Dróttskátar (13 - 15 ára)
DRÓTTSKÁTAR
13 - 15 ára
Sjálfstæði, færni og valdefling
Viðburðir opnast innan landsteina og utan á sama tíma og umhverfisvernd og samfélagsleg meðvitund fléttast við starfið í auknum mæli. Dróttskátar fá aukið frelsi til að ferðast sjálf á viðburði og kynnast öðrum ungmennum allstaðar af landinu.
UM STARF DRÓTTSKÁTA
Fjölmargir nýir möguleikar bjóðast skátum þegar þau komast á dróttskátaaldur. Þau geta tekið þátt í fjölda viðburða víðsvegar um landið ásamt því að fá tækifæri til að ferðast á skátamót erlendis. Dróttskátar eru í virkara samráði við sína foringja um eigið starf og hljóta þannig aukið frelsi til að hrinda eigin hugmyndum í framkvæmd. Samhliða því vex ábyrgð þeirra á eigin starfi og á starfinu í skátafélaginu. Margir skátar taka sín fyrstu skref í foringjastörfum á þessum aldri og stendur því til boða að taka þátt í ýmsum námskeiðum tengd foringjastörfum. Í dróttskátastarfinu fá ungmenni tækifæri til að ferðast og spreyta sig á krefjandi verkefnum í hópi jafnaldra sem að standa þétt saman í starfinu. Þau kynnast ekki bara öðrum og ýmislegu um samskipti og samstarf. Þau kynnast líka sjálfum sér, eigin verðugleikum og getu í fjölbreyttu og skemmtilegu starfi.
VIKULEGIR HITTINGAR DRÓTTSKÁTA
Yfir starfsárið hittast dróttskátarnir vikulega á föstum tímum í skátaheimili síns félags og nágrenni þess, sá hópur myndar skátasveit. Dróttskátar starfa í svokölluðum skátaflokkum, líkt og fálkaskátar, þar sem 5 – 8 skátar vinna saman innan skátasveitarinnar yfir starfsárið. Samvinna innan dróttskátaflokksins er formfastari heldur en á yngri aldursbilum og skátarnir verða færari um að skipta með sér hlutverkum eftir styrkleikum hópsins. Dróttskátar sníða oft dagskrá algjörlega út frá eigin hugmyndum en hafa einnig aðgengi að tilbúinni dagskrá sem skátaflokkurinn mótar síðan áfram eftir sínu höfði. Dróttskátasveitin starfar líka oft sem heild eins og þegar stærri dagskrárliðir eru á dagskrá og í undirbúningi ferða. Skátaforingjar dróttskáta tryggja þeim æskileg tól og fræðslu til að mæta áskorunum aldurbilsins og hvetja þau til að finna í sífellu nýjar leiðir til að ögra sjálfum sér í skátastarfi.
![](https://skatarnir.is/wp-content/uploads/dr%C3%B3ttsk%C3%A1ti-fr%C3%A1-N%C3%B6nnu-uai-258x324.jpg)
![](https://skatarnir.is/wp-content/uploads/Untitled-design-1-10-uai-258x135.png)
![](https://skatarnir.is/wp-content/uploads/CREAN2024-01-1-uai-258x135.png)
VIÐBURÐIR Á VEGUM SKÁTAFÉLAGSINS
Innan skátafélagsins hafa dróttskátar tækifæri til að fara í fjölda ferða. Líkt og yngri aldursbilum býðst dróttskátum að fara í dagsferðir á vegum félagsins eða í félagsútilegur. Á dróttskátaaldri byrja skátarnir að geta farið í ferðir og útilegur sem þau skipuleggja sjálf auk þeirra sem skipulagðar eru fyrir þau.
Líkt og hjá fálkaskátum eru sveitarútilegur þar sem öll dróttskátasveitin fer saman í helgarferð. Stór hluti af starfi þeirra á þessum aldri er skipulag og framkvæmd sveitarútilega meira í höndum dróttskátanna með dyggri leiðsögn skátaforingja. Dróttskátarnir ráða ekki eingöngu dagskránni heldur oft líka hvert skal haldið, hvernig skal fara þangað, hvort gist sé í tjaldi eða skála, hvað sé á matseðlinum, hvernig skal elda og ýmsu öðru tengt ferðinni. Í sveitarútilegum vinna dróttskátarnir náið saman og tengslin á milli þeirra verða ennþá sterkari, þau eignast sameiginlegar sögur og minningar og liðsandi sveitarinnar eflist til muna.
Dróttskátar fara í félagsútilegur þar sem þau taka þátt í dagskrá ásamt yngri og eldri aldursbilum. Félagsútilegur eru gjarnan einu sinni á önn og þar fá dróttskátar tækifæri til að tengjast stærri hópi skáta sem þau tilheyra innan skátafélagsins.
Í mörgum skátafélögum byrja dróttskátar að fá tækifæri til að taka þátt í skátamótum erlendis á vegum landssamtaka skáta víða um heim og stundum fá þau ráðið hvert sér farið. Að ferðast utan á skátamót er á meðal skemmtilegustu upplifana í skátastarfinu, þar gefst færi á að kynnast samhuga jafnöldrum og kynnast ólíkum menningarheimum hvors annars. Dagskrá á slíkum skátamótum er jafnan metnaðarfull og ógleymanlega skemmtileg. Það er ekki síður spennandi að upplifa hvernig skátastarf er samtímis líkt en ólíkt víðsvegar um heiminn.
