Nordisk Speiderkomité - NSK
NSK - Nordisk Speiderkomité
Nordisk speiderkomité eða norræna skátanefndin, skammstafað NSK, er samstarfsvettvangur skátasamtaka á Norðulöndunum. Markmið vettvangsins er að skapa tækifæri til samstarfs, til að miðla reynslu og deila menningu á milli landanna. Einnig að geta átt samræður og samstarf um önnur alþjóðleg málefni s.s. þau sem varða WOSM og WAGGGS heimssamtökin.
Nefndina mynda alþjóðafulltrúar þátttökulanda sem eru auk Íslands; Danmörk, Finnland, Færeyjar, Noregur og Svíþjóð. Hvert land er með jafnt vægi og sama fjölda atkvæða í ráðinu og formennska ráðsins færist á milli landanna á þriggja ára fresti.
Dagskrá NSK er ákveðin til þriggja ára í senn, löndin skipta sín á milli að vera skipuleggjendur og gestgjafar hinna ýmsu viðburða en sem dæmi má taka NSK fundi, Ung i Norden og samnorrænt Gilwell námskeið.
Samstarfið innan NSK er íslensku skátahreyfingunni mjög dýrmætt. Sterkt samstarf og tengslanet milli skátasamtaka með svipuð markmið og líkar áskoranir hefur reynst mjög vel. Þá býður samstarfið ungum íslenskum skátum tækifæri á að spreyta sig á alþjóðagrundvelli félags- menningar- og landfræðilegu nærumhverfi og svo hefur fjöldi viðfangsefna í skátastarfinu borist til lands gegnum samstarfið s.s. byggjum betri heim dagskrárpakkinn sem kom frá Danmörku, félagaþrennan sem kom frá Finnlandi og færnimerkin sem komu frá Svíþjóð.
Norræna skátaráðið
Upplýsingar um hver mynda norræna skátaráðið um hver sitja í norræna skátaráðinu um þessar mundir fyrir hönd þátttökulanda og hver fara með formennsku.
Skátasamtökin í NSK
Upplýsingar um hvaða skátasamtök það eru innan þátttökulanda sem mynda NSK ásamt vísan á heimasíðu þeirra.
Sýn, stefna og samstarfsgrundvöllur
Núgildandi samkomulag innan NSK um sýn, stefnu og samstarfsgrundvöll. Hvernig ráðið starfar og er hvernig skipulagi þess er háttað.
Þankadagurinn
Þankadagurinn
Hvað er þankadagur?
Hugmyndin af þankadeginum varð til árið 1926 þegar kvennskátar alls staðar úr heiminum (Girl Guide og Girl Scout) komu saman í Bandaríkjunum á fjórðu heimsráðstefnu WAGGS. Þær voru sammála um að á hverju ári ætti að vera einn dagur sérstakur dagur sem væri tileinkaður því að allir kvennskátar hugsi til hvor annarra, lýsi virðingu, þökkum og þakklæti sínu fyrir alþjóðahreyfingunni okkar. Á síðari árum hefur WAGGGS beðið skáta að hugsa um mikilvæg málefni samtímans sem snúa t.d. að jafnrétti, aðgengileika, fjölbreytni, mannréttindum og fleira. Til að styðja skátana í þessu hafa verið gefnir út dagskrárpakkar til að skátar geti kynnst flóknum málefnum í gegnum leik og starf.
Dagurinn var kallaður Þankadagur og varð 22. febrúar valinn vegna þess að bæði Lord Baden-Powell stofnandi skátahreyfingarinnar og Olave Baden-Powell, þáverandi kvenskátahöfðingi eiga afmæli þennan dag. 22. febrúar er einnig haldinn hátíðlegur af alþjóðasamtökum skátahreyfinga, WOSM, þar sem hann er kallaður dagur stofnandann eða founder’s day.
Bandalag íslenskra skáta hefur fylgt WAGGGS eftir í að halda upp á þankadaginn og hvetja skáta til að láta gott að sér leiða, hugsa til skátasystkina sinna um allan heim og kynna sér mikilvæg málefni samtímans.
