Erindrekar BÍS vinna með sjálfboðaliðum BÍS og í félagastarfi skátafélaganna um land allt. Erindrekar eru í samskiptum við öll skátafélögin og styðja þau í fjölbreyttum verkefnum sem styrkja starf þeirra, miðla reynslu á milli félaga og vinna að lausnum á sameiginlegum áskorunum þeirra. Erindrekar sinna líka allskyns átaksverkefnum sem miða að því að styðja sjálfboðaliða í þeirra hlutverkum s.s. með útgáfu fræðsluefnis og verkfæra, með þjálfun og með virkri handleiðslu. Þau vinna líka að framþróun og innleiðingu nýs dagskrárefnis í skátastarfi.

Erindrekar vinna líka að því að fjölga bæði sjálfboðaliðum og þátttakendum í skátastarfi og geta liðsinnt við að koma á fót skátastarfi í byggðarlögum þar sem ekki fyrirfinnst skátastarf nú þegar. Í slíkum verkefnum bjóðast þau að koma hvert á land sem er að kynna starfið fyrir áhugasömum sjálfboðaliðum og þátttakendum, halda námskeið fyrir nýja sjálfboðaliða og reka dagskrá fyrir þátttakendur í nokkur skipti.

Kolbrún Ósk Pétursdóttir

Mótstjóri Landsmóts og starfsmaður farastjórnar Alheimsmóts

Netfang: kolbrun@skatarnir.is
Sími: 550 9806

Kolbrún Ósk er viðburðarstjóri að mennt og hefur verið valin mótsstjóri landsmóts skáta 2024. Undirbúningur er hafinn fyrir mótið sem Kolbrún mun sinna sem sjálfboðaliði en hún hefur auk þess verið ráðin í hlutastarf hjá Skátamiðstöðinni til að sinna þeim málum sem snúa að rekstri og skráningarmálum fyrir mótið.

Nú í vetur mun hún einnig sinna verkefnum sem til falla vegna ferðar skáta á alheimsmótið í Suður Kóreu sumarið 2023, svo sem stuðning við fararstjórn, samskipti vegna skráninga og reikninga, og annan undirbúning.

Elín Esther Magnúsdóttir

Rekstrarstjóri

Netfang: elin@skatarnir.is

Elín sér um að framfylgja stefnu BÍS á Úlfljótsvatni, starfsmannahaldi og daglegum rekstri staðarins í samráði við framkvæmdastjóra BÍS. Hún sér um markaðsstefnu staðarins ásamt því að halda vexti og þjónustustigi heilbrigðu. Elín stýrir öllu starfsfólki á Úlfljótsvatni og sér til þess að skapa öruggt og gott umhverfi fyrir starfsfólk Úlfljótsvatns. Elín er talsmaður Úlfljótsvatns í samráði við stjórn BÍS.

Sjöfn Ingvarsdóttir

Skóla- og Sumarbúðarstýra

Netfang: sjofn@skatarnir.is

Sjöfn er ábyrg fyrir skipulagningu, framkvæmd og endurmati á skóla- og sumarbúðum Úlfljótsvatns. Hún er talsmaður skóla- og sumarbúða ásamt því að eiga í samskiptum við viðskiptavini. Sjöfn sér um endurmat og breytingar alls sem kemur að skóla- og sumarbúðum á Úlfljótsvatni.

Tero Marin

Tjaldbúða & svæðisstjóri

Netfang: tero@skatarnir.is

Tero er þúsundþjalasmiður sem sér um skipulagningu og framkvæmd almenns viðhalds á húsnæði og innviðum Úlfljótsvatns. Hann sér bæði um inni- og útisvæði ásamt því að sinna tjaldsvæðinu með teymi sjálfboðaliða sem leggja ómælda vinnu í svæðið á ári hverju samkvæmt stefnu Úlfljótsvatns. Tero sér um samskipti við Skógræktina og leiðir verkefni landgræðslu og skógræktar á svæðinu.

Jón Andri Helgason

Framkvæmdarstjóri Skátasambands Reykjavíkur og Skátalands

Netfang: ssr@ssr.is

Jón Andri sér um samskipti við Reykjavíkurborg fyrir hönd skátafélaganna varðandi samstarfssamning og húsnæðismál. Jón Andri sinnir einnig viðburðarhaldi fyrir Skátasambandið en þar eru viðburðir eins og Vetrarmót Reykjavíkurskáta, Sumardagurinn fyrsti, 17. júní og sér um starfsmannamál fyrir Útilífsskólann.

Daði Már Gunnarsson

Verkefnastjóri Skátasambands Reykjavíkur

Netfang: skatafelog@ssr.is

Daði sér um stuðning við starfandi skátaforingja hjá skátafélögunum í Reykjavík með foringjaþjálfun og aðstoð við skipulagningu á skátastarfi. Daði aðstoðar einnig við viðburði Skátasambandsins.