Skátar syngja saman

Skátafélagið Vífill í samstarfi við BÍS og félög eldri skáta ætla að endurvekja kvöldvökuhefðina þann 22. febrúar og halda upp á daginn með skemmtilegri skátakvöldvöku. Þar sem Landsmót skáta verður haldið í sumar verður kvöldvakan með landsmótssniði og mörg gömul og ný lög sungin sem tengjast skátamótum.

Kvöldvakan verður haldin í Hofsstaðaskóla við Bæjarbraut, Garðabæ frá kl. 17:00- 18:30 en í lok hennar verður auðvitað boðið uppá kakó og kex.

Skátar eru hvattir til þess að mæta í skátabúning eða með skátaklút og taka endilega með sér félagafána (og statíf).

Allir skátar, skátahópar og skátafélög eru hjartanlega velkomin.