkefnin hérna fyrir neðan og senda á foringjana ykkar. Þegar þið hafið klárað verkefnið hafið þið unnið ykkur inn merkið sjálft.
Aukaverkefni eru verkefni sem þarf ekki að klára til að fá merkið, en getur verið skemmtilegt að gera. Bæði getur það verið góð áskorun, eða skemmtileg viðbót.
Þið hafið þangað til í næstu viku til að klára þetta verkefni
Um merkið
Sem skáti þarftu að vera ábyrgur og geta tekist á við ólíkar áskoranir. Því er mikilvægt að þér líði vel við nýjar og framandi aðstæður og vitir hvert á að halda og hvað á að gera hverju sinni.
Verkefnin
- Kannið umhverfið ykkar
- Ef þið þekkið ekki vel svæðin í kringum heimilið ykkar eða skólann ykkar er sniðugt að byrja þetta verkefni á því að fara í leiðangur og skoða ykkur um. Hvað er merkilegt á leiðinni í skólann, eða heim til vinar, hvernig munið þið hvert á að fara?
- Búa til kort
- Aðal verkefni vikunnar er að búa til kort, eins og fjarsjóðskort. Á kortinu eiga að koma fram kennileiti, hlutir sem að er auðvelt að þekkja og rata eftir. Hér fyrir neðan eru svo hlutir sem gott er að hafa á kortinu ykkar.
- Heima
- Skólinn
- Heimili vina
- Besta leiðin í skólann
- Skátaheimilið
- Besti staðurinn til að fela fjársjóð
- Kunna símanúmer foreldra
- Kannt þú símanúmerið hjá foreldrum þínum utan af? Ef ekki skaltu taka smá tíma í að reyna að leggja það á minnið. Gott er að reyna nokkrum sinnum að slá það inn í símann til að prófa. Það er mjög mikilvægt að geta hringt í foreldra sína ef þú skildir óvart týnast.
- Rata eftir korti.
- Þegar kortið er tilbúið er kominn tími til að prófa það. Finndu þér góðann tíma til að fara í stuttan göngutúr. Ef þú hefur tök á því bjóddu einhverjum með og fáðu þau til að reyna að rata eftir kortinu þínu sem þú teiknaðir.
- Aukaverkefni
- Láta vin fylgja kortinu
- Þú og vinir getið skipts á kortum og reynt að finna hvar þið mynduð fela fjársjóðinn hjá hvor öðru.
- Skátadulmál
- Skátarnir eiga sitt eigið dulmál og geta þannig sent skilaboð til hvors annars án þess að neinn annar veit af. Þú getur notað það til þess að fela leyni skilaboð á kortinu þínu.
https://skatarnir.is/verkefni-7-gatur-og-thrautir/
- Skátarnir eiga sitt eigið dulmál og geta þannig sent skilaboð til hvors annars án þess að neinn annar veit af. Þú getur notað það til þess að fela leyni skilaboð á kortinu þínu.
- Náttúrubíngó
- Á meðan þú ert í göngutúrnum þínum getur þú farið í náttúrubingó. Þá getur þú keppt með þeim sem fóru í göngutúr með þér.
https://skatarnir.is/verkefni-16-natturubingo/
- Á meðan þú ert í göngutúrnum þínum getur þú farið í náttúrubingó. Þá getur þú keppt með þeim sem fóru í göngutúr með þér.
- Láta vin fylgja kortinu
- Aðal verkefni vikunnar er að búa til kort, eins og fjarsjóðskort. Á kortinu eiga að koma fram kennileiti, hlutir sem að er auðvelt að þekkja og rata eftir. Hér fyrir neðan eru svo hlutir sem gott er að hafa á kortinu ykkar.
Heimaverkefni - Endurvinnsla
Endurvinnsla
Heimaverkefni fyrir fjarskáta
Verkefni vikunnar er áskorun að vinna ykkur inn færnimerkið Endurvinnsla. Markmiðið er að klára verkefnin hérna fyrir neðan og senda á foringjana ykkar. Þegar þið hafið klárað verkefnið hafið þið unnið ykkur inn merkið sjálft.
Aukaverkefni eru verkefni sem þarf ekki að klára til að fá merkið, en getur verið skemmtilegt að gera. Bæði getur það verið góð áskorun, eða skemmtileg viðbót.
Þið hafið þangað til í næstu viku til að klára þetta verkefni
Um merkið
Við eigum aðeins eina jörð og til þess að við sem hana byggjum getum notið hennar sem lengst er mikilvægt að við göngum vel um hana. Skátar taka virkan þátt í að reyna að vernda jörðina og viðhalda henni og það er best gert með því að vita hvernig við höfum áhrif á hana og hvað við getum gert til að minnka skaðleg áhrif okkar.
Verkefnin
- Skoða hvernig er flokkað heima
- Gott er að byrja þetta verkefni á að skoða vel hvernig hlutum er hent heima. Athugið hvernig flokkun er háttað til að geta svarað eftirfarandi spurningum
- Er flokkað pappír og plast sér?
