Torgadagskrá

Göngutorg – kort

Opin dagskrá

Skipulag í torgadagskrá

• Torgadagskráin fer fram fjóra daga milli 13-16:30.  

• Ætlast er til þess að foringjar fylgi drekaskátum og fálkaskátum í alla torgadagskrá. Við hvetjum/biðjum foringja að fylgja dróttskátum í dagskrá og vera þeim til stuðnings, að lágmarki í upphafi til að tryggja að þau átti sig á dagskrár fyrirkomulagi og verði nægjanlega örugg til að fara sjálfstæð. Við treystum samt sem áður fararstjórum til að leggja mat á það hvort þau treysti sínum dróttskátaflokkum til að fara sjálf í göngur en foringjarnir þurfa samt sem áður að mæta í göngutorgið með dróttskátunum til að staðfesta leiðarvalið og tengilið flokksins.  

• Hægt er að fá stimpla í mótsbókina fyrir þátttöku í dagskránni. Í upplýsingatjaldinu á miðsvæðinu er hægt að fá torgaperlur.  

Í samfélagstorginu fara flokkarnir um nærumhverfi Úlfljótsvatns og vinna ýmis samfélagsverkefni sem eiga það markmið að byggja upp Úlfljótsvatn og nærumhverfi. Tvö megin þemu eru yfir verkefnum samfélagstorgsins, annars vegar aðgengileg náttúra og hins vegar ævintýralegt undraland.  

Staðsetning: Allir skátaflokkar byrja á því að mæta í samfélagstorgstjaldið sem staðsett er efst á flötinni við fótboltavöllinn. Þar hitta þau hópinn sem verður með þeim og grípa með sér þann búnað sem þau gætu þurft.  

Búnaður: Gott er að hafa í huga að skátarnir verða allan tímann úti í nærumhverfi tjaldsvæðisins og því mikilvægt að vera klædd eftir veðri. T.d. með regnföt ef skyldi rigna, sólarvörn, derhúfu og vatnsbrúsa. Gott er að vera í þægilegum fötum sem auðvelt er að hreyfa sig í og mega verða skítug. Einnig er gott að hafa vinnuhanska/vettlinga.  

Torgið byrjar á því að flokkarnir mæta í göngutorgstjaldið sem staðsett er við Gillwell hliðið, þar verða göngukort og eyðublöð sem flokkarnir fylla út og skilja eftir. Við munum biðja um fjölda í flokknum, leiðarval, áætlaða heimkomu, staðfestingu frá foringja að öll séu vel undirbúin í þá göngu sem var valin, tengiliðaupplýsingar við flokkinn og félag.  

Búnaður: Mjög mikilvægt er að öll séu klædd eftir veðri, í góðum göngufötum, með utanyfir föt ef rignir, í góðum skóm, með derhúfu og sólarvörn, vatnsbrúsa og göngunasl, litla skyndihjálpartösku með helstu nauðsynjum fyrir göngur og annan mikilvægan búnað sem gott er að hafa í göngum.  

Gönguleiðunum er skipt í þrjá erfiðleika flokka, njóta ekki þjóta, áhugahækarar og göngugarpar. Að auki er hægt að skoða tilbúið kort með merktum leiðum. 

Að lokum er mikilvægt að koma við í göngutorgartjaldinu þegar skátarnir koma til baka, merkja sig inn og fá stimpil í mótsbókina.  

Sköpunartorgið er staðsett við hliðina á flötinni milli JB skálans og fjölskyldubúðastallanna. Þar geta skátarnir gengið um svæðið, skoðað og  fundið það sem vekur áhuga hjá þeim og prófað að skapa sjálf einhverjar nýjungar og nýta sér skemmtilegar leiðir til að endurvinna og endurnýta efniviðinn. Þeir skátar sem taka með sér skátahnífa mega með leyfi foringja taka þá mér sér í sköpunartorgið til þess að tálga. Þar verður svæði þar sem skátarnir geta tálgað það sem þeim dettur í hug en á staðnum verður ýmiss föndurbúnaður eins og t.d. garn, pappír, málning, brennipennar, límbyssur svo hægt sé að skapa ýmislegt eins og t.d. fígúrur, göngustafi, hljóðfæri, listaverk, strengjabrúður, skátahnút, kertastjaka/eldspýtustokkshaldara, óróa, vindmyllur, origami, vinabönd svo eitthvað sé nefnt.    

