Hleð Viðburðir

Hringborð dróttskátaforingja

Um viðburðinn:

Um viðburðinn:Hringborðin eru vettvangur fyrir sjálfboðaliða um land allt í samskonar hlutverkum að kynnast innbyrðis, ræða sín á milli þær áskoranir sem þau mæta í sínu starfi og deila á milli sín lausnum og góðum aðferðum. Við hvert hringborð verður erindreki BÍS í blönduðu hlutverki áheyrnarfulltrúa og fundarstjóra.

Fyrir hverja er viðburðurinn:

Viðburðurinn er ætlaður skátaforingjum dróttskáta.

Hvar er viðburðurinn:

Viðburðurinn verður í Skátamiðstöðinni, Hraunbæ 123 en þau sem vilja mæta á viðburðinn gegnum fjarfund geta fylgt hlekk á fundinn með að smella hér:

Skráning á viðburðinn:

Skráning á öll hringborðin fer fram á skraning.skatarnir.is en það er ekki nauðsynlegt að skrá sig til að mæta.

Hvað verður til umræðu á fundinum:

  1. Hvernig tryggjum við stíganda í starfi
    Ein stærsta áskorunin í dróttskátastarfi er að bjóða upp á starf sem er áskorun fyrir skátana hverju sinni og forðast endurtekningar frá því sem þau hafa gert áður á yngri aldursbili. Það er ekki þar með sagt að ekki megi fást við sömu viðfangsefnin en þá er best að fást ekki eins við þau. En síðan er líka mikilvægt að tryggja stíganda í starfinu yfir þessi þrjú ár sem þau eru á aldursbilinu. Gögnin sýna okkur að brottfall á aldursbili dróttskáta er talsvert eftir fyrsta árið. Kafað verður ofan í hvernig hægt er að vinna á þessum áskorunum t.d. með notkun flokkakerfisins, hvatamerkja og með að hafa stærra markmið til að stefna að hverju sinni á aldursbilinu. Einnig mikilvægi ferða, útilegna, móta og alþjóðastarfs til að ná þessu markmiði. Þá verða einnig opnað á umræður fyrir foringja að spyrja hvort annað og deila reynslunni sín á milli.
  2. Hagurinn af samstarfi þvert á félögMikil gróska var í dróttskátastarfi á landsvísu starfsárið 2021-2022. Klakkur stóð fyrir gífurlega öflugu flokkamóti fyrir dróttskáta á Hömrum þar sem ýmsir dróttskátar störfuðu saman yfir mótið þvert á félög og nokkur félög tóku sig saman og gengu Fimmvörðuháls. Fjögur félög héldu saman kröftugt og fjörugt tjaldmót á Úlfljótsvatni og útilegu í Lækjabotnum og skátaforingjar frá félögunum munu koma og kynna hvað kom til að þau fóru þá leiðina, hvernig krakkarnir kynntust á viðburðunum, hvernig þetta stækkaði sjóndeildarhringin hjá mörgum skátanna og hvað þetta gerði fyrir andann í sveitunum.
  3. Mikilvægi útivistar á dróttskátastigi
    Töfrarnir gerast úti! En það virkað flókið að kynna ungmenni fyrir útivist jafnvel í skátastarfi. En aftur og aftur sjáum við að það borgar sig margfalt að gera það. Skátasveitin í Svönum gekk Laugarveginn sumarið 2022 og um árabil hefur gengið vel að stunda útivist á þessu aldursbili í félaginu. Skátaforingi Svana mun kynna ferðina, undirbúninginn almennt, hvaða áhrif hann telur öflugt útivist hafa á starfið og að lokum geta viðstaddir spurt hann og opnar umræður.

Staðsetning viðburðar á korti

Klst

Min

Sek

Lykilupplýsingar

Dagsetning:
16. október
Tími
20:00 - 22:00
Kostnaður:
Frítt
Aldurshópar:
Dróttskátar

Skipuleggjandi

Bandalag íslenskra skáta
Sími:
550-9800
Netfang:
skatar@skatar.is
Vefsíða:
View Skipuleggjandi Website

Staðsetning

Skátamiðstöðin
Hraunbær 123
Reykjavík, Reykjavík 110 Iceland
+ Google Map
Sími:
5509800
Vefsíða:
View Staðsetning Website