- Eru glerkrukkur og annað gler flokkað eða endurnýtt eftir notkun?
- Eru áldósir flokkaðar eða endurnýttar eftir notkun?
- Flokka í fimm daga
- Núna er markmiðið ykkar að flokka i fimm daga á heimilinu ykkar. Gott er að taka til fötur eða kassa sem hægt er að merkja og safna saman í eftir flokkum. Markmiðið ykkar er að flokka eftirfarandi flokka, en auðvitað er hægt að vera með fleiri flokka.
- Pappír
- Plast
- Málmur
- Gler
- Fara með það sem flokkað var í endurvinnslu.
- Þegar þið eruð búin að flokka í fimm daga er komið að því að tæma flokkunar tunnurnar. Finnið næsta flokkunarstöð frá ykkar heimili. Það getur verið flokkunartunna úti, grenndargámar eða flokkunarstöð Sorpu.
- Núna er markmiðið ykkar að flokka i fimm daga á heimilinu ykkar. Gott er að taka til fötur eða kassa sem hægt er að merkja og safna saman í eftir flokkum. Markmiðið ykkar er að flokka eftirfarandi flokka, en auðvitað er hægt að vera með fleiri flokka.
Aukaverkefni
- Gefa gamalt dót
- Ef þið eigið dót sem þið eruð ekki að leika ykkur með lengur, getur verið gott að gefa einhverjum það. Hægt er að gefa yngri systkinum eða skyldmennum, eða að fara með dót á nytjamarkaði eins og góða hirðinn þar sem dótið fær að halda áfram að gleðja einhvern annan.
- Búa til innkaupapoka úr gömlum bol
- Ef þið eigið gamlan bol sem þið passið ekki lengur í, eða er orðinn tættur og skemmdur getið þið búið til endurnýtanlegan poka úr honum eins og sýnt er hér https://www.youtube.com/watch?v=zgpaM3u2zng
Aðstoðarkokkur
Heimaverkefni fyrir fjarskáta
Verkefni vikunnar er áskorun að vinna ykkur inn færnimerkið Aðstoðarkokkur. Markmiðið er að klára verkefnin hérna fyrir neðan og senda á foringjana ykkar. Þegar þið hafið klárað verkefnið hafið þið unnið ykkur inn merkið sjálft.
Aukaverkefni eru verkefni sem þarf ekki að klára til að fá merkið, en getur verið skemmtilegt að gera. Bæði getur það verið góð áskorun, eða skemmtileg viðbót.
Þið hafið þangað til í næstu viku til að klára þetta verkefni
Um merkið
Matur er ekki bara öllum nauðsynlegur, að taka þátt í að búa hann til er líka afar spennandi og skemmtilegt verkefni, sem bíður upp á fullt af möguleikum. Hér færð þú tækifæri til að læra hvernig á að elda einfaldan mat og að geta gert það sjálf/ur.
Verkefnin
- Búa til matseðil
- Fyrsta skrefið í þessu verkefni er að ákveða hvað á að vera í matinn. Ákveðið með foreldrum hvað á að vera í matinn næstu fimm daga og skoðið hvað þarf af hráefni í þær máltíðir. Við mælum með að skoða uppskriftir annaðhvort í bókum eða á netinu, til að finna eitthvað sem er gott, fjölbreytt og næringarríkt.
- Innkaup
- Næsta skref er að aðstoða foreldra við að setja saman innkaupalista og ef tækifæri gefst að hjálpa til við innkaupin sjálf. Ef þið komist ekki með í innkaupin, þá er það allt í lagi. Gott er að skoða hvað er til nú þegar heima, og athuga hvort það sé hægt að nota það.
- Næsta skref er að aðstoða foreldra við að setja saman innkaupalista og ef tækifæri gefst að hjálpa til við innkaupin sjálf. Ef þið komist ekki með í innkaupin, þá er það allt í lagi. Gott er að skoða hvað er til nú þegar heima, og athuga hvort það sé hægt að nota það.
- Eldamennska
- Seinasta skrefið í þessu verkefni er að hjálpa til við að elda að minnsta kosti eina máltíð. Passið að fara vel eftir leiðbeiningum foreldra, bæði til að geta fylgt uppskrift vel, og svo þið slasið ykkur ekki.
- Aukaverkefni
- Eftirréttur
- Eftir góða máltíð getur verið gott að fá sér smá eftirrétt. Sem aukaverkefni getið þið búið til eftirrétt. Það getur verið eitthvað skemmtilegt eins og kókosbollur eða annan gómsætan eftirmat.
- Frágangur
- Aðstoðið við tiltekt eftir mat, að taka af borði, ganga frá matnum, og vaska upp. Ef þið eruð með uppþvottavél getið þið hjálpað við að raða í hana og í leiðinni lært hvað má fara í uppþvottavélina og hvert það fer.