VIÐBURÐIR Á VEGUM BÍS
Á vegum Bandalags íslenskra skáta (BÍS), landssamtaka skátafélaganna, er fjöldi viðburða haldinn fyrir dróttskáta á ári hverju en umgjörð og fjöldi þeirra viðburða er breytilegur eftir áherslum sjálfboðaliðanna sem standa að þeim. Viðburðirnir snúast oftast um að gefa dróttskátum færi á að stunda útivist eða afla sér einhverrar kunnáttu og fræðslu en eiga það allir sameiginlegt að gefa dróttskátunum færi á að kynnast og stunda skátastarf með jafnöldrum úr öðrum skátafélögum. Stundum standa dróttskátar sjálfir fyrir viðburðum þar sem þeir bjóða jafnöldrum úr öðrum skátafélögum og tryggja þannig enn betur að viðburðir standi til boða sem þeim þykja skemmtilegir.
VETRARÁSKORUN CREAN
Crean vetraráskorun fyrir dróttskáta er haldin í febrúar ár hvert. Viðburðurinn er samstarfsverkefni íslenskra og írskra skáta þar sem um 20 íslenskir skátar og 20 írskir skátar fara í tveggja vikna útivistarævintýri þar sem þau kynnast undirstöðuatriðum fjallaferða og vetrarferðamennsku við alvöru aðstæður. Áður en lagt er upp í tveggja vikna ferðalag taka dróttskátarnir þátt í undirbúningshelgum þar sem þau fá þjálfun í þeim þáttum sem verður reynt á í ferðinni svo þau séu vel reiðubúin. Dróttskátar þurfa að sækja um þátttöku og geta eingöngu tekið þátt í viðburðinum í eitt skipti. Hægt er að fræðast nánar um CREAN hér.
LANDSMÓT SKÁTA
Dróttskátar geta tekið þátt í Landsmóti skáta með sínu skátafélagi líkt og fálkaskátar. Landsmót skáta er vikulangt skátamót haldið á þriggja ára fresti, á Úlfljótsvatni og Hömrum til skiptis. Landsmót er fyrir öll skátafélög á landinu fyrir fálkaskáta og eldri. Á landsmót sækja einnig skátar og skátafélög allstaðar að úr heiminum, því mót sem þessi eru frábær tækifæri til að efla skátatengsl og vináttu. Dagskrá landsmóts er ávallt fjölbreytt og skemmtileg, krefjandi og eftirminnileg. Á landsmóti muntu eignast nýja vini og læra nýja hluti.
LANDSMÓT DRÓTTSKÁTA
Landsmót dróttskáta er nokkurra daga skátamót í tjaldbúð þar sem öll dagskrá og umgjörð miðast við þennan aldur. Mótið er haldið á þriggja ára fresti og er því aldrei langt á milli móta.
![](https://skatarnir.is/wp-content/uploads/IMG_3885-scaled-e1724851056246-uai-258x247.jpg)
![](https://skatarnir.is/wp-content/uploads/RO-Landsmot2024-dagur3-62-scaled-uai-258x172.jpg)
![](https://skatarnir.is/wp-content/uploads/jamboree-%C3%ADslenskir-bakpokar_mynd-fr%C3%A1-%C3%8Dsold-uai-258x258.jpg)
EVRÓPUMÓT SKÁTA
Dróttskátar eru yngstu skátarnir sem geta tekið þátt í Evrópumóti.
ALHEIMSMÓT SKÁTA
Alheimsmót skáta er haldið víðsvegar um heim með fjögurra ára millibili og eru dróttskátar yngstu skátarnir sem geta tekið þátt í mótinu. Alheimsmót eru stærstu viðburðir sem haldnir eru á heimsvísu á vegum skátahreyfingarinnar en skátar úr öllum heiminum koma þar saman, reisa tjaldbúð, kynnast hvert öðru og deila ólíkum menningarheimum hvert með öðru. Dagskrá mótsins er einstök þegar horft er til stærðar og metnaðar. Fararhópur á mótið er myndaður af landssamtökum hvers lands og hefur BÍS alltaf tekið þátt í mótinu síðustu áratugi.
EINKENNI DRÓTTSKÁTA
Klútur dróttskáta er grænn og festur með skátahnút sem skátarnir útbúa sjálfir eða bundinn með vinahnút. Klútinn fá skátarnir afhentan til að marka að þau séu vígðir meðlimir í skátahreyfingunni og hafi lokið vígslugrunni síns aldursbils. Vígslugrunnur dróttskáta er að vinna skátaheitið, þekkja kjörorð skáta og tileinka sér allar tíu greinar skátalaganna.
SKÁTALÖG DRÓTTSKÁTA
Skáti er hjálpsamur
Skáti er glaðvær
Skáti er traustur
Skáti er náttúruvinur
Skáti er tillitssamur
Skáti er heiðarlegur
Skáti er samvinnufús
Skáti er nýtinn
Skáti er réttsýnn
Skáti er sjálfstæður
Aldursmerki dróttskáta eru þríhyrningslaga og eru saumuð aftan á klútinn. Brún merkisins markar aldur dróttskátans þar sem brons er fyrir 13 ára, silfur fyrir 14 ára og gull er fyrir 15 ára. Merkin fá skátarnir afhent frá sínum skátafélögum sem hafa ólíkan hátt á því hvernig og hvenær þau eru afhent.