WAGGGS (world association of girl guides and girl scouts) er stærsta sjálfboðaliða hreyfing tileinkuð stúlkum í heiminum og er Bandalag íslenskra skáta hluti af samtökunum. Á heimasíðu þeirra er hægt að fræðast um markmiðin og finna fleiri verkefna pakka sem samtökin hafa gefið út.
dagskrápakkar síðustu ára
2023 - Okkar veröld, okkar friðsæla framtíð
Dagskrárpakkinn 2023 "okkar veröld, okkar friðsæla framtíð" umhverfið og friður, fjallar um hana Miku sem er á vegferð um umhverfið sitt í leit að friði og jafnvægi. Dagskrápakkinn sækir innblástur í allskyns þjóðsögur frá öllum fimm landssvæðum WAGGGS og blandar þeim skemmtilega saman í nokkrar sögur sem veitir okkur áhugaverð og fjölbreytt verkefni tengd þemanu.
2022 - heimurinn okkar, jafna framtíðin okkar
Þessi pakki hefur ekki verið þýddur
Þema ársins 2022 er "okkar heimur, okkar sameiginlega framtíð" og er byrjun á þriggja ára ferðalagi þar sem þemun næstu þrjú ár verða samofin þemanu og markmiðunum.
2021 - Stöndum saman um frið
Þema dagskrápakkans er "standa sterk, standa fyrir og standa saman" með það markmið að skátarnir geta staðið með öðrum skátum í heiminum við að kalla á og skapa frið, bæði í okkar nærumhverfi sem og öllum heiminum.
2020 - lifandi þræðir
Dagskrápakkinn 2020 LIFANDI ÞRÆÐIR fagnar fjölbreytileikanum sem finnst í skátahreyfingunni. Í gegnum verkefnin sem kanna þemun: fjölbreytni, réttsýni og inngilding, fá þátttakendur aukinn skilning á þessum hugtökum og þróa með sér þann hæfileika að nýta þau í hversdagslífinu.
Æskulýðsvettvangurinn
VELLÍÐAN - VELFERÐ - ÖRYGGI
Æskulýðsvetvangurinn
Æskulýðsvettvangurinn er samstarfsvettvangur Bandalags íslenskra skáta, KFUM og KFUK á Íslandi, Slysavarnafélagsins Landsbjargar og Ungmennafélags Íslands. Æskulýðsvettvangurinn hefur starfað frá árinu 2007 en formleg stofnun fór fram sumarið 2012.
Æskulýðsvettvangurinn vinnur að sameiginlegum hagsmunamálum barna og ungmenna í íþrótta- og æskulýðsstarfi og stuðlar að heilbrigðum, uppbyggjandi, vönduðum og öruggum aðstæðum í slíku starfi. Tilgangur og markmið félagsins er að stuðla að samræðu og samstarfi aðildarfélaganna á sviði leiðtogaþjálfunar, fræðslu- og forvarnarmála, útbreiðslu og kynningar sem og á öðrum sviðum eftir því sem þurfa þykir. Tilgangi sínum og markmiðum hyggst félagið ná með því að standa fyrir námskeiðum, ráðstefnum og öðrum sameiginlegum verkefnum sem lúta að hagsmunum barna og ungmenna.
Æskulýðsvettvangurinn telur mikilvægt að öllum líiði vel í leik og starfi innan Æskulýðsvettvangsins og að sá grundvallarréttur, að fá að vera óáreittur, sé virtur.
Heimasíða Æskulýðsvetvangsins
Á heimasíðu Æskulýðsvetvangsins er að finna upplýsingar um verkfæri, eyðublöð, siðareglur og viðbragðsáætlanir. Þar er einnig hægt að sjá námskeiðaáætlun Æskulýðsvettvangsins
siðareglur
Mikilvægt er fyrir öll sem starfa með börnum og ungmennum að vera meðvituð um skyldur sínar og ábyrgð. Siðareglur þessar gilda fyrir allt starfsfólk og sjálfboðaliða Æskulýðsvettvangins. Þær snúa annars vegar að samskiptum og hins vegar að rekstri og ábyrgð. Gerist aðili brotlegur við reglurnar er heimilt að vísa honum úr starfi, tímabundið eða að fullu.
Námskeið Æskulýðsvettvangsins
Það er mikilvægt að öll sem starfa með börnum og ungmennum séu meðvituð um skyldur sínar og ábyrgð og viti hvernig á að bregðast við þegar upp koma atvik eða áföll í starfinu.
Eitt af markmiðum Æskulýðsvettvangsins er að stuðla að aukinni fræðslu og forvörnum í íþrótta- og æskulýðsstarfi í þeim tilgangi að gera umhverfi barna og ungmenna í félagsstarfi öruggara. Námskeið Æskulýðsvettvangsins eru liður í því.
Æskulýðsvettvangurinn birtir námskeiðaáætlun fyrir hvert starfsár. Námskeiðin í áætluninni eru gjaldfrjáls og opin öllum