- Eftirréttur
Félagsstarf skáta til og með 3. febrúar
Tvær nýjar reglugerðir vegna yfirstandandi heimsfaraldurs taka gildi 13. janúar, önnur um takmörkun á samkomum og hin um takmörkun á skólastarfi sem tekur m.a. til æskulýðs og tómstundastarfs þ.m.t. skátastarfs. Samkvæmt því getur félagsstarf skáta á grunnskólaaldri hafist aftur með nokkrum takmörkunum þó, félagsstarf rekkaskáta þarf áfram að fylgja almennum samkomutakmörkunum. Fjölskylduskátastarf getur farið fram ef fjöldi fullorðinna er undir 20, ekki fleiri en einn forráðaraðili fylgir hverju barni í starfinu og þau fylgja reglum um almennar samkomutakmarkanir, börn á leikskólaaldri eru undanskilin nálægðartakmörkunum og grímuskyldu.
Stjórnir skátafélaga eru samt hvattar til að taka mið af ástandi í þeirra nærsamfélagi og leita líka leiðbeininga frá sínum sveitarfélögum og hverfastjórnum ef þau vita að aðrar æskulýðsstofnanir í kringum þær hafa lokað vegna smita.
Athygli er vakin á að blikur eru á lofti um að þessar leiðbeiningar gætu breyst hratt aftur
Dreka- fálka- og dróttskátar (7 – 15 ára)
Þátttakendur:
- Drekaskátar, Fálkaskátar og Dróttskátar mega vera 50 saman á skátafundi
- Blöndun er leyfileg á milli hópa.
Staðsetning skátafunda:
- Mælst til að vera utandyra. Ef stór hluti er í sóttkví og/eða einangrun er mælst til að hafa fundinn á rafrænum vettvangi til að auka aðgengileka.
- Fari starf fram innanhúss skal gæta góðra þrifa á almennum snertiflötum og loftræsa rými.
- Áfram skal gæta persónubundinna smitvarna og bjóða góða aðstöðu til handþvotts og hafa spritt aðgengilegt þátttakendum og skátaforingjum.
- Ráðstafanir skulu gerðar til að sótthreinsa rými eftir hvern dag og á milli hópa í sama rými.
Skátaforingjar:
- Reyna skal að halda fjölda skátaforingja í lágmarki þó ávallt vera nægur til að anna ungmennunum og gæta öryggis, samkvæmt reglugerð má fjöldi skátaforingja að hámarki vera 20.
- Skátaforingjar skulu gæta 2 metra nálægðartakmörkunar á milli hvors annars og milli sín og barnanna eins og kostur er.
- Skátaforingjar skulu bera andlitsgrímur þegar ekki er unnt að gæta fjarlægðartakmarkanna og er mælst til þess að þær séu bornar öllum stundum í starfi.
Starfsfólk:
Séu starfsmenn í skátafélögum gilda sömu reglur um þau og skátaforingja.
Forráðamenn, aðstandendur og aðrir aðilar:
Ekki er sérstaklega talað um forráðafólk og aðstandendur þátttakenda í reglugerð en mælst er til þess að þau ásamt öðrum sem ekki tilheyra félagsstarfi hverrar skátasveitar skulu lágmarka viðveru í skátaheimili þegar skátafundir eru haldnir. Þau skulu bera grímu öllum stundum ef þau þurfa að mæta í persónu þar sem skátasveitin er að störfum og gæta nálægðartakmarkana gagnvart þátttakendum, skátaforingjum og öðrum.
Rekka-, róver- og eldri skátar (16 ára og eldri)
Vilji skátar á þessum aldursbilum koma saman er þeim ráðlagt að færa allt það starf utandyra, vera aldrei fleiri en 20, gæta nándartakmarkana og bera grímur sé ekki hægt að tryggja þær. Áfram er mælst til að allar samkomur sem snúa að skipulagi félagsins s.s. foringjaráðsfundir, stjórnarfundir, baklandsfundir og samanbærilegt sé framkvæmt rafrænt.
Ferðir og útilegur á öllum aldursstigum
Mælst er til þess að fara eingöngu í dagsferðir. Að svo stöddu er augljóslega meiri smithætta að fara og dvelja til lengri tíma saman í stórum hópi og erfitt að tryggja að sóttvarnartakmörkum sé fylgt í einu og öllu meðan á dvöl stendur.
Fararstjórn og sveitarforingjar á WSJ23
UM ALHEIMSMÓT SKÁTA Í SUÐUR-KÓREU
Alheimsmót skáta er fastur liður í viðburðarhaldi á vegum heimssamtaka skáta, WOSM. Það hefur verið haldið í 24 skipti á fjögurra ára fresti fyrir skáta á aldrinum 14 til 17 ára og 25. mótið fer fram í Suður-Kóreu 2023. Mótið verður haldið dagana 1.-12. ágúst, íslenskur fararhópur stefnir að því að sækja mótið, mun hópurinn halda út nokkrum dögum fyrir mót og dvelja í nokkra daga til viðbótar. og geta skátar fædd á tímabilinu 22. júlí 2005 til 31. júlí 2009 verið þátttakendur, þau sem eldri eru geta farið sem alþjóðlegir þjónustuliðar (e. ISTs) eða sótt hér um að fá að fara sem sveitarforingjar (e. leaders) eða sem hluti fararstjórnarhóps (e. CMTs).