![](https://skatarnir.is/wp-content/uploads/Copy-of-Untitled-Design-e1572560080902-uai-258x271.png)
![](https://skatarnir.is/wp-content/uploads/F%C3%A6rnimerki-F%C3%A1lkask%C3%A1tar-e1572559617885-uai-258x97.png)
FÆRNIMERKI DRÓTTSKÁTA
Færnimerkin eru ofin merki sem skátarnir geta unnið sér inn með því að ljúka tilteknum dagskrárgrunni sem liggur að baki hverju merki. Dagskrá færnimerkjanna þekur breitt áhugasvið og eru þess eðlis að einstakir skátar geta unnið að þeim á eigin vegum, í smærri hópum skáta eða með allri skátasveitinni. Á dróttskátaaldri standa öll færnimerkin til boða en mörg þeirra færnimerkja sem dróttskátar geta unnið að eru lokastig þeirra merkja sem skátar á yngri aldursbilum geta unnið að.
Drekaskátar (7 - 9 ára)
DREKASKÁTAR
7-9 ÁRA
Glaðvær, ákveðin og forvitin
Ung en stórhuga fá drekaskátar tækifæri til að spreyta sig og uppgötva hvers þau eru í raun megnug.
STARF DREKASKÁTA
Á drekaskátaaldri fást skátarnir við margvísleg viðfangsefni en einbeita sér að mestu leyti að leikjum og skemmtilegum verkefnum sem styrkja dýrmæta eiginleika svo sem traust, þolinmæði, samvinnu, samkennd og sjálfsbjargarviðleitni. Á þessum yngstu árum í skátastarfi öðlast skátarnir grunn í allskyns færni sem þau skerpa enn fremur á efri aldursbilum. Þrátt fyrir ungan aldur eru skyndihjálp, útieldun, rötun, náttúruvitund og útivera í ýmsum aðstæðum, á meðal þess sem drekaskátar fá að reyna.
VIKULEGIR HITTINGAR DREKASKÁTA
Yfir starfsárið hittast drekaskátar vikulega á föstum tímum í skátaheimili síns félags og nágrenni þess, sá hópur myndar skátasveit. Dagskráin er fjölbreytt yfir árið en tekur iðulega mið af áhuga og getu hópsins ásamt árstíð hverju sinni. Á þessum vikulegu fundum kynnast skátarnir sífellt betur og öðlast smám saman færni til að takast á við stærri áskoranir.
![](https://skatarnir.is/wp-content/uploads/4.3-drekar-e1572558960125-uai-258x193.png)
![](https://skatarnir.is/wp-content/uploads/Untitled-design-14-1-e1572560740709-uai-258x178.png)
VIÐBURÐIR Á VEGUM SKÁTAFÉLAGSINS
Drekaskátar fara gjarnan í styttri ferðir og útilegur með sínu skátafélagi en taka síðan þátt í hluta af lengri ferðum með eldri skátum félagsins s.s. félagsútilegum og skátamótum þar sem þau upplifa hvað bíður þeirra á efri aldursbilum skátastarfs.
VIÐBURÐIR Á VEGUM BÍS
Á vegum Bandalags íslenskra skáta, landssamtaka skátafélaganna, eru árlega haldnir tveir viðburðir fyrir drekaskáta. Drekaskátadagurinn er fyrstu helgina í mars og er dagsviðburður þar sem drekaskátar af öllu landinu koma saman og spreyta sig á ýmsum fjörugum áskorunum. Á hverju ári tekur eitt skátafélag viðburðinn að sér og býður öllum drekaskátum landsins og því fer viðburðurinn fram á ólíkum stað hverju sinni.
Drekaskátamót er síðan haldið í júní á hverju ári. Mótið er vanalega haldið á Úlfljótsvatni þar sem drekaskátar af öllu landinu koma saman, reisa tjaldbúð, taka þátt í fjölbreyttri dagskrá og gista eina nótt í tjaldi.
EINKENNI DREKASKÁTA
Klútur drekaskáta er gulur og festur með skátahnút sem skátarnir útbúa sjálfir eða bundinn með vinahnút. Klútinn fá skátarnir afhentan til að marka að þau séu vígðir meðlimir í skátahreyfingunni og hafi lokið vígslugrunni síns aldursbils. Vígslugrunnur drekaskáta er að vinna skátaheitið, þekkja kjörorð skáta og tileinka sér fyrstu fjórar greinar skátalaganna.
SKÁTALÖG DREKASKÁTA
Skáti er hjálpsamur
Skáti er glaðvær
Skáti er traustur
Skáti er náttúruvinur
Aldursmerki drekaskáta eru þríhyrningslaga og eru saumuð aftan á klútinn. Brún merkisins markar aldur drekaskátans þar sem brons er fyrir 7 ára, silfur fyrir 8 ára og gull er fyrir 9 ára. Merkin fá skátarnir afhent frá sínum skátafélögum sem hafa ólíkan hátt á því hvernig og hvenær þau eru afhent.
![](https://skatarnir.is/wp-content/uploads/Untitled-design-3-1-e1572559813257-uai-258x264.png)
![](https://skatarnir.is/wp-content/uploads/Drekask%C3%A1tar-F%C3%A6rnimerki-e1572559317359-uai-258x97.png)
FÆRNIMERKI DREKASKÁTA
Færnimerkin eru ofin merki sem skátarnir geta unnið sér inn með því að ljúka tilteknum dagskrárgrunni sem liggur að baki hverju merki. Dagskrá færnimerkjanna þekur breitt áhugasvið og eru þess eðlis að einstakir skátar geta unnið að þeim á eigin vegum, í smærri hópum skáta eða með allri skátasveitinni. Drekaskátar geta strax unnið að ýmsum færnimerkjum sem hæfa þeirra aldri, sum þeirra eru stigvaxandi og eru undanfari merkja sem unnið er að á eldri aldursbilum.