Í sköpunartorginu er einnig tækifæri til að búa til bát og flugdreka til að taka þátt í báta og flugdrekakeppninni á síðasta dagskrádegi í opna dagskrábilinu.  

Þeir skátar sem hafa áhuga geta skráð sig í leikrit dagsins innan sköpunartorgsins en í opna dagskrábilinu mun hópurinn flytja leikrit dagsins á sviðinu fyrir áhugasama áhorfendur. Hafið í huga að þau sem skrá sig í þennan hóp skuldbinda sig í þetta verkefni allt sköpunartorgið og hafa því ef til vill ekki tíma til að taka þátt í öðrum verkefnum.

Þrauta- og metatorg er staðsett á flötinni við KSÚ. Hér er gott að hafa í huga að skátarnir geta blotnað og orðið drullug ef þau vilja leika sér í vatnasafaríinu. Einnig er hægt að fara í vatnsstríð, byggja fleka, keppa í sápubolta eða keppa í drulluhlaupinu. Þá er gott að hafa með sér þurr aukaföt, poka undir óhreinu fötin og handklæði. Ef kalt er í veðri er gott að taka með sér teppi fyrir þau sem vilja hlýja sér eftir kalt baðið í vatninu.  

Fyrir þau sem eru smeik við vatn þá verða hátíðarleiktæki og keppnisþrautir í boði eins og hringjakast, kubbur, skíðaplankahlaup, risa velti Pétur, reipitog, skátaskák, pokahlaup og limbó.   

Opna dagskráin fer fram tvisvar á dag frá 10:00 – 11:30 og 17:00 – 18:30. Þennan tíma er einnig hægt að nýta í tjaldbúðavinnu.
Hægt er að nálgast skráningu og frekari upplýsingar um opnu dagskrána í dagskrártjaldinu sem staðsett er á fótboltavellinum. 

Dagskrárliðir sem krefjast skráningar: 

• Liðaskráning í Fótboltamótið, blakmótið, mugga qudditch og drullubolta 

• Flokkaskráning í Skátasafnið 

• Einstaklingsskráning í Radíóskáta 

• Einstaklingsskráning í Útieldun 

• Einstaklingsskráning í Gilwellskála skoðunarferð 

Ekki þarf að skrá sig í Úlfljótsvatnsdagskrá, alþjóðatjaldið og aðra skyndiviðburði 

Hægt er að vinna sér inn dagskráperlu með því að safna stimplum í mótsbókina fyrir þátttöku í opnu dagskránni. Hægt er að fá perlurnar í upplýsingatjaldinu á miðsvæðinu.  

Í alþjóðatjaldinu sem staðsett er á miðsvæðinu. Þar geta skátarnir komið í heimsókn í báðum opnu dagskrárbilunum og þurfa þau ekki foringja með sér í tjaldið. Við hvetjum samt sem áður foringja til þess að koma með þeim eða að kíkja sjálf í heimsókn og kynna sér bæði alþjóðaráð og tækifærin sem bjóðast í alþjóðlegu skátastarfi.  

Í alþjóðatjaldinu verður hægt að taka þátt í t.d. heimskinda spurningaleik, alþjóðabingó og merkjaskiptistöð svo eitthvað sé nefnt. Í alþjóðatjaldinu verður hægt að finna upplýsingar um nánari tímasetningar fyrir einstaka skyndiviðburði og kynningar.  

Ef einhverjir skátar vilja grípa tækifærið og auglýsa alþjóðleg tækifæri og viðburði eða fræðast um þau frá öðrum skátum þá verður sérstakur gluggi með opnum hljóðnema í alþjóðatjaldinu.  

Skátasafnið býður skátaflokka velkomna til að læra gömul og góð hagnýt verkefni til að nota í skátastarfi. Það má velja um nokkra pósta og fara á milli þeirra: Flöggun íslenska fánans, skátaleikir, búningar, fyrr/nú, varðeldaskikkjur, hnútar, morse, Landsbjörg, o.fl. Öll fá hnútabönd og morsespjöld. Skráningin er daginn fyrir. Fjöldi í flokk eru 5-8 skátar.   

