Ferðaskýrsla
FERÐASKÝRSLA
Einstaklingum og hópum sem sækja viðburði erlendis sem fulltrúar BÍS ber að skila ferðaskýrslu að ferð lokinni. Ferðaskýrslan á að geta nýst BÍS til viðmiðs, frekari áætlunargerðar og endurmats á viðburðum og ráðstefnum sem fulltrúar eru sendir á.
Eyðublaðið tekur breytingum eftir því hversu margir fylla það út saman og hvernig það er fyllt út. Þetta bæði til að einfalda starsfólki að endurgreiða og þeim sem fyllir eyðublaðið út að þurfa eingöngu að veita þær upplýsingar sem þarf hverju sinni.
Óskað er eftir því að ferðalag sé gert upp í samræmi við tilgang og markmið þess og gögnum komið til skila í samræmi við það sem fulltrúar kunna að hafa lofað fyrir upphaf ferðar.
Kjörbréf Skátaþings
KJÖRBRÉF FYRIR SKÁTAÞING
Skv. 20 gr. Laga BÍS:
Rétt til setu á Skátaþingi eiga:
A) Með atkvæðisrétt:
Fulltrúar skátafélaga með aðild A fara með 4 atkvæði, þar af skal eitt atkvæði bundið félagsforingja eða öðrum stjórnarmeðlim skátafélagsins í hans stað og æskilegt er að minnst eitt atkvæði sé í höndum einstaklings á aldrinum 13-25 ára.
Fulltrúar skátafélaga með aðild B fara með 1 atkvæði.
- Fulltrúar með atkvæðisrétt skulu vera starfandi skátar 13 ára og eldri.
- Enginn getur farið með fleiri en eitt atkvæði á Skátaþingi og eingöngu fyrir skátafélag sem hann er skráður félagi í.
- Einfaldur meirihluti greiddra atkvæða ræður úrslitum mála á Skátaþingi, nema um breytingu á lögum BÍS eða Grunngildum BÍS sé að ræða.
Umsókn um heiðursmerki
umsókn um heiðursmerki
Vinsamlegast fyllið út eins ítarlega og kostur er. Umsóknin þarf að berast Skátamiðstöðinni a.m.k. 2 vikum fyrir fyrirhugaða afhendingu.
Bera erindi undir stjórn BÍS
BERA ERINDI UNDIR STJÓRN BÍS
Eitt meginmarkmið Bandalags íslenskra skáta er að valdefla ungt fólk og hvetja skáta til virkrar þátttöku í sínu samfélagi. Þetta á líka við um það samfélag sem skátahreyfingin myndar sameiginlega á Íslandi.
Öllum skátum er heimilt að bera erindi undir stjórn Bandalags íslenskra skáta, og er þessi heimild lögfest í 21. grein laga BÍS. Hafir þú erindi sem þú vilt bera undir stjórn BÍS getur þú fyllt út formið hér að neðan.
Ef ætlunin er að tilkynna um óæskilega hegðun t.d. einelti, kynferðislegt áreiti eða hvers kyns annað form ofbeldis innan skátanna skal það gert með því að fylgja þessum hlekk á síðu Æskulýðsvettvangsins þar sem óháð fagráð tekur við slíkum tilkynningum.
Viðburðarskráning
VIÐBURÐARSKRÁNING
Þetta eyðublað skal fylla út og skila inn til að fá viðburð skráðan í viðburðardagatal á heimasíðu skátanna og facebook síðu skátanna.
Gættu þess að fylla eyðublaðið út vel og vandlega til að viðburðinum þínum gangi sem best að afla þátttakenda.
Eyðublaðið tekur breytingum eftir því hvers eðlis viðburðurinn er og hvernig það er fyllt út. Þetta bæði til að einfalda starfsfólki og þeim sem fyllir eyðublaðið út.
Athygli er vakin á því að ritstjórn metur hverju sinni hvort viðburður sé auglýstur á síðum skátanna.
Endurgreiðsluform
Endurgreiðsluform
Þetta eyðublað skal fylla út og skila inn til að sækja um endurgreiðslu á útlögðum kostnaði fyrir BÍS eða eitthvert dótturfyrirtækja þess.
Eyðublaðið tekur breytingum eftir því hvaða verkefni um ræðir og hvernig það er fyllt út. Þetta bæði til að einfalda starsfólki að endurgreiða og þeim sem fyllir eyðublaðið út að þurfa eingöngu að veita þær upplýsingar sem þarf hverju sinni.
Sérstök athygli er vakin á að þótt búið sé að fylla út þetta endurgreiðsluform er greiðsla ekki framkvæmd nema viðkomandi hafi fyrirfram haft heimild til að leggja út fyrir kostnaði og ekki fyrr en frumgögnum reikninga hefur verið skilað inn með viðunnandi hætti.
Umsókn í styrktarsjóð skáta
UMSÓKN Í STYRKTARSJÓÐ SKÁTA
Styrktarsjóður skáta veitir einstaklingum og skátahópum fjárstyrki fyrir ýmsum ólíkum verkefnum skátahreyfingunni til heilla. Sjóðurinn starfar samkvæmt gildandi reglugerð og eru umsækjendur hvött til að kynna sér hana.
Á þessari síðu er að finna rafræna umsókn í styrktarsjóðinn sem áhugasamir umsækjendur geta fyllt út og sent beint til stjórnar sjóðsins. Til að umsókn sé gild ber umsækjanda að fylla út alla reiti á þessari síðu. Hvetjum við umsækjendur að vanda umsókn og styrkir það verkefni að stjórn sjóðsins fái góða mynd af fyrirliggjandi áætlunum og þeim undirbúningi sem kann að hafa farið fram.
Hægt er að sækja um og fá úthlutaða styrki undir 100.000 krónum allt árið en hærri styrkir eru einungis veittir einu sinni á ári á Skátaþingi.