Um viðburðinn:

Landsmót fálkaskáta verður fjögurra daga tjaldbúðarmót sem verður 30. júní til 3. júlí á Úlfljótsvatni. Komið á fimmtudagskvöldi og heim á sunnudegi.

Þemað verður „Þjóðlegt“ og með svipuðu sniði og mótið sem var á Laugum í Sælingsdal 2018.

Í umgjörðinni verður leitast við að draga fram þjóðlega arfinn í sögum og sögnum gamla tímans ásamt mismunandi handverki og öðrum viðfangsefnum.

Mótsgjaldið er 27.000 krónur en skátafélögin fá 1 skátaforingja frían með á mótið fyrir hverja 6 þátttakendur. Innifalið í mótsgjaldi er tjaldsvæðisgjald, dagskrá,  öll dagskrá, einkenni og matur á meðan mótinu stendur. Sameiginlegur kostnaður félaganna vegna þátttöku er ekki innifalið í mótsgjaldi svo fyrirvari er gefin á að skátafélagið gæti lagt ofan á þetta gjald til að standa kostnað t.d. af sameiginlegri rútu eða öðru.

Skráning er opinn á https://skraning.skatarnir.is, skráning lokar 31. maí.

Fyrsta upplýsingabréf mótstjórnar með nákvæmari upplýsingum um tjaldbúð, dagskrá og önnur efni tengt mótinu má finna hér:

Fréttabréf – Fálkaskátamót 22 – Bréf 1

Fréttabréf – Fálkaskátamót 22 – Bréf 2