![](https://skatarnir.is/wp-content/uploads/4.3-drekar-e1572558960125-uai-258x193.png)
STARF DREKASKÁTA
Skátarnir fást við margvísleg viðfangsefni á drekaskátaaldri. Þá einbeita skátarnir sér að mestu leyti að leikjum og skemmtilegum verkefnum sem styrkja ýmsa dýrmæta eiginleika svo sem traust, þolinmæði, samvinnu, samkennd og sjálfsbjargarviðleitni. Á þessum yngstu árum í skátastarfi öðlast skátarnir grunn í allskyns færni sem þau skerpa enn fremur á efri aldursbilum. Þrátt fyrir ungan aldur eru skyndihjálp, útieldun, rötun, náttúruvitund og útivera í ýmsum aðstæðum á meðal þess sem drekaskátar fá að reyna.
VIKULEGIR HITTINGAR DREKASKÁTA
Yfir starfsárið hittast drekaskátar vikulega á föstum tímum í skátaheimili síns félags og nágrenni þess, sá hópur myndar skátasveit. Dagskráin er fjölbreytt yfir árið en tekur iðulega mið af áhuga og getu hópsins ásamt árstíð hverju sinni. Á þessum vikulegu fundum kynnast skátarnir sífellt betur og öðlast smám saman færni til að takast á við stærri áskoranir.
![](https://skatarnir.is/wp-content/uploads/5.1-e1572559195648-uai-258x172.jpg)
VIÐBURÐIR Á VEGUM FÉLAGSINS
Drekaskátar fara gjarnan í styttri ferðir og útilegur með sínu skátafélagi en taka síðan þátt í hluta af lengri ferðum með eldri skátum félagsins s.s. félagsútilegum og skátamótum þar sem þau upplifa hvað bíður þeirra á efri aldursbilum skátastarfs.
VIÐBURÐIR Á VEGUM BÍS
Á vegum Bandalags íslenskra skáta, landssamtaka skátafélaganna, eru árlega haldnir tveir viðburðir fyrir drekaskáta. Drekaskátadagurinn er í mars og er dagsviðburður þar sem drekaskátar af öllu landinu koma saman og spreyta sig á ýmsum fjörugum áskorunum. Á hverju ári tekur eitt skátafélag viðburðinn að sér og býður öllum drekaskátum landsins og því fer viðburðurinn fram á ólíkum stað hverju sinni.
Drekaskátamót er síðan haldið í júní á hverju ári. Mótið er vanalega haldið á Úlfljótsvatni þar sem drekaskátar af öllu landinu koma saman, reisa tjaldbúð, taka þátt í fjölbreyttri dagskrá og gista eina nótt í tjaldi.
![](https://skatarnir.is/wp-content/uploads/Drekask%C3%A1taeinkenni-2-e1572559504953-uai-258x290.png)
EINKENNI DREKASKÁTA
Klútur drekaskáta er gulur og festur með skátahnút sem skátarnir útbúa sjálfir eða bundinn með vinahnút. Klútinn fá skátarnir afhentan til að marka að þau séu vígðir meðlimir í skátahreyfingunni og hafi lokið vígslugrunni síns aldursbils. Vígslugrunnur drekaskáta er að vinna skátaheitið, þekkja kjörorð skáta og tileinka sér fyrstu fjórar greinar skátalaganna.
SKÁTLÖG DREKASKÁTA
Skáti er hjálpsamur
Skáti er glaðvær
Skáti er traustur
Skáti er náttúruvinur
Aldursmerki drekaskáta eru þríhyrningslaga og eru saumuð aftan á klútinn. Brún merkisins markar aldur drekaskátans þar sem brons er fyrir 7 ára, silfur fyrir 8 ára og gull er fyrir 9 ára. Merkin fá skátarnir afhent frá sínum skátafélögum sem hafa ólíkan hátt á því hvernig og hvenær þau eru afhent.
![](https://skatarnir.is/wp-content/uploads/Drekask%C3%A1tar-F%C3%A6rnimerki-e1572559317359-uai-258x97.png)
FÆRNIMERKIN
Færnimerkin eru ofin merki sem skátarnir geta unnið sér inn með því að ljúka tilteknum dagskrárgrunni sem liggur að baki hverju merki. Dagskrá færnimerkjanna þekur breitt áhugasvið og eru þess eðlis að einstakir skátar geta unnið að þeim á eigin vegum, í smærri hópum skáta eða með allri skátasveitinni. Drekaskátar geta strax unnið að ýmsum færnimerkjum sem hæfa þeirra aldri, sum þeirra eru stigvaxandi og eru undanfari merkja sem unnið er að á eldri aldursbilum.
Fálkaskátar (10 - 12 ára)
FÁLKASKÁTAR
10 - 12 ÁRA
Kjarkur, hugmyndaflug og samvinna
Aukin tækifæri til ferðalaga og möguleikar í dagskrá víkka sjóndeildarhring fálkaskáta sem öðlast víðtæka kunnáttu fyrir framtíðina.
