Hvenær: 20.-26. júlí 2026

Hvar: Útilífsmiðstöð skáta á Hömrum, Akureyri.

Hvernig kemstu þangað: Til að komast að tjaldsvæðinu að Hömrum er hægt að taka strætó frá miðbæ Akureyrar og ganga í 15 mínútur. 

Á mótinu kynnumst við töfrandi heimi  Hamra og nágrennis. Þar njótum við útivistar og ævintýra. Þemað mun leiða okkur út í  náttúruna þar sem við lærum að bjarga okkur og upplifum dýralífið, gróðurinn, veðurfar, landslagið og samfélagið í kringum okkur. En við skoðum einnig  áhrif hlýnunar jarðar á svæðið og kynnumst sjálfbærni á norðlægum slóðum en það getum við tengt inn á heimsmarkmið sameinuðu þjóðanna. Við erum innan þess svæðis sem flokkast sem Norðurheimskautasvæðið en Hamrar eru nyrsta skátamiðstöð í heimi. 

Þátttakendur: Á Landsmóti finna allir aldurshópar eitthvað við sitt hæfi en dagskráratriðin eru sérstaklega miðuð við skáta á aldrinum 10-17 ára.

Þau sem eru 18 ára eða eldri geta tekið þátt annað hvort sem foringjar skátahópa eða sem starfsmenn á mótinu (IST).

Starfsfólk (IST): Þau sem eru 18 ára og eldri stendur til boða fjölbreytt sjálfboðastörf á mótinu. Sem starfsmaður verður þú hluti af sveit og færð úthlutað einu eða fleiri verkefnum yfir vikuna.

Hefð er fyrir að fjölskyldur skáta sem taka þátt á Landsmóti geti komið og verið með í fjölskylubúðum. Þau sem dvelja í fjölskyldubúðum fá aðgang að hluta mótsins t.d. setningu, kvöldvökum og hluta af dagskrá. Reglur mótsins gilda í fjölskyldubúðum. Meðferð tóbaks, áfengis og annarra vímuefna er ekki leyfð á svæðinu.

Nánari upplýsingar um fjölskyldubúðir verða kynntar síðar.

Þátttakendur: 78.900 kr ISK

Foringjar: 78.900 kr ISK

IST: 78.900 kr ISK