HLUTVERK
Sveitarforingjar
Með hverjum 9 þátttakendum í fararhópnum þarf að fylgja 1 sveitarforingi á mótinu, þau mynda saman 1 flokk og hverjir 4 flokkar mynda síðan sveit sem verður saman á mótinu sjálfu. Sveitaforingjar eru ábyrg fyrir skátum sinnar sveitar á meðan að á ferð stendur, þau dvelja með þeim í tjaldbúð, fylgja þeim í dagskrá á mótinu sjálfu og reyna hvað þau geta til að tryggja þátttakendum góða upplifun af ferðinni. Sveitarforingjar verða í miklum samskiptum við fararstjórnarteymið og þurfa að fylgja öllum þeirra leiðbeiningum á meðan að á ferð stendur.
Fararstjórar
Fararstjórar eru hluti af fararstjórnarteymi fararhópsins (e. Contingent management team), þau annast undirbúning ferðarinnar og sinna allri upplýsingagjöf fram að ferð. Þau undirbúa þátttakendur, sveitarforingja og IST liða fyrir það sem koma skal á mótinu. Fararstjórn stýrir öllum ferðalögum hópsins frá því að farið er út og þar til komið er heim aftur en nýtur dyggrar aðstoðar sveitarforingja. Meðan dvalið er úti fyrir og eftir mót stýrir fararstjórn og hefur yfirumsjón með öllu skipulagi en njóta dyggrar aðstoðar sveitarforingja. Á mótinu sjálfu annast fararstjórnin miðstöð fararhópsins í miðbæ mótsins, mætir á fararstjórnarfundi og miðlar upplýsingum áfram til sveitarforingja og þjónustuliða fararhópsins. Þau fylgjast með að allt gangi eftir óskum hjá sveitum fararhópsins og eru til taks ef eitthvað kemur upp. Þau annast einnig upplýsingagjöf til Skátamiðstöðvar og til forráðafólks þátttakenda eftir því sem við á.
SKYLDUR OG ÁBYRGÐ
Sveitarforingjar
Fyrir mót þurfa sveitarforingjar að taka virkan þátt í undirbúningi, að kynnast skátum sinnar sveitar að skuldbinda sig til að taka þátt í undirbúningsviðburðum fararhópsins og að mæta á upplýsingafund fyrir forráðafólk sinnar sveitar. Á mótinu sjálfu dvelja sveitarforingjar í tjaldbúð með þátttakendum, þau skipuleggja tjaldbúð, halda reglulega upplýsingafundi með þátttakendum, tryggja að þátttakendur mæti í dagskrá og fylgja þeim í dagskrá, skipuleggja matseld með þátttakendum og fylgjast vel með líðan sinnar sveitar. Á mótinu gætu sveitarforingjar þurft að mæta á fundi með fararstjórn eða með fulltrúum mótstjórnar og skipta því með sér eftir þörfum og leiðbeiningum frá viðkomandi aðilum. Á ferðalögum með fararhópnum aðstoða sveitarforingjar fararstjórn hafa þá líka umsjón með skátum sem eru ekki úr þeirra sveitum. Sveitarforingjar þurfa að vera tilbúin til að fylgja fararhópnum hvert skref frá Íslandi og heim aftur. Sveitarforingjum eru ábyrgir fyrir velferð skáta í þeirra sveitum á meðan að á móti stendur og að skátarnir fylgi reglum fararhópsins og mótsins meðan að á því stendur.
Fararstjórar
Meðlimir fararstjórnarteymisins þurfa að skuldbinda sig til að mæta á reglulega undirbúningsfundi fararstjórnar að vera tilbúin að deila ábyrgð og verkefnum með aðalfararstjórum. Fararstjórn þarf að sinna hverju atriði sem mótstjórn alheimsmóts skáta ætlast til af þeim og þurfa því að fylgjast með og lesa fréttabréf mótstjórnar. Fararstjórn er ábyrg fyrir kynningu mótsins til skátafélaga og skáta og leggur sig alla fram við að vekja áhuga sem flestra á mótinu. Fararstjórn skiptir þátttakendum í flokka og velur þeim sveitarforingja, síðan hefur hún yfirumsjón með að sveitirnar undirbúi sig með viðeigandi hætti. Hún auglýsir eftir og velur inn þjónustuliða innan þeirra takmarkana sem mótið setur. Fararstjórn skipuleggur undirbúningsferð sveita og fararhópsins í heild og virkjar þar sveitarforingjana. Fararstjórn skipuleggur og er ábyrg fyrir upplýsingafundi fyrir forráðafólk fram að móti og annast reglulega upplýsingagjöf til forráðafólks t.d. í formi reglulegra upplýsingabréfa. Fararstjórn skipuleggur og leiðir öll ferðalög tengd mótinu og stýrir hópnum þegar ferðast er á milli staða. Hún skipuleggur einnig og stýrir dvöl úti utan mótsvæðis fyrir og/eða eftir mót.
