- Þessi event er liðinn
Ungt fólk og lýðræði – Gleym mér ei!
Um viðburðinn:
Ungmennaráð UMFÍ heldur sína þrettándu ungmennaráðstefnu Ungt fólk og lýðræði dagana 9. – 11. september 2022 í Héraðsskólanum á Laugarvatni.
Yfirskrift ráðstefnunnar er Ungt fólk og lýðræði – Gleym mér ei!
Ráðstefnan er ætluð ungu fólki á aldrinum 16 – 25 ára. Fjöldi þátttakenda er takmarkaður og komast aðeins 80 þátttakendur að. Fullorðinn einstaklingur þarf að fylgja þátttakendum yngri en 18 ára. Þátttökugjald er 15.000 kr. fyrir hvern þátttakanda. Innifalið í gjaldinu eru ferðir, uppihald og ráðstefnugögn. UMFÍ styrkir 80% af ferðakostnaði. Rúta fer frá þjónustumiðstöð UMFÍ í Reykjavík á föstudeginum og til baka á sunnudeginum. Skila þarf inn kvittunum til þess að fá styrk fyrir ferðakostnaði.
Á viðburðinum er lögð áhersla á að efla lýðræðislega þátttöku ungs fólks í leik og starfi, gefa einstaklingum verkfæri og þjálfun til þess að hafa aukin áhrif í sínu nær samfélagi.
Dagskráin verður með fjölbreyttu sniði. Kynningar, málstofur, hellings hópefli, samtal við ráðamenn og önnur skemmtilegheit. Dagskrá verður birt þegar nær dregur.
Athygli er vakin á því að viðburðurinn er með öllu vímuefnalaus, á það einnig við um rafsígarettur.
Viðburðurinn er opinn öllum ungmennum á tilsettum aldri, engin skylda er fyrir því að vera þátttakandi í ungmennaráði.
Skráning er hafin og stendur til 31. ágúst 2022.
Nánari upplýsingar er að finna inn á umfi.is .
Viðburðurinn er styrktur af Erasmus+