RekkaKraftur – AFLÝST

Um viðburðinn:

Viðburðinum hefur verið aflýst sökum dræmrar skráningar.

Könnum nýjar slóðir!

RekkaKraftur verður haldinn í Framskálanum í Bláfjöllum helgina 21.-23. apríl!!

Á RekkaKrafti bjóðum við þér að mæta og taka þátt í hlutverkaleik – þú færð ásamt flokknum þínum að kynnast karakternum þínum, fara á vit ævintýranna og um leið læra mikilvægi góðra samskipta, málamiðlunar, sjálfbærni og umhverfisverndar svo fáein dæmi séu nefnd.  

Viðburðurinn kostar 17.900kr og innifalið í því er gisting, matur og dagskrá. ATH að þátttakendur þurfa að koma sér sjálf á staðinn.

Mæting er í Framskálan föstudaginn 21. apríl, klukkan 19:30 og eiga þátttakendur að hafa borðað kvöldmat fyrir mætingu.

Dagskrá lýkur klukkan 14:00, sunnudaginn 23. apríl.

Skráning er opin á skraning.skatarnir.is en henni lýkur 14. apríl

Með því að skrá þig á RekkaKraft samþykkir þú eftirfarandi skilmála:

1. Staðfestingargjaldið er 10% af námskeiðsgjaldi og er það óafturkræft.
2. Þátttakendur eru ekki sérstaklega slysatryggðir, ábyrgðartryggðir eða vátryggðir að öðru leyti af Bandalag íslenskra skáta (BÍS) í skátastarfi, bent er á að þessar tryggingar eru oft hluti af heimilis- og fjölskyldutryggingum og öðrum almannatryggingum forráðafólks.
3. Meðferð persónugreinanlegra upplýsinga sem skráðar eru vegna þátttöku er í samræmi við samþykkta persónuverndarstefnu BÍS sem finna má hér (https://skatarnir.is/personuverndarstefna/).
4. Bandalag íslenskra skáta áskilur sér rétt til að halda eftir hluta af gjaldi þátttakandi greiðir sem hér segir:
   Ef hætt er við þátttöku 1 mánuði fyrir viðburð er staðfestingargjaldi haldið eftir.
   Ef skátinn hættir við þátttöku 3 vikum fyrir viðburð, er 50% af gjaldi haldið eftir.
   Ef skátinn hættir við þátttöku 14 dögum fyrir viðburð, er 75% af gjaldi haldið eftir.
   Ef skátinn hættir við þátttöku þegar skemmra er til viðburðar en sem nemur 14 dögum verður endurgreiðsla engin.
5. BÍS eða umsjónaraðili á þess vegum getur þurft að aflýsa viðburðum og mótum vegna gildra og óviðráðanlegra aðstæðna s.s. vegna náttúruhamfara, hryðjuverka, stríðs, heimsfaraldra o.fl. Við þessar aðstæður áskilur BÍS sér rétt til þess að endurgreiða ekki mótsgjaldið, þótt ávallt sé leitast eftir að hámarka endurgreiðslu til þátttakenda.​

Auk ofangreindra skilmála gilda almennir skilmálar BÍS, sem má lesa hér (https://skatarnir.is/skilmalar/)