- Þessi event er liðinn
Ungmennaþing 18.febrúar
Um viðburðinn:
Þingið verður haldið þann 18. febrúar í skátamiðstöðinni Hraunbæ 123.
Þingið hefst með setningu kl. 10 og lýkur formlega kl. 18. Aðstaðan opnar kl. 10.
Þátttakendur eru skátar yngri en 26 ára. Skátar sem eru yngri en 13 ára þurfa að koma í fylgd með skátaforingja.
Fyrir þingið verður farið yfir hvernig skuli bera sig á skátaþingi og hvernig hægt er að hafa áhrif innan skátahreyfingarinnar. Eftir það verður hádegismatur ásamt kynningum á viðburðum sem eru framundan og síðan tekur þingið við.
Eftir þingslit kl. 18, tekur við skemmtidagskrá þar em haldin verður árshátíð ungmenna fyrir skáta 13 – 25 ára. Henni lýkur formlega kl. 22.
Verðinu er því skipt í tvennt: allur dagurinn og skemmtidagskráin um kvöldið fyrir 13 ára og eldri er á 6.500 kr. en einungis þingið sem lýkur kl. 18 er á 4.500 kr.
Allur matur er innifalinn í verði.
Á þinginu eru til kosninga fjórar stöður innan ungmennaráðs. Leitast er við að hafa jafnt kynjahlutfall í stöðum ráða og hvetjum við því skáta af öllum kynjum til að bjóða sig fram. Framboð mega berast fram til kosninga, öll framboð skulu vera send á uppstillingarnefnd@skatarnir.is með ungmennarad@skatarnir.is í CC. Samkvæmt 26.grein laga BÍS skulu frambjóðendur vera á aldrinum 16-25 ára á því ári sem þeir bjóða sig fram.
Vegna þess að ekki er kosningarár í ár þá þarf ungmennaráð í samstarfi við uppstillingarnefnd að stinga upp á þeim frambjóðendum sem kosnir eru á ungmennaþingi við stjórn BÍS. Stjórnin skipar svo aðila í ráðið og að lokum er leitað að samþykki skátaþings við þessu ferli.
—
Skráning er inn á sportabler: skraning.skatarnir.is