Myndaratleikur um eyjuna Soumenlinna
Höfundur og myndir: Ísold Vala Þorsteinsdóttir
Dagur 1 á Ung i Norden í Finnlandi
Til að byrja með voru allar upplýsingar sem voru gefnar fyrir viðburðin mjög skýrar og mjög hjálplegar. T.d. Hvernig maður kæmist frá flugvellinum að hostelinu og hvernig dagskráin yrði.
Þegar ég lenti í Helsinki vissi ég strax hvert ég átti að fara og var komin á hostelið á innan við hálftíma. Hitti þar mótstjórana, þær Ronju og Kimmel og voru þær mjög almennilegar og hjálplegar. Ég kom mér fyrir í koju og svo var farið í kynningarleiki.
Það fannst nánast öllum mjög áhugavert að ég væri eini Íslendingurinn, það voru meira að segja fleirri frá færeyjum, en við lærðum nöfnin á öllum (eða ekki) og fórum svo út að kanna svæðið og borða svo kvöldmt á Indverksum stað.
Dagur 2
Ræs kl 8:00 og borðað morgunmat, þriggja tíma mismunur fór aðeins illa í mann en maður reyndi sitt besta að halda sér vakandi. Við fórum í heimsókn til bandalags skáta í Helsinki þar sem við vorum frædd um allskonar friðarsáttmála og allskonar tengt frið. Fórum svo út í leiki og fengum okkur hádegismat. Við kíktum svo niður á höfn þar sem beðið var eftir bát til að fara með okkur á eyjuna Soumenlinna. Þegar við komum á eyjuna var talað meira um frið og mismunandi sjálfsmyndir. Fengum við þá blað þar sem við áttum að finna 5 staðreyndir (sjálfsmyndir) um okkur, fara svo í tvöfalda línu og velja úr hjá hvoru öðru hvaða sjálfsmynd ætti að taka í burtu, þar til þú ættir eitt eftir. Áhugaverður “leikur”.
Eftir þetta var okkur skipt í hópa þar sem hver og einn úr hverju landi átti að vera í hópnum, nema auðvitað var það ekki hægt þar sem það var einn Íslendingur og of margir Svíar 😂 en hafðist allt að lokum. Fórum svo í myndaratleik um eyjuna. Taka mynd af góðum felustað, taka mynd af góðum stað til að slaka á, taka mynd af einhverju múmínlegu og meira til. Það var mjög gaman að skoða eyjuna með þessum hætti og gaman að kynnast fólkinu sem var með mér í hóp. Fórum svo aftur upp á land og fórum á annan asískan veitingastað að borða kvöldmat. Eftir kvöldmat var að sjálfsögðu kvöldvaka, en þar sem veðrið var vont þurftum við að hafa hana inni. Þar átti hvert og eitt land að koma með skemmtiatriði eða einhverskonar leik. Ég vissi reyndar ekki af því en náði að kenna þeim hið víðfræga aramdamdaram. Danir kendu leikinn slurp, Svíarnir komu með einhvern froska söng/dans, Færeyingar kendu þjóðdans, Finnar sýndu okkur Finnskar martraðir og Norðmenn komu með brúnan ost, smash og hlaup fyrir alla til að smakka og sýndu einnig ósýnilega bekkinn. Að kvöldvöku liðinni fór ég að sofa.
Dagur 3
Ræs kl 8:00, morgunmatur og pakka niður. Við kvöddum hostelið um 10 leitið og komum okkur aftur upp í bandalag, þar var okkur skipt í tvennt þar sem fyrsti hópurinn bjó til jólaskraut á klútinn sinn og hinn talaði um staðalímyndir og hvernig við getum breytt þeim. Fórum í nokkra leiki og fengum okkur hádegismat. Eftir matinn var kynnt fyrir okkur hinir og þessir viðburðir sem eru væntanlegir í skátahreyfingunni og hvernig við getum farið á hina og þessa skáta staði í heiminum og gerst sjálfboðaliðar. Þegar dagskránni var við það að ljúka komumst við að því að það væri ekki búið að hanna eða búa til Ung i norden merki handa okkur, unnum við þá í að hanna flottasta merkið og ætlum að láta framleiða það fyrir okkur. Þá var komið að kveðjustund, kvöddum foringjana okkar og héldum í smá búðarferð.
Ég kynntist mikið af nýju fólki og nýjum leikjum og fannst verulega áhugavert að fara ein á skátaviðburð.
