Skyndihjálparnámskeið – dagur 1

Skyndihjálparnámskeið í umsjón hinnar þaulreyndu Laufeyjar Elísabetar Gissurardóttur sem hefur kennt skyndihjálp í þrjá áratugi, námskeiðið er yfir tvo daga og samanstendur af 12 kennslustundum um ólík atriði í skyndihjálp. Í lok námskeiðs fá þau sem ljúka því skyndihjálparskírteini sem nálgast má rafrænt á vef rauða krossins.

Stjórnendum útilífsskóla sumarið 2022 er skylt að hafa gild skyndihjálparréttindi og er haldið sérstaklega í undirbúningi fyrir útilífsskóla skátafélaganna en er opið öllum.

Námskeiðið verður haldið í Skátamiðstöðinni, Hraunbæ 123, dagana 21. og 22. maí klukkan 09:00-15:00
Boðið verður upp á léttar veitingar á námskeiðinu en athygli er vakin á matsölustöðum í nálægð við Skátamiðstöðina.

Námskeiðið kostar 9.900 krónur og eru námskeiðsgjöld innheimt að námskeiði loknu.

Þau sem hafa áður sótt námskeiðið og sækjast eingöngu eftir upprifjun mæta aðeins fyrri daginn og fá þannig skyndihjálparskírteini sín endurnýjuð. Verð fyrir þau sem eru í upprifjun er 4.500 krónur.