Alþjóðlegur dagur heilsu

Í dag, 7.apríl, er alþjóðlegur dagur heilsu og er hann til að minna okkur á allt það frábæra starf sem læknar, hjúkrunafræðingar og sjúkraliðar vinna á hverjum einasta degi. Auk þess er hann til að minna okkur á mikilvægi þess að allir í heiminum hafi tækifæri á að lifa við góða heilsu og hafi aðgengi að heilbrigðisþjónustu.

Í dag ætlum við að læra að mæla púlsinn okkar heima. Púls er hugtak sem notað er yfir hversu oft hjartað fyllist og tæmis á einni mínútu en það fer eftir líkamlegu ástandi einstaklings, aldri og virkni.

Til að mæla púlsinn þá leggur þú miðfingurna, ýmist tvo eða þrjá, yfir hálsslagæðina eða úlniðlsslagæðina og telur fjölda slaga á tilteknum tíma. Púsl er ætíð gefinn upp sem slög á mínútu.

Byrja þú á því að mæla hvíldarpúlsinn þinn. Hvíldarpúls er þegar þú ert vel hvíld/ur og róleg/ur.

Hlauptu svo einn hring í kringum húsið þitt og mældu púlsinn þinn aftur. Hver er munurinn?

Þegar þú ert búin að þessu getur þú reiknað út aðra púlsa:

Hámarkspúls

Hámarkspúls fer eftir aldri en hann er oftast fundinn með því að draga lífaldur frá 220. Sem dæmi þá er hámarkspúls tvítugrar manneskju 200. Ef púls fer yfir hámarkspúls nær hjartað ekki að fylla sig milli slaga en þá nýtist vinna þess ekki sem skyldi.

Vinnupúls

Vinnupúls er munurinn á hámarkspúlsi og hvídarpúlsi. Ef tvítug manneskja er með hvílarpúls 75 er vinnupúls hennar 200-75 = 125 slög á mínútu.

Heimild: Vísindavefurinn 

Nú er bara að mæla alla í fjölskyldunni og sjá muninn! Skemmtið ykkur vel.

Verkefni 21 – Páskakanína

Leynast einstæðir sokkar heima hjá þér sem þú veist ekki alveg hvað þú átt að gera við og þú þorir ekki alveg að henda þeim þar sem þú ert alltaf að bíða eftir því að hinn sokkurinn birtist! Nú er um að gera að gefa þessum sokkum nýtt líf. Hér er uppskrift af páskakanínu sem þið getið föndrað í sameiningu.

Það sem þig vantar:

• Sokkur
• Hrísgrjón
• Penni
• Snæri
• Borði
• Skæri
• Teip

Fyrst skalt þú byrja á því að fylla sokkin með hrísgrjónunum. Þið getið hjálpast að svo að hrísgrjónin fari ekki út um allt gólf. Fylltu upp að hælnum á sokknum, eins og sést á myndinni.

Næst skaltu nota snærið til að hnýta fyrir opið á sokknum þannig að engin grjón komist í gegn.

Svo er að búa til eyrun á kanínuna. Klippið úr stroffi sokksins þannig að það myndi tvö eyru, eins og sést á myndinni hér að neða. Takið svo límband, sem annað hvort er með lím báðum megin eða setjið límbandið í hring, þar sem límið vísar út þannig það sé lím á báðum hliðunum. Leggið svo límbútana inn í eyrun á kanínunni svo að hliðarnar leggist saman.

Nú er komið að því að búa til haus á kanínuna. Skiptið búknum á kanínunni (þennan sem er fullur af grjónum) í þrjá helminga og hausinn á að vera um 1/3 af búknum. Notið borðann til að mynda hausinn og bindið slaufu. Notaðu svo pennan og gerðu tvo punkta fyrir augu og eitt x fyrir muninn.

Svo verðum við náttúrlega að setja dindil á kanínuna! Veltu henni á magann og klíptu út nokkur hrísgrjón svo þau myndi dindil. Notaðu snæri og hnýttu í kringum dindilinn eins og sést á myndinni.

Nú er kanínan þín tilbúin og þá vantar bara að finna fyrir hana góðan stað. Gleðilega páska!

Verkefni 19 – Alheimsmót á internetinu

Alheimsmót skáta í loftinu og á internetinu, eða JOTA/JOTI eins og það er skammstafað á ensku, er skátamót sem haldið er á alþjóðavísu á hverju ári þriðju helgina í október. Þar gefst skátum allstaðar að úr heiminum tækifæri til þess að kynnast og gera ýmislegt saman gegnum veraldarvefinn eða með fjarskiptabúnaði. Mótið er á vegum WOSM, heimssamtaka skáta.

Í ljósi heimsfaraldurs hefur verið ákveðið að boða til sérstaks alheimsmóts skáta á internetinu helgina 3.-5. apríl. Á meðan mótið stendur yfir gefst skátum 13 ára og eldri tækifæri til að taka þátt í allskyns dagskrá í þema hinna ólíku dagskrárþorpa sem mynda hið rafræna mótsvæði. Á meðal rafrænna dagskrárþorpa verður mannúðarmiðstöð, útvarpsstöð, leikjastöð, rafrænt greni heimsborgarans, tjaldsvæði skátaforingjans og svið fyrir hæfileikakeppni mótsins. Áhersla í allri dagskrá mótsins verður andleg líðan og hvað við getum gert sem skátar á tímum COVID-19.

Til að taka þátt þarf að gera eftirfarandi:

1. Segja foreldrum/forráðamönnum frá því sem þú ætlar að gera á netinu
2. Búa til aðgang inn á scout.org
3. Taka námskeið í netöryggi sem þú finnur inn á heimasíðunni þeirra
4. Finna ykkur verkefni sem þið hafið áhuga á og kynnast fullt af nýjum skátum út um allan heim!