UM STARF FÁLKASKÁTA
Ýmislegt nýtt býðst skátum þegar þau komast á fálkaskátaaldur. Fálkaskátar byrja að taka þátt í ýmsum félagsviðburðum, þau fara í eigin helgarferðir með jafnöldrum í sínu félagi ásamt því að geta í fyrsta sinn tekið þátt í ýmsum landslægum viðburðum eins og fálkaskátadeginum og Landsmóti skáta. Á þessum aldri fá skátarnir meiru ráðið um eigin dagskrá og geta mótað dagskráráherslur eftir því hvar þeirra eigin áhugi liggur en áhersla er lögð á útivist, ferðamennsku, lýðræði, sköpun, samvinnu og samfélag. Fálkaskátar öðlast víðtæka kunnáttu og mæta ögrandi áskorunum sem styrkja samtímis útsjónarsemi þeirra, kjark og sjálfsöryggi.
VIKULEGIR HITTINGAR FÁLKASKÁTA
Yfir starfsárið hittast fálkaskátar vikulega á föstum tímum í skátaheimili síns félags og nágrenni þess, sá hópur myndar skátasveit. Fálkaskátar byrja að starfa í svokölluðum skátaflokkum þar sem 5-8 skátar vinna saman yfir starfsárið og öðlast um leið mikla reynslu í samvinnu og samskiptum. Á þessum aldri er meiri áhersla lögð á að sinna áhugasviði hvers skáta og skátaflokkurinn mótar eigin dagskrá með stuðningi eldri sjálfboðaliða. Skátarnir hafa aðgengi að allskyns tilbúinni dagskrá til að velja úr eða til að aðlaga eftir eigin höfði en fá einnig tækifæri til að hrinda eigin hugmyndum í framkvæmd. Fálkaskátasveitin starfar líka oft sem heild eins og þegar stærri dagskrárliðir eru á dagskrá og í undirbúningi ferða. Skátaforingjar fálkaskáta hafa líka áhrif á dagskrána til að skátarnir séu rétt undirbúnir fyrir þær áskoranir sem þau mæta á starfsárinu. Einnig til að tryggja að skátarnir öðlist vissa kunnáttu á fálkaskátaaldri og styðja fálkaskátana til að víkka enn frekar sjóndeildarhringinn.
![](https://skatarnir.is/wp-content/uploads/F%C3%A1lkask%C3%A1tar-setja-saman-muuriku-1-e1572559580238-uai-258x323.png)
![](https://skatarnir.is/wp-content/uploads/Untitled-design-9-e1572559645926-uai-258x387.png)
VIÐBURÐIR Á VEGUM SKÁTAFÉLAGSINS
Innan skátafélagsins fara fálkaskátar í ýmsar ferðir. Þetta geta verið styttri dagsferðir þar sem spennandi útivistamöguleikar í nærumhverfinu eru kannaðir, líkt og í starfi drekaskáta, og lengri útilegur fara að skipa stærri sess í starfi fálkaskáta.
Á fálkaskátaaldri er byrjað að fara í sveitarútilegur víðsvegar um landið þar sem gist er heila helgi í skátaskálum eða tjöldum. Allur háttur er á dagskrá í slíkum ferðum og er hún iðulega stærri og flottari en sú dagskrá sem rúmast á hefðbundnum skátafundum. Dagskráin er breytileg eftir árstíðum, reynslustigi skátanna og áherslum sveitarinnar. Sveitarútilegur eru vettvangur fyrir fálkaskátana til að kynnast enn betur, skapa sameiginlegar minningar og styrkja liðsanda sveitarinnar.
Fálkaskátar byrja líka að fara í félagsútilegur ásamt skátum á eldri aldursbilum í félaginu. Félagsútilegur eru gjarnan einu sinni á önn og í þeim fá fálkaskátar að upplifa að þau tilheyra stærri hóp skáta og fá innsýn í skátastarf efri aldursbila innan skátafélagsins.
VIÐBURÐIR Á VEGUM BÍS
Á vegum Bandalags íslenskra skáta, landssamtaka skátafélaganna, er árlega haldinn einn viðburður fyrir fálkaskáta. Fálkaskátadagurinn er haldinn í nóvember á hverju ári og er dagsviðburður þar sem fálkaskátar af öllu landinu koma saman og spreyta sig á ólíkum áskorunum. Á hverju ári tekur eitt skátafélag viðburðinn að sér og býður öllum fálkaskátum landsins og því fer viðburðurinn fram á ólíkum stað hverju sinni.
LANDSMÓT SKÁTA
Fálkaskátar eru yngstu skátarnir sem fá að taka þátt í Landsmóti skáta. Landsmót skáta er vikulangt skátamót haldið á þriggja ára fresti, á Úlfljótsvatni og Hömrum til skiptis. Landsmót er fyrir öll skátafélög á landinu fyrir fálkaskáta og eldri. Á landsmót sækja einnig skátar og skátafélög allstaðar að úr heiminum, því mót sem þessi eru frábær tækifæri til að efla skátatengsl og vináttu. Dagskrá landsmóts er ávallt fjölbreytt og skemmtileg, krefjandi og eftirminnileg. Á landsmóti muntu eignast nýja vini og læra nýja hluti.
LANDSMÓT FÁLKASKÁTA
Landsmót fálkaskáta er nokkurra daga skátamót í tjaldbúð þar sem öll dagskrá og umgjörð tekur mið af aldursbili fálkaskáta. Mótið er haldið á þriggja ára fresti, því er aldrei langt á milli stórra skátamóta.