Á hverjum degi kl. 13-15 er auka dagskrá sem krefst engrar skráningar, bara að koma upp í Skátasafnið.  
Sunnudagur: Íslenski fáninn, flöggun 
Þriðjudagur: Hnútar, öll fá hnútabönd 
Miðvikudag: Morse, öll fá morsespjöld 
Fimmtudag: Líflína 
Daglega: Kynning fyrir fararstjóra kl. 18-18:15  

Skátasafnið heldur upp á 10 ára afmæli sitt, mánudaginn 15. Júlí. Safnið er opið skátum allan daginn kl. 10-20. Sérstök móttaka fyrir gesti safnsins er kl. 13:30-15. 

Haldin verða fjögur hreystimót og tvær keppnir yfir mótið. Skátarnir þurfa að skrá sig sem lið í dagskrártjaldinu sem staðsett er á fótboltavellinum en skráning lokar á hvert mót kl. 18:30 daginn fyrir mótið.  

Dreka- og fálkaskátamótin verða í fyrra dagskrábilinu kl. 10 og drótt- og rekkaskátamótin verða í seinna dagskrábilinu kl. 17.  

Ekki þarf að skrá sig sérstaklega í flugdreka og bátakeppnina og hægt verður að búa til flugdreka og báta í sköpunartorginu.  

Fótboltavöllurinn og blakvöllurinn eru opin öllum þegar ekki er mót og hægt er að fá lánaða bolta í dagskrártjaldinu. 

Dagskrá hreystimótanna er:  

• 13. júlí: Fótboltamót  

• 14. júlí: Mugga Quidditch  

• 15. júlí: Blakmót  

• 16. júlí: Drullubolti  

• 17. júlí: Báta- og Flugdrekakeppni.  

Í opnu dagskránni verður hin hefðbundna Úlfljótsvatns dagskrá í boði og krefst ekki skráningar. Ekki er þörf á því að foringjar fylgi skátunum í dagskránna.  

Bátar í Úlfljótsvatni
Í báðum opnu dagskrárbilunum verða kajakar og kanóar í boði ef veður leyfir. Þau sem ætla á bát gætu blotnað og því gott að vera klædd í regnbuxur eða föt sem mega blotna. Einnig er gott að vera með stígvél eða í vaðskóm. 

Fyrir þá skáta sem vilja vaða þá minnum við á að í kringum vötn leynast alltaf ákveðnar hættur og er Úlfljótsvatn engin undantekning. Úlfljótsvatn er eitt kaldasta vatn á Íslandi og auk þess er harður undirstraumur vegna virkjananna. Því biðjum við fararstjóranna að brýna fyrir skátunum að fara varlega þegar leikið er í kringum vatnið og ætlumst til þess að foringjar fylgi yngstu skátunum, drekum og fálkum, ef þau ætla að vaða í vatninu.    

Bæði á morgnanna og á kvöldin verður ísbjörn þar sem sjálfboðaliðar verða við vatnið og er öllum skátum og foringjum boðið að koma og stinga sér til sunds þá.  

Klifurturninn 

Opið verður í klifurturninn í báðum dagkrárbilum þar sem hægt verður að klifra og síga. Ekki er þörf á skráningu né að foringjar fylgi skátunum í þennan dagskrárlið.  

Bogfimi og axarkast 

Staðsett á útisvæðinu stuttu eftir undirgöngin á leiðinni í KSÚ, verður bogfimin og axarkastið. Við treystum því að fararstjórar leggi mat á það hvort nauðsynlegt sé að fylgja skátunum í þennan dagskrárlið þar sem hann krefst þess að skátarnir fylgi fyrirmælum, boðum og bönnum.

Radíóskátar verða í Norðursal og þar geta skátarnir kynnst nýrri tækni og reynt að komast í samband við skáta frá öðrum löndum. Opið verður í Radíóskáta í báðum dagskrárbilum en hægt er að skrá sig í dagskrártjaldinu.  

Í fjölmiðlasetrinu sem staðsett verður í þjónustumiðstöðinni verður starfandi landsmótsblað og útvarp. Þar verður sérdagskrá sem við hvetjum skátana að kynna sér og fylgjast með. Þar verður einnig í boði fyrir skátana að koma í heimsókn og prófa að stjórna útvarpsþætti og ef einhverjir skátahópar vilja nýta tækifærið og auglýsa spennandi viðburði þá hvetjum við þá til að kíkja í fjölmiðlasetrið til að auglýsa.  

