Skyndihjálp – kvöld 2

Skyndihjálparnámskeið í umsjón hinnar þaulreyndu Laufeyjar Elísabetar Gissurardóttur sem hefur kennt skyndihjálp í þrjá áratugi, námskeiðið er yfir þrjá daga og samanstendur af 12 kennslustundum um ólík atriði í skyndihjálp. Í lok námskeiðs fá þau sem ljúka því skyndihjálparskírteini sem nálgast má rafrænt á vef rauða krossins.

Námskeiðið er opið öllum og er mælst til þess að öll sem sinna sjálfboðaliðastörfum eða eru starfsfólk innan skátahreyfingarinnar séu með gilt skyndihjálparskírteini.

Námskeiðið verður haldið í Skátamiðstöðinni, Hraunbæ 123, dagana 17., 18. og 19. október klukkan 18:00-21:00
Boðið verður upp á léttar veitingar á námskeiðinu en athygli er vakin á matsölustöðum í nálægð við Skátamiðstöðina.

Námskeiðið kostar 9.900 krónur og eru námskeiðsgjöld innheimt að námskeiði loknu.

Þau sem hafa áður sótt námskeiðið og sækjast eingöngu eftir upprifjun mæta aðeins fyrsta daginn og fá þannig skyndihjálparskírteini sín endurnýjuð. Verð fyrir þau sem eru í upprifjun er 4.500 krónur.