Á mótinu annast fararstjórn miðstöð fararhópsins í miðbæ tjaldbyggðar mótsins, þar er staðið fyrir kynningu á Íslandi og íslensku skátastarfi. Mótstjórn skipuleggur hvernig sú kynning fer fram og aflar samstarfsaðila um það. Fararstjórn fylgist með sveitum og þjónustuliðum á mótinu og tryggir að allt gangi vel hjá þeim. Þau mæta á fararstjórnarfundi með mótstjórn og miðla upplýsingum áfram til sveitarforingja og þjónustuliða eins og ætlast er til. Þau bregðast við ákalli um aðstoð innan fararhópsins og mæta reglulega í heimsókn til skátasveitanna til að gera úttektir, leiðbeina og benda á hvað megi gera betur. Mótstjórn tryggir að upplýsingaflæði sé gott milli allra aðila og miðlar frá mótinu til íslenskra skáta, Skátamiðstöðvar og forráðafólks þátttakenda eins og er viðeigandi.
Fararstjórn er endanlega ábyrg fyrir öllum störfum fararhópsins og skal gera hvað hún getur til að tryggja öllum góða upplifun og góðan stuðning á meðan að á ferð stendur.
HÆFNI OG AÐRAR KRÖFUR
Sveitarforingjar
Þurfa að hafa náð 18 ára aldri hið minnsta, þurfa að hafa góða kunnáttu í ensku en kunnátta í öðrum tungumálum er kostur. Sveitarforingjar starfa mjög náið með þátttakendum og því er reynsla af starfi með ungmennum nauðsynleg, gott er að viðkomandi búi yfir ríkri ábyrgðarkennd, jákvæðu viðhorfi, útsjónarsemi og góðum samskiptahæfileikum. Reynsla af ferðalögum með ungmenni, þá sérstaklega til útlanda, er kostur. Sveitarforingjar munu að einhverju leiti endurspegla félagsdreifingu þátttakenda. Sveitarforingjar skulu hafa sótt Verndum þau á tímabilinu 2019-2023 en annars er nauðsynlegt að það sé sótt áður en farið er út, þau skulu skila inn sakavottorðsheimild til BÍS og skulu þekkja og starfa eftir siðareglum ÆV og kynna sér og starfa eftir reglugerð BÍS um utanferðir skáta. Sveitarforingjar skulu skila öllum upplýsingum til móts sem kallað er eftir um þau og sækja Safe from harm og önnur námskeið sem mótið gæti farið fram á fyrir mót.
Fararstjórar
Þurfa að hafa náð 18 ára aldri hið minnsta, þurfa að hafa góða kunnáttu í ensku en kunnátta í öðrum tungumálum er kostur. Fararstjórar þurfa að kynna sér mjög vel mikið af upplýsingum fyrir mót, vera vakandi fyrir breytingum og miðla upplýsingum áfram, því þarf viðkomandi að hafa góða skipulagshæfni og samskiptatækni. Fararstjórn vinnur ýmist með þátttakendum, sveitarforingjum, þjónustuliðum, forráðafólki og starfsfólki Skátamiðstöðvar, gott er að viðkomandi hafi gaman af því að vinna með öðrum og sé tilbúið að tileinka sér þjónandi forystustíl. Reynsla af fararstjórn, verkefnastjórn stærri verkefna og forystustarfi er kostur. Fararstjórar skulu hafa sótt Verndum þau á tímabilinu 2019-2023 en annars er nauðsynlegt að það sé sótt áður en farið er út, þau skulu skila inn sakavottorðsheimild til BÍS og skulu þekkja og starfa eftir siðareglum ÆV og kynna sér og starfa eftir reglugerð BÍS um utanferðir skáta. Fararstjórar skulu skila öllum upplýsingum til móts sem kallað er eftir um þau og sækja Safe from harm og önnur námskeið sem mótið gæti farið fram á fyrir mót.
UMSÓKNIN SJÁLF
Fjarfundarleikir
Þegar unnið er með eldri skátahópa getur verið skemmtilegt að bregða á leik á fjarfundum. Í ljósi þess að heimsfaraldurinn hefur haldið mörgum föstum inni hafa vinsældir hópleikja yfir netið stór aukist. Aukið hefur í úrvali leikja fyrir hópa sem byggja á samskiptum, látbrögðum og öðrum skemmtilegu hópefli. Hér höfum við tekið saman nokkra leiki sem hafa reynst vel fyrir skátasveitir í fjarfundum, sem bæði efla samskipti hópsins og geta verið einstaklega skemmtilegt fundar verkefni.