Einnig hvetjum við þau sem hafa áhuga á ljósmyndum og greinaskrifum að kíkja við og kynna sér ljósmyndakeppni mótsins.  

Hægt er að fá nánari upplýsingar um fjölmiðlasetrið bæði í upplýsingatjaldinu og í fjölmiðlasetrinu.  

Á morgnanna kl. 10 verða fararstjórafundir í Gilwell skálanum fyrir íslensku fararstjórana. Í seinna opnu dagskrábilinu verður í boði fyrir áhugasama skáta að koma í heimsókn og skoða skálann og kynna sér sögu hans og skátastarfs á Úlfljótsvatni.  

Á heimsóknardaginn, 18. júlí, verður kynning fyrir fjölskyldur og gesti um hvað er skátastarf.  

Gilwell skátar ætla einnig að hittast yfir Landsmót og halda saman kvöldvöku. Hægt er að heimsækja upplýsingatjaldið fyrir frekari upplýsingar um tímasetningu og staðsetningu.   

Fyrir þau sem vilja komast í friðsamlegt umhverfi til að slappa af í ró og næði þá verður slökunartjald og afslöppunarsvæði við kyrrðarlautina. Þar verður sér dagskrá ásamt því að hægt er að bóka tjaldið fyrir trúarathafnir sé óskað eftir því. Bókanir á kyrrðarlautinni fer fram í upplýsingatjaldinu.  

Lumar þú eða einhver í þínum skátaflokki á dagskrá sem þið viljið bjóða öðrum að taka þátt í með ykkur? Vilt þú/þið halda gott danspartý, halda borðspilakvöld, vera með jógastund, setja upp skiptimarkað fyrir merki eða henda í eitt kareoke kvöld. Kíktu þá í upplýsingatjaldið og láttu okkur vita og við aðstoðum ykkur við að gera hugmyndina að veruleika. 

Við KSÚ verður Róverskátatjaldið þar sem Róverskátum og eldri er boðið að koma fjarri tjaldsvæðinu á kvöldin að spjalla og njóta saman. Þar verður kósý andrúmsloft með tónlist og spilum sem hægt er að grípa í. Sum kvöld verður skipulögð dagskrá en ef það eru sérstakar óskir eða boð um ákveðna dagskrá í róvertjaldinu þá er hægt að láta vita af því í upplýsingatjaldinu.  

Mikilvægt er að stilla sína strengi rétt, kjarna sig og koma sér í gírinn fyrir allt það sem dagarnir á Landsmóti geta gefið okkur. Því er gott að bæði byrja dagana og ljúka þeim á réttum nótum.  

Morgunteitið er fyrir þau sem vilja vakna snemma og byrja daginn rétt. Hægt verður að stinga sér til sunds, taka léttar morgunæfingar, hugleiða og dansa sig inn í daginn við bryggjuna og í kyrrðarlautinni.  

Hægt er að koma að bryggjunni og í kyrrðarlautina fyrir þau sem vilja bjóða sólina og vatnið góða nótt. Þar verður hægt að stinga sér til sunds aftur, ígrunda daginn og núllstilla sig fyrir svefninn.  

Til að Landsmót skáta 2024 geti gengið smurt fyrir sig þá þurfum við sjálfboðaliða (IST) til að aðstoða okkur við hin ýmsu verk á meðan á mótinu stendur.
Sjálfboðaliðar gegna mikilvægu hlutverki þar sem þau hjálpa til við að vinna þau verk sem þarf að gera til að skapa ógleymanlegt skátamót fyrir öll, auk þess sem þetta er skemmtilegt tækifæri til að kynnast fleiri skátum og njóta sumarsins á Úlfljótsvatni. Verkefnin eru fjölbreytt og skemmtileg en það þarf til dæmis aðstoð við dagskrá, uppsetningu, kynningarmál og fleira! Allir 18 ára og eldri geta skráð sig sem sjálfboðaliðar.

Sjálfboðaliðarnir mæta á mótið 10. júlí og verða til 21. júlí. Dagana fyrir mótið færðu viðeigandi þjálfun fyrir þitt hlutverk auk þess sem við verðum að setja upp það sem þarf fyrir mótið. Eftir mótið hjálpumst við svo að við að ganga frá og endum svo á uppskeruhátíð þar sem við munum fagna saman góðu skátamóti!

