Fjölmenningarfræðsla Mannflórunnar

Miðvikudaginn 8.nóvember kemur Chanel Björk Sturludóttir stofnandi Mannflórunnar til okkar og heldur fræðslu um fjölmenningu. Fræðslan er fyrir allt starfsfólk og sjálfboðaliða skátanna.

Fræðslan byggist á innleggi frá Chanel en einnig verður gefið rými fyrir umræður og spurningar að því loknu.

Fræðslan verður frá 20-21 og verður haldin í skátaheimili Kópa, Digranesvegi 79. Boðið verður upp á að fylgjast með fræðslunni í gegnum fjarfundabúnað.

Áhugasöm eru vinsamlegast beðin um að skrá sig en skráning er þátttakendum að kostnaðarlausu

Um Mannflóruna

Mannflóran býður uppá fræðslu um fjölmenningu og fordóma í íslensku samfélagi, fyrir skóla, fyrirtæki og stofnanir. Fræðsla Mannflórunnar hentar vel fyrir fyrir nemendur á öllum skólastigum, jafnt og fyrir starfsfólk á skóla og frístundasviði. Einnig hentar fræðslan vel fyrir fyrirtæki og stofnanir sem vilja auka jafnrétti og inngildingu í starfsemi sína. Fræðslan byggir á bæði fræðilegri þekkingu á kynþáttafordómum og einnig eigin reynslu Chanel af fordómum í íslensku samfélagi.

Chanel Björk hefur haldið fræðslur frá því á árinu 2021 fyrir nemendur í grunnskólum, menntaskólum, starfsfólki á skóla og frístundasviði og einnig fyrir háskólanemendur og fyrirtæki. Fræðslan byggir á fræðilegri þekkingu og snertir á grunnhugtökum eins og:
• Kynþáttafordómum
• Menningarfordómum
• Öráreiti
• Forréttindum
• og fleira

Hægt verður að fylgjast með á Zoom fjarfundi.  (Meeting ID: 865 5877 6441)

Viðburðurinn er styrktur af Evrópusambandinu