![myndir fyrir fjölmiðla - vetrarmyndir](https://skatarnir.is/wp-content/uploads/myndir-fyrir-fj%C3%B6lmi%C3%B0la-vetrarmyndir-e1579783899231-uai-258x137.jpg)
![](https://skatarnir.is/wp-content/uploads/F%C3%A1lkask%C3%A1taeinkenni-2-e1572559527870-uai-258x271.png)
EINKENNI FÁLKASKÁTA
Klútur fálkaskáta er vínrauður og festur með skátahnút sem skátarnir útbúa sjálfir eða bundinn með vinahnút. Klútinn fá skátarnir afhentan til að marka að þeir séu vígðir meðlimir í skátahreyfingunni og hafi lokið vígslugrunni síns aldursbils. Vígslugrunnur fálkaskáta er að vinna skátaheitið, þekkja kjörorð skáta og tileinka sér fyrstu sjö greinar skátalaganna.
SKÁTALÖG FÁLKASKÁTA
Skáti er hjálpsamur
Skáti er glaðvær
Skáti er traustur
Skáti er náttúruvinur
Skáti er tillitssamur
Skáti er heiðarlegur
Skáti er samvinnufús
Aldursmerki fálkaskáta eru þríhyrningslaga og eru saumuð aftan á klútinn. Brún merkisins markar aldur fálkaskátans þar sem brons er fyrir 10 ára, silfur fyrir 11 ára og gull er fyrir 12 ára. Merkin fá skátarnir afhent frá sínum skátafélögum sem hafa ólíkan hátt á því hvernig og hvenær þau eru afhent.
FÆRNIMERKI FÁLKASKÁTA
Færnimerkin eru ofin merki sem skátarnir geta unnið sér inn með því að ljúka tilteknum dagskrárgrunni sem liggur að baki hverju merki. Dagskrá færnimerkjanna þekur breitt áhugasvið og eru þess eðlis að einstakir skátar geta unnið að þeim á eigin vegum, í smærri hópum skáta eða með allri skátasveitinni. Á fálkaskátaaldri stækkar úrval þeirra færnimerkja sem skátarnir geta unnið að. Mörg þeirra eru framhald af merkjum sem skátar á drekaskátaaldri geta unnið að en undanfari þeirra merkja sem skátar á dróttskátaaldri geta unnið að.
![](https://skatarnir.is/wp-content/uploads/F%C3%A6rnimerki-F%C3%A1lkask%C3%A1tar-e1572559617885-uai-258x97.png)
![](https://skatarnir.is/wp-content/uploads/F%C3%A1lkask%C3%A1tar-setja-saman-muuriku-1-e1572559580238-uai-258x323.png)
STARF FÁLKASKÁTA
Ýmislegt nýtt býðst skátum þegar þau komast á fálkaskátaaldur. Fálkaskátar byrja að taka þátt í ýmsum félagsviðburðum, þau fara í eigin helgarferðir með jafnöldrum í sínu félagi ásamt því að geta í fyrsta sinn tekið þátt í ýmsum landslægum viðburðum eins og fálkaskátadeginum og Landsmóti skáta. Á þessum aldri fá skátarnir meiru ráðið um eigin dagskrá og geta mótað dagskráráherslur eftir því hvar þeirra eiginn áhugi liggur en áhersla er lögð á útivist, ferðamennsku, lýðræði, sköpun, samvinnu og samfélag. Fálkaskátar öðlast víðtæka kunnáttu og mæta ögrandi áskorunum sem styrkja samtímis útsjónarsemi þeirra, kjark og sjálfsöruggi.
VIKULEGIR HITTINGAR FÁLKASKÁTA
Yfir starfsárið hittast fálkaskátarnir vikulega á föstum tímum í skátaheimili síns félags og nágrenni þess, sá hópur myndar skátasveit. Fálkaskátar byrja að starfa í svokölluðum skátaflokkum þar sem 5-8 skátar vinna saman yfir starfsárið og öðlast um leið mikla reynslu í samvinnu og samskiptum. Á þessum aldri er meiri áhersla lögð á að sinna áhugasviði hvers skáta og skátaflokkurinn mótar eigin dagskrá með stuðningi eldri sjálfboðaliða. Skátarnir hafa aðgengi að allskyns tilbúinni dagskrá til að velja úr eða aðlaga eftir eigin höfði en fá einnig tækifæri til að hrinda eigin hugmyndum í framkvæmd. Fálkaskátasveitin starfar líka oft sem heild eins og þegar stærri dagskrárliðir eru á dagskrá og í undirbúningi ferða. Skátaforingjar fálkaskáta hafa líka áhrif á dagskrána til að skátarnir séu rétt undirbúnir fyrir þær áskoranir sem þau mæta á starfsárinu. Einnig til að tryggja að skátarnir öðlist vissa kunnáttu á fálkaskátaaldri og styðja fálkaskátana til að víkka enn frekar sjóndeildarhringinn.
![](https://skatarnir.is/wp-content/uploads/Untitled-design-9-e1572559645926-uai-258x387.png)
VIÐBURÐIR Á VEGUM SKÁTAFÉLAGSINS
Innan skátafélagsins fara fálkaskátar í ýmsar ferðir. Þetta geta verið styttri dagsferðir þar sem spennandi útivistamöguleikar í nærumhverfinu eru kannaðir, líkt og í starfi drekaskáta og lengri útilegur fara að skipa stærri sess í starfi fálkaskáta.