Among Us
Among us er leikur sem byggir á samskiptum og samvinnu. Hópurinn á að vinna saman að því að laga geimskip eða geimstöðvar, á meðan einn eða fleiri úr hópnum fá það verkefni að skemma fyrir. Hópurinn vinnur ef að öll verkefni eru kláruð eða boðflennurnar fundnar. Boðflennurnar vinna ef þær ná að slá hópmeðlimi úr leik án þess að það komist upp um boðflennuna.
Leikinn er hægt að spila saman á fjarfundi, þátttakendur geta sótt leikinn í formi apps, eða spilað í gegnum tölvuna. Leikurinn hefur notið mikilla vinsælda seinustu tvö ár og er mjög líklegt að flestir þekki leikinn og getur því verið mjög auðvelt að taka upp leikinn sem fundarverkefni.
Jackbox
Jackbox er samansafn af mismunandi leikjum sem hópar geta spilað á fjarfund. Leikirnir snúast allir um það að taka þátt í verkefnum í gegnum síma. Það geta mis margir tekið þátt í hverjum leik, en ef hópurinn er stærri en spilannafjöldinn er annaðhvort hægt að skipta hópnum upp eða að skiptast á að taka þátt, þar sem þeir sem eru ekki að spila geta tekið þátt sem áhorfendur og fá þannig að hafa áhrif á leikinn.
Jackbox leikirnir eru seldir í svokölluðum veislupökkum. Þeir eru hverjum öðrum skemmtilegri, og við mælum sérstaklega með þrem nýjustu leikjunum. Nýjustu veislupakkarnir höfða betur til fjarfunda en eldri pakkarnir.
Leikirnir sem eru að finna í veislupökkunum eru bæði spreng hlægilegir og uppbyggjandi fyrir hópa. Þar eru leikmenn hvattir til að sýna fram á sköpunargleði og samskiptahæfileika.
Nýjustu pakkar
TOWN OF SALEM
Town of Salem er leikur sem er hægt að spila saman í hóp af allt að 15 einstaklingum. Leikurinn byggir á spilinu 'Varúlfur' þar sem einn eða fleiri leikmenn taka á sig hlutverk varúlfs. Markmið leiksins er að bæjarbúar finni út hverjum hefur verið breytt varúlf og losa sig við hann úr bænum. Markmið varúlfsins er að taka sem flesta aðra leikmenn úr leik.
Leikinn er hægt að spila á slóðinni hér fyrir neðan. Leikurinn er tilvalinn fyrir hópa sem vilja spila
Kahoot
Kahoot er sniðugt verkfæri sem hægt er að nota til þess að vera með spurningakeppnir og fleira skemmtilegt á fjarfundum.
Þátttakendur keppast um að svara spurningum eins fljótt og hægt er til að safna sem flestum stigum. Til er mikið magn af tilbúnum spurningarleikjum sem auðvelt er að hoppa inn í. Einnig er hægt að búa til spurningaleiki frá grunni og spila þá.
Heads Up!
Heads up er skemmtilegur látbragðsleikur sem gefur hópum skemmtilegt tækifæri á að spila látbragðaleiki á fjarfundum. Einn leikmaður heldur uppi síma allir aðrir leikmenn sjá og eiga að reyna að segja leikmanninum með símann hvað stendur á símanum án þess að nefna það beint. Boðið er upp á að spila leikinn með látbrögðum, söngum og með að setja á fyndna hreima eða raddir.
Hægt er að finna leikinn á hlekknum hér fyrir neðan.
Psych!
Psych! er spurningarleikur sem gefur leikmönnum tækifæri á að setja inn sín eigin svör við spurningum og keppast svo um að finna raunverulega svarið við spurningunni. Leikmenn fá stig fyrir að finna raunverulega svar spurningarinnar eða ef aðrir leikmenn velja þitt svar.
Hægt er að finna leikinn á hlekknum hér fyrir neðan.
Spaceteam
Spaceteam er samvinnuleikur sem snýst út á samskipti og samvinnu. Leikmenn eiga að vinna saman að því að reka og laga geimskip sem er á fullri ferð um alheiminn. Hver og einn leikmaður sér um sinn hluta af geimskipinu og þurfa að vinna saman að því að uppfylla verkefni og laga það sem fer úrskeiðis.
Leikurinn er frábær fyrir minni hópa sem hafa gaman að samvinnu leikjum og geim leikjum. Hann getur reynst mikil áskorun fyrir suma hópa og er því frábært hópaverkefni fyrir fundi.
Önnur mál
Listi af borðspilum sem hægt er að spila yfir netið má finna hér
100+ Spil til að spila á fjarfundum með skátum
Sveitir geta komið saman á netfund og spilað. Spilakvöld. Hægt er að hafa frjálst val á spilum, hægt er að bjóða upp á að hafa spila mót, keppt er í ákveðnu spili, fólk keppir um sæti. Getur verið betra að velja spil fyrir fram til að byrja með til að kynna þátttakendur fyrir kerfinu og hvernig það virkar.
Til eru mörg og fjölbreytt vefspilasvæði. Hér fyrir neðan erum við búin að taka saman lista af netsvæðum sem bjóða upp á spil sem krefjast ekki greiðslu.
