Verkefni 18 - HreyfiTETRIS
Verkefni 18 – HreyfiTETRIS
Hver þekkir ekki Tetris? Hinn sívinsæla leik sem margir hafa spilað seinustu áratugi. Nú í aðeins öðruvísi formi en þú þekkir – nefnilega hreyfiTetris.
Hvað er hreyfiTetris eru þið að velta fyrir ykkur? Jú í staðinn fyrir að spila Tetris í tölvunni, þá er hér blað sem lítur út eins og spilaborðið í Tetris en til þess að fylla það út þarft þú að gera ákveðna hreyfingu og þá færðu að lita inn ákveðinn kubb sem flestir ættu að þekkja úr Tetris.
Hér eru tvær útgáfur af spilaborðinu, ein þar sem við höfum sett fram hugmyndir af hreyfingum sem þú getur nýtt til að spila hreyfiTetris og hin útgáfan þar sem þú getur fyllt úr þær hreyfingar sem þú vilt.
Svo er bara að byrja að hreyfa sig og fylla út blaðið! Hvað ertu lengi að fylla það alveg upp í topp?
Skólastjóri Útilífsskóla Ægisbúa (Vesturbærinn)
Viltu framleiða ævintýri?
Skólastjóri Útilífsskóla Ægisbúa - sumarstarf
Skátafélagið Ægisbúar óskar eftir því að ráða sumarstarfsmann til að sinna starfi skólastjóra yfir Útilífsskóla Ægisbúa, sem eru námskeið fyrir 8-12 ára börn, þar sem þátttakendur stunda útivist, kynnast öðrum krökkum og vinna skemmtileg verkefni í anda skátastarfs.
Helstu verkefni:
- Umsjón sumarnámskeiða
- Stýra dagskrárgerð
- Samskipti við foreldra
- Verkstjórn leiðbeinenda
- Skráningar og utanumhald
Hæfniskröfur:
- Æskilegt er að skólastjóri hafi náð 20 ára aldri.
- Skipulagshæfni og sjálfstæði í vinnubrögðum.
- Metnaður, frumkvæði og hugmyndaauðgi.
- Reynsla af stjórnun og/mannaforráðum er kostur.
- Reynsla af skátastarfi eða öðru æskulýðsstarfi er mikill kostur.
Frekari upplýsingar veitir Tryggvi Bragason, félagsforingi Ægisbúa á tryggvi4@gmail.com, 856-1861.
Umsóknir skulu berast á skati@skati.is. Umsóknarfrestur er til 15. apríl 2020.