Ekki hika við að hafa samband ef þú ert með einhverjar spurningar!

• Mat og gistiaðstöðu á tjaldsvæði
• Viðeigandi þjálfun fyrir þitt hlutverk
• Möguleiki á að taka þátt í opinni dagskrá utan vinnutíma
• Lokahóf Landsmóts skáta 2024, sem haldið verður 21. júlí

Contingent leaders meetings will be held Friday 12th. july at 18:30 and 13th. – 18th. july at 10:30 am in the volunteer canteen.

If you want to join us with your family we have a family camp where you can set up your tent with your family, explore our campsite, take part in some of the activities and meet other people!

A long time ago there was a big scientific discovery where we found out that our world, as we know it, wasn’t the only world to exist.

Here is a collection of all the newsletter already sent out.

You can always send us an email if you have any questions

Fararstjórafundur 12. júlí kl 18:00 í Gilwell skálanum.

Fararstjórafundir 13. – 18. júlí kl 10:00 í Gilwell skálanum.

Félagið þarf að taka með sér sameiginlegan búnað fyrir tjaldbúð félagsins og er gott að gera nákvæman lista yfir það sem þarf að hafa með. Þá þarf einnig að huga að því að ferja búnaðinn á mótssvæðið en hægt er að koma 11. júlí með búnaðinn. Vinsamlegast sendið póst á Kolbrúnu til að láta vita með áætlaðan komutíma.

Hér er listi yfir hluti sem algengt er að félög taki með í sameiginlegum búnað:

• Tjöld fyrir þátttakendur
• Matartjald
• Eldunarbúnaður
• Eldvarnarbúnaður
• Einkenni félagsins
• Trönur
• Skyndihjálparbúnaður og brunavarnir (mildison, ofnæmistöflur, aftersun ofl.)
• Afþreying fyrir þátttakendur (s.s. vinabönd, spil, syrpur)

Gjarnan óska félög eftir því að fá inn auka sjálfboðaliða, sem eru oftast aðstandendur þátttakenda eða gamlir skátar, til að aðstoða með verkefni í tjaldbúðinni á mótinu. Algeng verkefni til að fá aðstoð með er til dæmis uppsetning tjaldbúðarinnar, matseld, kvöldkaffi og kyrrð eða frágang.

Það er sjálfsagt að fá aðstoð þessara aðila og fögnum við öllum sem leggja landsmóti skáta lið. Foreldrar eða aðrir sjálfboðaliðar þurfa að vera skráð hjá okkur og eiga félög að skila inn lista með nöfnum og sakavottorðsheimildum á skatarnir@skatarnir.is fyrir 10. júlí.

Mikilvægt er að allir þátttakendur skili inn heilsufarsskýrslu til síns félags, þar sem fram koma helstu sjúkdómar, ofnæmi og annað sem gæti talist mikilvægt. Einnig þarf að koma fram hverjir nánustu aðstandendur viðkomandi eru ef neyðartilvik kæmi upp.

Mjög mikilvægt er að muna að þetta eru persónuupplýsingar og þarf að gæta þeirra vel. Félögum er skylt að hafa einn heilsufarsfulltrúa sem gætir að skýrslunum og er fyrsti tengiliður við aðstandendur ef svo ber undir.

Þessum skýrslum á ekki að skila inn til BÍS heldur til heilsufarsfulltrúa hvers félags.

Minnum á að félagið taki ofnæmistöflur og mildison til að geta meðhöndlað bit.

Vilja foreldrar/fjölskyldur þinna skáta taka þátt í fjölskyldubúðum og mynda þar saman tjaldbúð?

Til að taka frá pláss þarf fararstjóri félagsins að senda tölvupóst á Viljurnar.

Foringjar á mótið eiga að vera skráð í Sportabler og þarf að ganga frá því fyrir 8. júlí. Ef foringjar eru að koma hluta mótsins þarf að taka það fram í athugasemd við skráningu. 

