Leiðbeinendasveitin

UM VERKEFNIÐ

Skátaskólinn hefur ákveðið að stofna leiðbeinendasveit BÍS. Hlutverk hennar verður að sjá um leiðtogaþjálfun á vegum BÍS, undirbúa og framkvæma námskeið með stuðningi verkefnastjóra fræðslumála.

Því er leitað að fólki sem er áhugasamt að þjálfa næstu kynslóð leiðtoga og vill auka gæði þjálfunar og fræðslu á vegum Bandalags íslenskra skáta. Leiðbeinendasveitin mun vinna að því að auka leiðtogafærni og valdefla unga skáta til virkrar þátttöku í skátastarfi sem og í daglegu lífi þeirra. Leiðbeinendasveitin miðlar þekkingu sinni og reynslu til annara skáta og vinnur að því að auka áhrif skátastarfs á íslenskt samfélag.

Leiðbeinendur munu einnig fá fræðslu og þjálfun frá sérfræðingum af ýmsum sviðum til að efla hæfni þeirra sem leiðbeinendur. Stefnt er að því að leiðbeinendur fái gagnlega reynslu í gegnum verkefnið sem komi þeim að góðum notum til lífstíðar.

HLUTVERK LEIÐBEINENDA

Leiðbeinendur þurfa að vera tilbúin að skuldbinda sig til að taka þátt í verkefninu til tveggja ára og taka virkan þátt í stafi Leiðbeinendasveitarinnar. Þau þurfa að sækja að minnsta kosti 20 tíma leiðbeinendaþjálfun ásamt því að undirbúa og framkvæma 2-3 helgarnámskeið á vegum BÍS á hverju ári.

VIÐ LEITUM AÐ

Einstaklingum sem hafa mikla reynslu af skátastarfi, hafa verið foringjar eða sinnt öðrum ábyrgðarstöðum innan skátahreyfingarinnar og búa yfir góðri samskiptahæfni.

ÞJÁLFUN

Sem dæmi um þjálfun sem stendur Leiðbeinendasveitinni til boða er:

  • Verkefnastjórnun
  • Óformleg menntun og hlutverk hennar í skátastarfi
  • Inngilding í skátastarfi
  • Framkoma og samskiptahæfni
  • Hugsjón skátastarfs og BÍS

UMBUN

Í Leiðbeinendasveitinni býðst skemmtileg samvera í góðum hópi fólks sem vinnur að sameiginlegum markmiðum ásamt þjálfun sem mun koma að góðum notum bæði í skátastarfi og í eigin lífi. Leiðbeinendasveitinni stendur til boða að fá 40 tíma leiðbeinendaþjálfun og fræðslu- og skemmtiferð með hópnum á hverju ári en stefnt er að ferð erlendis annað hvert ár.

Greitt verður fyrir þau helgarnámskeið sem þú tekur að þér sem leiðbeinandi á vegum Leiðbeinendasveitarinnar.

Umsóknarfrestur er til og með 15. nóvember

Segðu í stuttu máli frá því hvers vegna þú hefur áhuga á verkefninu og hvers vegna þú ættir að verða fyrir valinu.
Segðu í stuttu máli frá því hvaða reynslu eða hæfni þú býrð yfir sem kæmi að góðum notum í Leiðbeinendasveitinni. Hér er gott að nefna viðeigandi námskeið sem þú hefur sótt á vegum skátanna.