REGLUGERÐ BÍSUM HÆFI LEIÐBEINENDA

Fræðsluráð skipar stjórnendur námskeiða með skipunarbréfi. Stjórnendur eru skipaðir til stjórnunar á ákveðnum námskeiðum og er tímalengd samkomulag fræðsluráðs og viðkomandi stjórnanda.  

Námskeið á vegum fræðsluráðs BÍS eru í tveimur flokkum. Annars vegaforingjanámskeið og hins vegar námskeið um sértæk efni á vegum fastaráða BÍS. 

a) Stjórnandi á foringjanámskeiði skal uppfylla eftirfarandi skilyrði: 

1. 1. Hafa foringjareynslu innan skátahreyfingarinnar. 
   2. Hafa lokið Gilwell þjálfun, leiðbeinendaþjálfun og stjórnendaþjálfun eins og hún er skilgreind af fræðsluráði hverju sinni. 
   3. Hafa fengið jákvæða umsögn á endurmati námskeiða þar sem viðkomandi hefur sinnt leiðbeinendastörfum.  

b) Leiðbeinandi á foringjanámskeiði skal uppfylla eftirfarandi skilyrði:  

1. 1. Hafa lokið Gilwell námskeiði eða vera orðinn 23 ára.  
   2. Hafa lokið leiðbeinendaþjálfun eins og hún er skilgreind af fræðsluráði hverju sinni.  

 c) Stjórnandi og leiðbeinandi á námskeiði um sértæk efni skal uppfylla eftirfarandi skilyrði:  

1. 1. Hafa sértæka þekkingu á efninu. 
   2. Hafa stjórnenda og/eða leiðbeinendareynslu. 

Fræðsluráð getur metið formlega menntun og leiðbeinenda- og stjórnendareynslu utan skátahreyfingarinnar til jafns á við þá þjálfun sem skátahreyfingin veitir. 

Stjórnendur námskeiða bera ábyrgð á því að námskeið BÍS séu í samræmi við skipunarbréf, námskrár og verklagsreglur fræðsluráðs BÍS eins og þær eru á hverjum tíma.