Á fálkaskátaaldri er byrjað að fara í sveitarútilegur víðsvegar um landið þar sem gist er heila helgi í skátaskálum eða tjöldum. Allur háttur er á dagskrá í slíkum ferðum og hún er iðulega stærri og flottari en sú dagskrá sem rúmast á hefðbundnum skátafundum. Dagskráin er breytileg eftir árstíðum, reynslustigi skátanna og áherslum sveitarinnar. Sveitarútilegur eru vettvangur fyrir fálkaskátana til að kynnast enn betur, þau skapa sameiginlegar minningar og styrkja liðsanda sveitarinnar.
Fálkaskátar byrja líka að fara í félagsútilegur ásamt skátum á eldri aldursbilum í félaginu. Félagsútilegur eru gjarnan einu sinni á önn og í þeim fá fálkaskátar að upplifa að þau tilheyra stærri hóp skáta og fá innsýn í skátastarf efri aldursbila innan skátafélagsins.
VIÐBURÐIR Á VEGUM BÍS
Á vegum Bandalags íslenskra skáta, landssamtaka skátafélaganna, er árlega haldinn einn viðburður fyrir fálkaskáta. Fálkaskátadagurinn er haldinn í nóvember á hverju ári og er dagsviðburður þar sem fálkaskátar af öllu landinu koma saman og spreyta sig á ólíkum áskorunum. Á hverju ári tekur eitt skátafélag viðburðinn að sér og býður öllum fálkaskátum landsins og því fer viðburðurinn fram á ólíkum stað hverju sinni.
![myndir fyrir fjölmiðla - vetrarmyndir](https://skatarnir.is/wp-content/uploads/myndir-fyrir-fj%C3%B6lmi%C3%B0la-vetrarmyndir-e1579783899231-uai-258x137.jpg)
LANDSMÓT SKÁTA
Fálkaskátar eru yngstu skátarnir sem fá að taka þátt í Landsmóti skáta sem fer fram á fjögurra ára fresti, ýmist á Úlfljótsvatni og að Hömrum við Akureyri. Landsmótið er vikulangt mót fyrir alla skáta 10 – 18 ára og eldri þar sem skátafélög af öllu landinu koma saman og reisa tjaldbúð. Það má með sanni segja að á Landsmóti sé öllu til tjaldað og er dagskrá mótsins því jafnan hin glæsilegasta. Næsta Landsmót verður haldið á Hömrum árið 2020.
LANDSMÓT FÁLKASKÁTA
Landsmót fálkaskáta er nokkurra daga skátamót í tjaldbúð þar sem öll dagskrá og umgjörð tekur mið af aldursbili fálkaskáta. Mótið er haldið á fjögurra ára fresti, alltaf tveimur árum eftir Landsmót skáta og því er aldrei langt á milli stórra skátamóta. Næsta Landsmót fálkaskáta verður haldið árið 2022 en staðsetning er óákveðin.
![](https://skatarnir.is/wp-content/uploads/F%C3%A1lkask%C3%A1taeinkenni-2-e1572559527870-uai-258x271.png)
EINKENNI FÁLKASKÁTA
Klútur fálkaskáta er vínrauður og festur með skátahnút sem skátarnir útbúa sjálfir eða bundinn með vinahnút. Klútinn fá skátarnir afhentan til að marka að þeir séu vígðir meðlimir í skátahreyfingunni og hafi lokið vígslugrunni síns aldursbils. Vígslugrunnur fálkaskáta er að vinna skátaheitið, þekkja kjörorð skáta og tileinka sér fyrstu sjö greinar skátalaganna.
SKÁTALÖG FÁLKASKÁTA
Skáti er hjálpsamur
Skáti er glaðvær
Skáti er traustur
Skáti er náttúruvinur
Skáti er tillitssamur
Skáti er heiðarlegur
Skáti er samvinnufús
Aldursmerki fálkaskáta eru þríhyrningslaga og eru saumuð aftan á klútinn. Brún merkisins markar aldur fálkaskátans þar sem brons er fyrir 10 ára, silfur fyrir 11 ára og gull er fyrir 12 ára. Merkin fá skátarnir afhent frá sínum skátafélögum sem hafa ólíkan hátt á því hvernig og hvenær þau eru afhent.
![](https://skatarnir.is/wp-content/uploads/F%C3%A6rnimerki-F%C3%A1lkask%C3%A1tar-e1572559617885-uai-258x97.png)
FÆRNIMERKI FÁLKASKÁTA
Færnimerkin eru ofin merki sem skátarnir geta unnið sér inn með því að ljúka tilteknum dagskrárgrunni sem liggur að baki hverju merki. Dagskrá færnimerkjanna þekur breitt áhugasvið og eru þess eðlis að einstakir skátar geta unnið að þeim á eigin vegum, í smærri hópum skáta eða með allri skátasveitinni. Á fálkaskátaaldri stækkar úrval þeirra færnimerkja sem skátarnir geta unnið að. Mörg þeirra eru framhald af merkjum sem skátar á drekaskátaaldri geta unnið að en undanfari þeirra merkja sem skátar á dróttskátaaldri geta unnið að.
Viltu styrkja starfið?
Viltu styrkja starfið?
Allt skátastarf er að nánast öllu leyti keyrt af sjálfboðaliðum. Til þess að geta keyrt vel heppnað og gott skátastarf þarf nóg af fullorðnum sjálfboðaliðum í ýmis verkefni.