Alltaf er yndislegt að vakna í tjaldi eftir nærandi nætursvefn í faðmi þinnar nánustu, heyra í fjarska klingjandi raddir ungra skáta og í næstu tjöldum niðinn
í prímusum.  Svo þegar rennilásnum er rennt upp og búið að þurrka stírurnar úr augunum blasir við notaleg tjaldbúð fjölskyldna, smábörn að leik og fólk sest með kaffibollann fyrir framan tjaldið sitt.  Handan við hólinn eru síðan skátarnir í skátatjaldbúðum að hefja morgundagskrá.

Fjölskyldubúðir eru heill heimur út af fyrir sig en samt eru þau sem dvelja í fjölskyldubúðum þátttakendur á skátamóti.  Í fjölskyldubúðum dvelja um lengri eða
skemmri tíma eldri skátar, foreldrar skáta eða áhugafólk um útivist og tjaldbúðarlíf.

Fjölskyldubúðir er kjörið tækifæri fyrir fjölskyldur skáta, gamla skáta og nýja skáta til að vera hluti af ævintýrunum sem gerast á landsmótum, hitta gamla skátavini og eignast nýja skátavini, upplifa skemmtilegar fjölskyldustundir með yngstu börnunum sem eru ekki ennþá komin á þátttakendaaldurinn og njóta þess að sjá úr fjarska skátann sinn blómstra í hópi jafningja, takast á við það að finna sokkana sína á eigin spýtur og borða hafragrautinn með bros á vör. 

Við mælum með að þið komið og njótið þess að vera með okkur allt landsmótið í fjölskyldubúðum, en ef aðstæður leyfa það ekki þá er hægt að koma í heimsókn í nokkra daga. Í fjölskyldubúðum er dagskrá fyrir alla aldurshópa en sérstaklega er hugsað til þess að yngstu skátarnir okkar (eða verðandi skátar) fái notið sín í faðmi íslenskrar náttúru að skáta sið.

Styrkjum fjölskyldu- og vinaböndin. Hlökkum til að sjá ykkur í fjölskyldubúðum!

Skátahópurinn Viljurnar sjá um fjölskyldubúðir á Landsmóti. Þær hafa stofnað facebook hóp þar sem allar helstu upplýsingar koma inn og þar er einnig hægt að spyrja spurninga.

Fylgið þessum hlekk til að finna hópinn!

„A long time ago there was a big scientific discovery where we found out that our world, as we know it, wasn’t the only world to exist. We discovered that different worlds are around us and are inhabited by a beautiful variety of people. With time and increased knowledge, we were able to open portals that allowed everyone to travel between worlds and get to know one another.

Every world has its own distinctive feature and specific characteristics which can be seen reflected in its people. They have their own strengths and possess certain abilities that are connected to the characteristics of their world.“

„Since then, time has passed, scout groups have developed, and life has taken its usual course.

All of a sudden, scout groups across all worlds, start getting the feeling that they need to go on an expedition. They don’t know where this expedition will take them, but they feel compelled to follow the feeling and set off from their world, equipped for what is coming!“

Fyrir langa löngu varð tímamóta uppgötvun í vísindum þegar kom í ljós að allt í kringum okkur eru ólíkir heimar þar sem fjölbreytt og áhugavert fólk lifir sínu lífi. Með tímanum og aukinni vitneskju náðum við að opna hlið milli heima sem leyfir fólki að ferðast á milli og kynnast öllum þessum ólíku heimum.

Heimarnir eru ólíkir og búa allir yfir ákveðnum eiginleikum sem sjá má endurspeglast í fólkinu. Skátar hvers heims hafa þróað sína styrkleika út frá sínum eiginleikum. Síðan þá hefur tíminn liðið, skátafélög dafnað og lífið gengið sinn vanagang.

Allt í einu fara öll skátafélög, þvert á heima, að heyra á sig kallað. Þau vita ekki hvaðan kallið kemur en finna hjá sér þörf að svara kallinu og leggja því af stað í leiðangur með allt sitt hafurtask, verndargripinn sinn, félagseinkenni og búnað.

Leiðangurinn mun leiða þau á Úlfljótsvatn sumarið 2024, þar sem þau munu sjá skátafélög frá ólíkum heimum koma saman, lenda í ævintýrum og uppgötva af hverju kallið kom!

Hvert skátafélag getur tileinkað sér einkenni síns heims með því að vinna með sína eiginleika og sérþekkingu í undirbúningi fyrir Landsmót ásamt því að búa til Verndargrip fyrir félagið.