- Þessi event er liðinn
Icelandic Work Party
Um viðburðinn:
Alþjóðlega Skátamiðstöðin í Kandersteg kallar og þú verður að svara!
Við kynnum til leiks í fyrsta sinn hið íslenska vinnuteiti (the Icelandic Work Party) í Alþjóðalegu skátamiðstöðinni í Kandersteg.
Frá 17.-25. september býður KISC (Kandersteg International Scout Center) 10 íslenskum skátum að koma í vinnuteiti í hjarta Svissnesku Alpanna og aðstoða starfsfólk KISC. Þér býðst tækifærið að upplifa draum Baden Powell að taka þátt í „Permanent Mini Jamboree“ ásamt því að starfa við hlið starfsfólksins, Pinkies!
Hvað er vinnuteiti?
KISC býður reglulega upp á vinnuteiti fyrir fjölda þjóða utan háannatíma þeirra, að hausti og vori. Þá kemur hópur af skátum og aðstoðar KISC í þeirra daglegu störfum í heila viku.
Fyrir hverja er vinnuteitið?
Við erum að leita að 10 skátum sem þurfa að:
– Vera skráð í skátana hjá Bandalagi íslenskra Skáta
– Vera 18 ára og eldri þegar vinnuteitið byrjar.
Hvað kostar og hvað er innifalið?
-Vinnuteitið kostar ekki neitt. Matur og gisting í skálum KISC er einnig frí fyrir þáttakendur.
Hvað er ekki innifalið?
– Ferðakostnaður til og frá Íslandi til Kandersteg.
– Öll auka dagskrá á frídögunum.
Dagskrá:
– 3,5 vinnudagar með starfsfólki KISC.
– 3,5 frídagar til þess að kanna umhverfi KISC og náttúruperlu svissnesku Alpanna.
Skráningin er opin til og með 1. ágúst, hægt er að fylla út eyðublaðið hér að neðan til að skrá sig.