Einstaklingar geta komið að starfinu á mörgum mismunandi vetvöngum eftir því hvar áhuginn liggur eða þá skuldbindingu sem þau treysta sér í. Til dæmis er hægt að bjóða sig fram í ýmis verkefni innan skátafélagsins bæði í beinu starfi með skátunum, með setu í stjórn eða þátttöku í baklandi félagsins þar sem ákveðin verkefni eru tekin fyrir. Einnig er hægt að stunda sjálfboðaliðastarf beint fyrir Bandalag íslenskra skáta við mótahald eða önnur tilfallandi verkefni.
Það er ómetanlegt fyrir skátahreyfinguna að fá fullorðna sjálfboðaliða í þau fjölbreyttu verkefni sem liggja fyrir í starfinu. Sú vinna sem unnin er af hendi sjálfboðaliða er uppistaðan í starfinu okkar og við erum sjálfboðaliðum okkar ævinlega þakklát.
Afhverju að gerast sjálfboðaliði?
Sjálfboðaliðastarfið okkar með ungmennum er mjög gefandi bæði fyrir þau sem sinna því og fyrir ungmennin sem taka þátt í því. Það er einnig mjög skemmtilegt og störfin eru margvísleg, fjölbreytt og spennandi. Sjálfboðaliða starf í skátunum getur kennt fólki ýmislegt og gefið því reynslu sem mun endast út lífið.
Sjálfboðaliðar fá tækifæri til þess að láta gott af sér leiða í sínu samfélagi.
Þegar þú tekur þátt í sjálfboðaliðastarfi þá ertu að sinna mikilvægri samfélagsþjónustu, öðlast reynslu, skapa minningar og stofna vinabönd til frambúðar. Tækifærin eru endalaus og starfið kemur í sífellu skemmtilega á óvart.
Öryggisatriði
Í góðu æskulýðsstarfi verður öryggi barnanna að vera í fyrirrúmi. Þess vegna má enginn koma að starfi barna og ungmenna í skátunum sem beitir ofbeldi eða sýnir óæskilega og ógnandi hegðun. Bandalag íslenskra skáta gerir því kröfur um að allir sjálfboðaliðar í skátastarfi, 18 ára og eldri, gefi skriflegt leyfi til að kanna sakaskrá viðkomandi. BÍS styðst einnig við siðareglur og viðbragðsáætlun frá Æskulýðsvettvangnum.
Hvernig gerist þú sjálfboðaliði?
Til þess að gerast sjálfboðaliði þarft þú bara að hafa samband á þeim vetvangi sem þú hefur áhuga á að starfa, svo einfalt er það. Það er engin skylda að hafa verið starfandi með skátunum áður til þess að koma að starfinu sem sjálfboðaliði núna. Allir eru velkomnir og það er alltaf þörf á sjálfboðaliðum.
Ef þú vilt bjóða þig fram í sjálfboðastarf í þágu Skátahreyfingarinnar þá eru eftirfarandi nokkrar leiðir til þess:
Skátafélagið
Innan hvers skátafélags eru ýmis verkefni sem þarf að sinna. Til dæmis þarf að manna foringjastöður, oft vantar fólk sem er tilbúið að sitja í stjórn og sinna verkefnum sem henni berast, vinna fyrir skátafélagið getur líka falið í sér viðhald á skátaheimili eða skála í eigu félagsins. Einnig er hægt að skrá sig í bakland eða sjálfboðaliða hóp félagsins þar sem hægt er að skrá sig í tilfallandi verkefni eins og vaktir í félagsútilegum, aðstoð í ferðum eða ýmislegt annað sem kann að vera á dagskrá félagsins.
Hafðu samband við skátafélagið sem þú hefur áhuga á að starfa með og lýstu yfir áhuga þínum. Þau taka því fagnandi og geta leiðbeint þér með hvar þínir kraftar komast að bestum notum. (FINNA SKÁTAFÉLAG)
Skátamiðstöðvar
Oft eru ýmis verkefni sem þarf að vinna hjá útilífsmiðstöðvum okkar og þau geta verið margvísleg og árstíðabundin. Best er að hafa samband við staðarhaldara og lýsa yfir áhuga á verkefnum eða að vera á “útkallslista”.
Útilífsmiðstöð skáta Úlfljótsvatni (linkur?)
Hamrar, Útilífs– og umhverfismiðstöð skáta á Akureyri (linkur?)
Bandalag íslenskra skáta
Bandalag íslenskra skáta er oft með ýmsa viðburði á sínum vegum þar sem vantar að manna ýmist skipulagsverkefni eða umsjá með dagskrárliðum á viðburðum. Einnig eru mörg tilfallandi verkefni sem þarf að sinna og BÍS óskar eftir fólki með hinar ýmsu sérþekkingar á lista svo hægt sé að hafa samband við áhugasama þegar ný verkefni líta dagsins ljós. (lista upp dæmum?)
Forsíða
VILTU TAKA ÞÁTT ?
Skátarnir eru alþjóðleg æskulýðshreyfing sem vinnur að valdeflingu ungmenna í þeim tilgangi að virkja þau til jákvæðra áhrifa í sínu samfélagi og til þátttöku í að bæta þann heim sem við búum í. Skátarnir eru gefandi bæði fyrir ungt fólk og fullorðna sjálfboðaliða sem sinna starfinu með því. Í skátastarfi öðlast þú ekki eingöngu reynslu, kunnáttu og minningar heldur er félagsskapurinn líka frábær, tækifærin endalaus og starfið kemur í sífellu skemmtilega á óvart.