Um námskeiðið

Á þessu námskeiði fá fálkaskátar þjálfun í að vinna í flokki, kynnast lýðræði í skátastarfi ásamt því að æfa sig í samvinnu og samhjálp. Unnið er með grunn skátahugsjónarinnar og flokkakerfið ásamt reynslunámi sem felst í því að fást við skemmtileg verkefni og læra af reynslunni. Þátttakendur fá tækifæri til þess að stíga sín fyrstu skref sem leiðtogar á meðal jafningja. Lögð verður áhersla á að kynna aðferðir til að efla lýðræði í skátastarfi, t.d. við val verkefna með lýðræðisleikjum. Allt námskeiðið er byggt upp með reynslunámi (‘Learning by doing’) þar sem þátttakendur fá að taka þátt og prófa og læra af reynslunni.