- Þessi event er liðinn
Opinn fundur um heimsmarkmiðin og skátastarf
Um viðburðinn:
Heimsmarkmiðin eru á allra vörum þessa dagana og eru skátarnir engin undantekning þar. Landsmót Skáta 2021 er með heimsmarkmiðaþema og skátasveitir um land allt vinna nú verkefni tengd heimsmarkmiðunum og eru með því að byggja betri heim.
Stýrihópur heimsmarkmiða hjá BÍS ætlar því að halda opinn fund þann 10, september 2020 kl. 20:00 fyrir alla áhugasama skáta um heimsmarkmiðin! Tilgangur fundarins er fyrst og fremst að fræða hvort annað sem og deila góðum venjum, verkefnum og fleira í tengslum við heimsmarkmiðin. Skátarnir vilja vera leiðandi í heimsmarkmiðunum á Íslandi enda endurspegla þau mikið af gildum og lögum skátahreyfingarinnar.
Fulltrúar úr stýrihópnum munu leiða fundinn og halda smá kynningu á störfum hópsins sem og hvað skátar út um allan heim eru að gera í þessum málum en svo verða umræður sem öllum er velkomið að taka þátt í og deila sinni reynsu eða spyrja spurninga varðandi heimsmarkmiðin.
NÝR HEIMSMARKMIÐABÆKLINGUR VERÐUR KYNNTUR!
Fundurinn verður á Zoom og hér geti þið nálgast linkinn: https://us02web.zoom.us/j/82244764456