Ég tel þetta góðann viðburð sem mun standa uppúr ❤️
Vel heppnað Merkjamót
Þann 12. október hélt Ungmennaráð Merkjamót í Skátamiðstöðinni. Um 30 skátar á aldrinum 13-19 ára sóttu viðburðinn og fræddust um merki og merkjaskipti. Dagskrá var fjölbreytt og kom margt skemmtilegt fólk með dagskrárliði. Starfsráð kom og hélt geggjaða kynningu um færnimerkin og svo fengu skátarnir að búa til sín eigin færnimerki. Aldrei að vita, kannski koma færnimerki í Skátabúðina hönnuð af þátttakendum Merkjamóts.
Katrín fræðslustýra BÍS ræddi um samskipti og fór með skátana í leik sem heppnaðist mjög vel. Á milli dagskrárliða var farið í nafnaleiki og geggjað boðhlaup með veglegum vinningum og heppnaðist það einstaklega vel. Haldin var smiðja um red flags í samskiptum, hverju þarf að taka eftir, hvenær er verið að svindla á þér og svo framvegis. Tveir rekkaskátar sögðu frá þeirra reynslu í merkjaskiptum. Þrír sjálfboðaliðar Úlfljótsvatns komu og kynntu skátastarf í sínu heimalandi og merkin þeirra.
Seinni part dags var farið í tvær stórar keppnir, önnur þeirra var Skátatankurinn sem er keppni byggð á þáttunum “Shark Tank” þar sem þátttakendur þurf að selja dómnefnd einhverja vöru. Að þessu sinni áttu skátar að selja dómnefnd merki. Í dómnefnd sátu Harpa Ósk skátahöfðingi, Úlfur Kvaran og Einar Tryggvi. Það var ríkti mikið keppnisskap enda voru vegleg verðlaun í boði. Seinni keppnin var skátarúlleta, þá skiptu skátarnir merkjum og var markmiðið að safna sem flestum. Veitt voru verðlaun fyrir flest merki og mesta úrvalið.
Einnig var borðuð pizza og Skátabúðin var opin og seldi meðal annars bland í poka af merkjum svo öll ættu að geta skipt við erlenda skáta á næstu viðburðum.
Ungmennaráð vill þakka skipulagsteyminu og öllum sem komu og tóku þátt fyrir frábært Merkjamót. En hugmyndin af þessu móti kviknaði hjá Styrmi í Garðbúum og Einari og Daníel í Árbúum. Þeir í samvinnu við Ungmennaráð skipulögðu svo viðburðinn. Ef þú ert með hugmynd sem þig langar að gera að veruleika, ekki hika við að hafa samband í tölvupósti.
Ert þú jólaálfur?
Hó hó hó! Þann 1. nóvember mun jólaskógur Skátabúðarinnar opna í öllu sínu veldi! 🎄✨
Við leitum því að hressum skátum sem vilja vera jólaálfar og aðstoða við sölu jólatrjáa frá og með 1. nóv, allar helgar fram að jólum 🧑🎄
Um er að ræða verktöku og munu jólaálfar fá vinnu sína greidda.
Frekari upplýsingar veitir Ragnar Þór, framkvæmdarstjóri, í tölvupósti.
Ályktun frá stjórn BÍS
Þann 10. október var haldinn stjórnarfundur til að geta brugðist við yfirvofandi umfjöllun Kveiks um Alheimsmótið í Suður-Kóreu 2023. Eftirfarandi ályktun var samþykkt á fundinum.
Breytingar á starfsmannahaldi
Þær breytingar urðu á starfsmannahaldi í skátamiðstöðinni þann 1.október að Halldóra Aðalheiður færði sig úr starfi Erindreka yfir í starf markaðs- og kynningamálastýru og tekur við af Ritu Osório sem flust hefur erlendis og mun sigla á ný mið í framhaldinu, en hún mun starfa við hlið Halldóru út október mánuð.
Vinna stendur nú yfir að ráða rétta manneskju inn í starf Erindreka í staða Halldóru og bæta þannig við skemmtilegt og fjölbreytt teymi skátamiðstöðvarinnar.
Við óskum Ritu velfarnaðar í framtíðinni og þökkum henni fyrir frábærlega vel unnin störf í þágu skátahreyfingarinnar á síðastliðnum árum. Að sama skapi óskum við Halldóru Aðalheiði til hamingju með nýtt hlutverk.
Draumsýn skáta á Úlfljótsvatni
Stjórn BÍS kallar eftir draumsýn skáta um Úlfljótsvatn og hugmyndum um það hvernig við getum haldið áfram að þróa staðinn okkar í sameiningu með það að markmiði að öll geti notið góðs af. Við viljum því leita til allra skáta um þeirra draumsýn á Úlfljótsvatni og koma sínum hugsunum og sýn á framfæri.
