Dróttkraftur 2024 – Landvættir

Dróttkraftur er viðburður fyrir alla dróttskáta á vegum Leiðbeinendasveitarinnar.

Dagskrá DróttKrafts byggist á leikjum, reynslunámi og samvinnu skátanna í flokkum. Þannig fá skátarnir tækifæri til að kynnast öðrum dróttskátum á landinu, æfa sig í því að vera leiðtogar á meðal jafningja og taka þátt í lýðræðislegu starfi.

Námskeiðið er flokkanámskeið og er fyrir öll þau sem vilja reyna flokkastarf á eigin skinni. Þátttakendur munu starfa í flokkum við hin ýmsu viðfangsefni og alla helgina verður boðið upp á útivist, samveru, stuð og skátaanda. Á DróttKrafti fá þátttakendur einnig tækifæri á því að hafa áhrif á dagskrárval viðburðarins.

Þema viðburðarins er Landvættirnir.

STAÐSETNING OG RÚTUR

Námskeiðið verður haldið á Blönduósi.

Boðið er upp á rútur frá Reykjavík og Akureyri og verða eftirfarandi:

Rútur frá Reykjavík

Fer frá Skátaheimili Landnema, Háahlíð 9, klukkan 17:00 föstudaginn 15. nóvember.

Áætluð heimkoma er klukkan 17:30 í Skátaheimili Landnema sunnudaginn 17. nóvember.

Rútur frá Akureyri

Fer frá Skátaheimili Klakks, Þórunnarstræti 99, klukkan 18:00.

Áætluð heimkoma er klukkan 16:30 í Skátaheimili Klakks sunnudaginn 17. nóvember.

VERÐ

Verð fyrir viðburðinn er 26.500 krónur. Innifalið í verðinu er rúta, dagskrá, gisting og matur alla helgina. Rútur verða frá Reykjavík og Akureyri.

SKRÁNING

Skráning ver opin á Abler en henni lýkur 10. nóvember