Codenames
Leikmenn skipta sér í tvö njósnaralið og markmið þeirra er að finna liðsfélaga sína sem táknaðir eru með dulnefnum á leikborðinu. Njósnameistarar hvors liðsins geta borið kennsl á njósnarana og gefa liðinu sínu vísbendingar til að leiða það að réttu dulnefnunum. Liðið sem fyrst tekst að ráða öll dulnefni af réttum lit vinnur.
Hægt er að spila leikinn yfir netið með því að fylgja slóðinni hér fyrir neðan. Bæði er hægt að skipta hópnum niður í tvö stór lið eða skipta hóp niður á nokkra leiki.
Drawphone
Leikmenn skiptast á að teikna, svipað og í leiknum Pictionary. Sá leikmaður sem á að gera í hvert sinn fær handahófskennt orð og á síðan að teikna það. Þegar leikmaður er búinn að teikna er myndin látin ganga til næsta leikmanns. Sá leikmaður á að reyna að giska hvað upprunalega orðið var og teiknar aðra mynd, sem er svo einnig látin ganga. Þannig gengur leikurinn í nokkrar umferðir, þar til leiknum lýkur. Þá er túlkun mynda rekin frá upphafi og hægt að skoða hvernig upprunalega orðið breytist. Leikurinn þarf að minnsta kosti fjóra leikmenn, enginn vinnur eða tapar í lok leiks.
Skoða nánar - Spila
Leikreglur
Catan Universe - App
Margverðlaunað spil sem meðal annars var kosið „Spil aldarinnar“ árið 2000.
Catan skal hún heita, eyjan sem þið hafið uppgötvað. Byrjað er að stofna bæi og leggja vegi. Bæir þróast í borgir og verslun blómstrar. Fljótlega er eyjan orðin þéttsetin – og keppni um landsvæði, auðlindir og völd byrjar. Í lokin er aðeins eitt ljóst – það getur eingöngu einn orðið höfðingi á Catan. Eyðieyjan Catan samanstendur af 19 landsvæðum umkringdum sjó. Ykkar verkefni er að nema land á eyjunni. Til að ná í stig þarf að byggja bæi, leggja vegi og breyta bæjum í borgir. Ein borg gefur 2 stig. Til þess að geta byggt þarf hins vegar hráefni. Það ákvarðast með teningakasti. Til þess að geta unnið þarf að versla við hina landnemanna. Boðin eru skipti á hráefnum og á móti koma gagntilboð. Þegar samningar takast er hægt að nota hráefnin sem vantaði til að byggja nýjan bæ, borg eða veg. Sá landnemi sem fyrstur nær 10 stigum eða fleiri stigum sigrar og verður höfðingi Catan.
Leikborðið og spilaíhlutir hafa verið uppfærðir og íslenskar spilareglur og handbók fylgir með.
Hægt er að spila borðspilið CATAN með litlum hóp eða skipta stórum hóp niður í nokkra leiki og spilað er úrsláttarkeppni eða sætiskeppni. Hægt er að spila leikinn yfir netið með appi, sem beint er á hér fyrir neðan. Foringi getur tekið að sér að stýra keppnum, séð um yfirsýn á úrsláttarkeppnum eða sætiskeppnum og tilkynnt sigurvegara og sæti í lok móts.
Secret Hitler
Secret Hitler er spil þar sem hver leikmaður er annað hvort fasisti eða frjálslyndur, og einn leikmannanna er Hitler. Fasistarnir reyna að sá vantrausti og koma leiðtoga sínum að, á meðan hinir frjálslyndu reyna að finna Hitler og stöðva hann áður en það er um seinan. Frjálslyndir eru alltaf í meirihluta.
Til að spila leikinn yfir netið er hægt að fylgja slóðinni hér fyrir neðan. Þar geta leikmenn stofnað aðgang og spilað allt að sjö saman. Ef hópurinn er stærri en það er hægt að skipta honum niður og á milli leikja er hægt að endurraða í hópa.
Bordgame arena
Hér má finna fjölbreytt val af spilum sem hægt er að spila í gegnum netvafra. Síðan bíður upp á góða leitarvél þar sem hægt er að leita eftir tegund spila. Það er hægt að leita að leikjum eftir stærð hóps, tegund borðspila, hversu langan tíma þau taka og fleira. Þar er auglýst að hægt sé að spila yfir þúsund mismunandi borðspil og það er ekki þörf á að hala niður neinum forritum.
Við hvetjum þig til að skoða fjölbreytta úrvalið sem er þar er í boði. Ef þú ert óviss um hvar skal byrja mælum við með að prufa að skoða eftirfarandi spil:
Hér er hægt að skipta hópum niður í lið eða mismunandi spilateymi. Einnig er hægt að stilla upp úrsláttarkeppnum eða mótum í ákveðnum spilum. Magn og fjölbreytileiki spilaúrvalsins bíður upp á marga möguleika á hvernig sveit getur skipulagt spilafundinn sinn.