Hér að neðan er hlekkur til þess að senda inn hugmyndir. Ef hugmyndin er stór og inniheldur myndir má senda tölvupóst á Skátamiðstöðina.
Okkur hlakkar til að heyra frá ykkur öllum!
Erindreki óskast!
Hefur þú mikla reynslu af skátastarfi og vilt styðja skátafélögin í landinu ásamt því að sinna mikilvægum verkefnum á skrifstofu bandalagsins?
Þá ættir þú að kíkja á starf Erindreka sem er laust til umsóknar.
Á skrifstofunni vinnur hress, samheldinn og skemmtilegur hópur fólks sem sameinast í þeirri vegferð að styrkja skátastarf á Íslandi.
Vilt þú taka þátt í því?
Hlökkum til að heyra frá þér!
Skráning á MOOT 2025 er hafin!
The World Scout Moot er alþjóðlegt skátamót á vegum WOSM fyrir róverskáta á aldrinum 18-25 ára, sem einblínir á alþjóðlega menningu, skilning og vináttu. Mótið er haldið á fjögurra ára fresti í mismunandi löndum og verður haldið árið 2025 í Portúgal.
The Moot er sett upp þannig að skátunum er blandað í mismunandi flokka þvert á lönd sem saman skipa eina sveit. Sveitunum er dreift um landið og taka þær þátt í mismunandi dagskrá út frá því umhverfi sem þær eru staðsettar í.
Sjáðu nánari upplýsingar hér og skráðu þig í þátttökuhópinn!
Nýjar reglugerðir og afsökunarbeiðni fyrir WSJ23 á Alheimsþingi
Alheimsþing skáta fer nú fram í Egyptalandi og á Bandalag íslenskra skáta tvo fulltrúa þar, þau Berglindi Lilju Björnsdóttur og Daða Má Gunnarsson.
Ýmislegt hefur verið á dagskrá en meðal annars var samþykkt níu ára áætlun til að tryggja öryggi á viðburðum, stórum sem smáum. Áætlunin er þróuð í nánu samstarfi við hagsmunaaðila og leggur áherslu á öryggi, tækniframfarir og að öll séu velkomin með óháð kyni, trú, kynhneigð, fötlun eða öðru. Markmiðið er að setja hærri staðla í að tryggja að Alþjóðlegir viðburðir séu öruggir, grípandi, áhrifamiklir og hvetjandi fyrir næstu kynslóðir leiðtoga. Hægt er að lesa nánar um áætlunina hér.
Bandalag Kóresku skátanna baðst afsökunar til allra bandalaga, þátttakenda alheimsmóts 2023 og aðra hlutaðeigandi og lýsir eftirsjá yfir göllum mótsins og þeim erfiðleikum sem öll þurftu að takast á við. Þau hafa endurmetið mótið og lýstu þeim atriðum sem fóru úrskeiðis til að hægt verði að koma í veg fyrir slíkt á komandi mótum. Hægt er að horfa á myndbandið hér, en það hefst á mínútu 46:33.
Einnig var lögð fram viðburðarreglugerð sem gengur út á viðburðarstefnu þar sem ábyrgð er skýr, væntingastjórnun er skilvirk og öryggi tryggt. Stefnan miðar að því að geta haft öruggari, sjálfbærari og áhrifaríkari viðburði um leið og traust meðal aðildarfélaga og gestgjafa er gætt. Einnig mun WOSM hafa auknari heimildir til að stíga inn í og veita utanumhald og aðstoð.
16 - 22 ára geta sótt um að taka þátt í Ung i Norden
Ung i Norden er spennandi viðburður, haldinn Í Helsinki í Finnlandi helgina 11. til 13. október 2024. Viðburðurinn er fyrir unga skáta frá Danmörku, Finnlandi, Færeyjum, Íslandi, Noregi og Svíþjóð. Þema viðburðarins er “Friður”. Yfir helgina fá þátttakendur tækifæri til að læra um og ræða frið í skátasamhenginu, í nærumhverfinu og fjær. Þátttakendur munu einnig eignast nýja vini alls staðar frá norðurlöndunum, hversu frábært er það!
Við erum að leita að fjórum skátum 16 til 22 ára til að taka þátt. Þátttökugjaldið er 200 evrur auk þess að þátttakendur þurfa að kaupa sín eigin flug.
Skátar sem eru í ráðum og nefndum hjá BÍS fá þátttökugjaldið niðurfellt en þurfa að borga eigin flug.
Skráningarfrestur er til 20. Ágúst