Skemmtið ykkur vel!

Verkefni 18 – HreyfiTETRIS

Hver þekkir ekki Tetris? Hinn sívinsæla leik sem margir hafa spilað seinustu áratugi. Nú í aðeins öðruvísi formi en þú þekkir – nefnilega hreyfiTetris.

Hvað er hreyfiTetris eru þið að velta fyrir ykkur? Jú í staðinn fyrir að spila Tetris í tölvunni, þá er hér blað sem lítur út eins og spilaborðið í Tetris en til þess að fylla það út þarft þú að gera ákveðna hreyfingu og þá færðu að lita inn ákveðinn kubb sem flestir ættu að þekkja úr Tetris.

Hér eru tvær útgáfur af spilaborðinu, ein þar sem við höfum sett fram hugmyndir af hreyfingum sem þú getur nýtt til að spila hreyfiTetris og hin útgáfan þar sem þú getur fyllt úr þær hreyfingar sem þú vilt.

Svo er bara að byrja að hreyfa sig og fylla út blaðið! Hvað ertu lengi að fylla það alveg upp í topp?

HreyfivikuTETRIS hugmyndir

Verkefni 17 – Búðu til þitt eigið spil

Að spila er skemmtileg iðja fyrir alla fjölskylduna til að gera saman. Þið eruð mögulega búin að spila öll spilin sem þið eigið til heima og langar að prófa eitthvað nýtt. Hvernig væri þá að búa til spil? Það er ekki eins erfitt og það hljómar og þið getið leyft ímyndunaraflinu að ráða för!

Hér eru hugmyndir af þremur spilum sem þið getið prófað. Þegar spilið er tilbúið er hægt að bjóða fjölskyldunni upp á skemmtilegt spilakvöld. Hvernig væri að kíkja aftur á verkefni 9 áður en þið byrjið að spila 😉

Völundarhús

Það sem þú þarft:

• Morgunkornskassa eða annan sambærilegan kassa
• Skæri
• Penna
• Límband
• Legókubba, rör, prjóna eða annað sambærilegt til að búa til veggi
• Lítinn bolta

Aðferð:

• Byrjaðu á því að klippa af eina hlið (framan eða aftan) af kassanum svo þú sérð inn í hann
• Gott er að líma hliðarnar svo þær opnast ekki
• Teiknaðu völundarhús inn í kassann sem þú vilt að boltinn fylgi
• Síðan klippiru gat í eitt hornið sem er endastöðin 
• Til þess að gera brautina erfiðari er hægt að klippa fleiri göt sem boltinn getur dottið í gegnum
• Svo getur þú límt legó, prjónum, rörum eða sambærilegu til að búa til veggi
• Svo skoraru á alla í fjölskyldunni til að prófa!

Trivia

Það sem þú þarft:

• Blöð
• Skæri
• Penna

Aðferð:

• Taktu eitt blað og teiknaðu á það nokkra kassa. Þú getur verið með raðirnar 3×3, 4×4 og fyrir lengra komna er hægt að vera með 5×5
• Taktu annað blað og klipptu í kassa sem eru jafn stórir og kassarnir sem þú teiknaðir á fyrsta blaðið. Legðu svo kassana ofan á fyrsta blaðið
• Veldu þema fyrir spilið þitt, eitthvað sem þér finnst skemmtilegt. Sem dæmi getur þú verið með Disney þema, Harry Potter, skátafélög, sundlaugar á Íslandi eða bara það sem þér dettur í hug!
• Ef þú velur sem dæmi dýr þá skrifar þú dýr á alla kassana. Svo skrifar þú vísbendingu um annað dýr á spilaborðinu og færð þau sem eru að spila með þér til að giska á hvaða dýr það gæti verið
• Svo er bara að skora á fjölskylduna þína til að giska á alla reitina
• Þú getur líka prófað að hringja í vin í gegnum netið og leyft þeim að spreyta sig á spilinu!

Spilaborð

Það sem þú þarft :

• Blað
• Liti + blýanta/penna
• Spilakalla (getur verið hvað sem er, gaman að hver leitar að einhverju til að vera sinn kall)
• Tening eða pening

Aðferð:

• Byrjaðu á að velja þema. Það getur verið geimurinn, neðansjávar, skátaútilega. Hvað sem þér dettur í hug
• Hugsaðu hvernig form spilaborðið á að vera. Viltu búa til hring, zik-zak eða kannski kassa?
• Svo veluru hvað á að vera á reitunum. Þú getur sett upp gildrur, áskoranir, spurningar. Notaðu ímyndunaraflið þitt og skapaðu skemmtilegt spilaborð!

Hugmyndir af reitum:

• Einn áfram
• Tvo áfram
• Einn aftur á bak
• Tveir aftur á bak
• Stoppustöð (bíða eina umferð) (getur tengt þennan reit þemanu, bilað geimskip/berjast við geimverur, óreimaðir gönguskór, laus dreki, batterí búin í leikfangi, ofvaxið illgresi)

• Verkefni (hægt er að útbúa bunka af verkefnum til að draga úr):
  • Segja brandara
  • Stanslaust tal í mínútu
  • Búa um rúmið
  • Taka úr uppþvottavélinni
  • Búa til hnút
  • Leysa hnút
  • Raða útiskónum
  • Gera grettu
  • Gera Daðadansinn
  • Syngja uppáhalds lagið þitt
  • Gera 3-5 armbeygjur
  • Standa á höndum (má vera upp við vegg)
  • Skæri, blað, steinn við leikfélaga
  • Halda bolta á lofti