Önnur mál
Listi af leikjum sem hægt er að spila yfir netið má finna hér
Covid ráðstafanir í Skátamiðstöðinni
Vegna mikillar útbreiðslu Covid mun starfsfólk Skátamiðstöðvar skipta sér í tvö teymi sem verða í Skátamiðstöðinni til skiptis til að reyna að fyrirbyggja að allt starfsfólk lendi í sóttkví og/eða einangrun samtímis. Því verða opnunartími Skátamiðstöðvarinnar styttur þannig eingöngu verður hægt að koma við í Skátamiðstöð á milli 11:00 og 14:00 á daginn, við biðjum fólk samt að koma eingöngu við ef það þarf þess nauðsynlega. Síminn verður opinn þegar starfsfólk er í húsi en annars lokaður, best verður að koma erindum til okkar með því að senda tölvupóst á skatarnir@skatarni.is.
Ekkert fundarhald ráða, vinnuhópa og stjórna innan BÍS og dótturfélaga verður leyfilegt í Skátamiðstöðinni heldur verða allir fundir færðir á rafrænan vettvang.
Félagsstarf skáta til og með 12. janúar
Ný reglugerð um takmörkun á samkomum vegna farsóttar tók gildi 21. desember 2021 og gildir til og með 12. janúar 2022. Að þessu sinni voru ekki settar ólíkar reglugerðir um samkomur almennt og um skóla- og tómstundastarf barna. Þar að auki var æskulýðsstarf ekki nefnt í reglugerðinni og því nokkur óvissa hjá skátunum og öðrum æskulýðssamtökum hvaða reglum bæri að fylgja í starfinu og leita þurfti til ráðuneytis til að staðfesta túlkun reglugerðarinnar.
Í svari heilbrigðisráðuneytisins var áréttað að æskulýðsstarfi væri hvorki ætlað að miða við þau ákvæði sem væru sett um íþróttaæfingar barna né um við þau ákvæði sem væru sett um frístund barna á grunnskólaaldri, starfsemi æskulýðsfélaga fellur undir almennar samkomutakmarkanir þ.e. samanlagt mega 20 koma saman börn og fullorðin fædd fyrir 2016 í félagsstarfi skáta, almennar nándartakmarkanir gildi fyrir alla og grímuskylda fyrir þau fædd fyrir 2006 þegar ekki er hægt að tryggja nándartakmörk.
Því eru það tilmæli Bandalags íslenskra skáta að allt félagsstarf skáta á grunnskólaaldri (dreka-, fálka- og dróttskáta) í raunheimum fari í hlé a.m.k. til og með 12. janúar. Við teljum afar erfitt fyrir nokkurt félag að halda uppi starfi við þessar takmarkanir á ábyrgan máta. Félagsstarf sé strax flutt á rafrænan vettvang eða einstaklingsbundin dagskrá send til skáta eða hlé gert á starfi og slíkt undirbúið. Erindrekar undirbúa nú dagskrárpakka byggða á góðu starfi sem við sáum í svipuðu ástandi í fyrri bylgjum fyrir hvert aldursbil sem skátaforingjar geti nýtt sér og aðlagað í stað þess að þurfa að finna upp á öllu sjálf. Þetta efni verðu gert aðgengilegt á sérstakri undirsíðu sem má nú finna í valmynd efst á síðunni undir "Covid". Nú og í náinni framtíð er mikið af börnum í sóttkví og einangrun og við teljum starfið gert aðgengilegra öllum með þessum hætti við núverandi ástand og dregið úr áhættu á smitum fyrir þátttakendur og sjálfboðaliða meðan þessi bylgja gengur yfir.
Rekka-, róver og eldri skátum er ráðlagt vilji þau koma saman að færa allt það starf utandyra, vera aldrei fleiri en 20, gæta nándartakmarkana og bera grímur sé ekki hægt að tryggja þær. Allar samkomur sem snúa að skipulagi félagsins s.s. foringjaráðsfundir, stjórnarfundir, baklandsfundir og samanborið sé framkvæmdt rafrænt.
Dreka- fálka- og dróttskátar (7 – 15 ára)
Mælst er til þess að til 12. janúar sé allt félagsstarf þessara aldursbila sett í hlé. Það sé annaðhvort strax fært á rafrænan vettvang eða einstaklingsbundin dagskrá send til þátttakenda eða hlé gert á starfi og slíkt undirbúið.
Rekka- og róverskátar (16 – 25 ára) og eldri skátar (26 ára og eldri)
Vilji skátar á þessum aldursbilum koma saman er þeim ráðlagt að færa allt það starf utandyra, vera aldrei fleiri en 20, gæta nándartakmarkana og bera grímur sé ekki hægt að tryggja þær. Allar samkomur sem snúa að skipulagi félagsins s.s. foringjaráðsfundir, stjórnarfundir, baklandsfundir og samanbærilegt sé framkvæmt rafrænt.