Drekaskátamót 2025
Drekaskátamót 2025 verður haldið helgina 13. - 15. júní 2025, en líkt og síðustu tvö ár verður mótið yfir heila helgi. Skátarnir gista því tvær nætur frá föstudegi fram á sunnudag.
Fyrir þátttakendur
Verð
Mótsgjaldið er 11.000 kr. Innifalið í því er tjaldsvæðið (félögin koma sjálf með tjöld), kvöldmatur og kvöldkaffi bæði föstudag og laugardag ásamt allri dagskrá.
Athygli er vakin á að skátafélögin sjálf bæta oft sameiginlegum kostnaði ofan mótsgjaldið sem þau rukka beint til sín. Þá er yfirleitt verið að greiða fyrir t.d. ferðakostnaði á mótsvæðið, sameiginlegum mat, sameiginlegum sveitareinkennum eða auka búnaði sem félagið þarf það bæta við.
Skráning
Skráning á mótið fer fram inn á skraning.skatarnir.is en hún opnar 22. febrúar.
En við skráningu er mikilvægt er að velja rétt skátafélag svo skátafélögin sjái skráningu sína skáta.
Vakin er athygli á því að stundum vilja sum félög halda sjálf utan um alla skráningu og rukkað fyrir bæði mótsgjald og sameiginlegan kostnaði hjá sér og því mikilvægt að fylgjast með hjá sínu skátafélagi hvernig þau vilja halda utan um skráningar.
Dagskrá og undirbúningur
Dagskrá verður með svipuðu sniði og hefur tíðkast en nánari upplýsingar um ítarlega dagskrá munu berast til skátafélaganna í upplýsingabréfum mótstjórnar.
Fyrir skátafélögin
Skátafélögin eru beðin um að senda upplýsingar um fararstjóra og foringja á Skátamiðstöðina svo hægt sé að bæta þeim inn á skráningasíðunni sem fyrst svo fararstjórarnir geti fylgst með skráningum sinna skáta.
Félögin fá einn frían foringja fyrir hverja tíu skáta sem eru skráð á félagið.
Fyrir frekari upplýsingar er hægt að hafa samband við drekaskátamótstjórnina á netfanginu : drekaskatamotstjorn@skatarnir.is
Upplýsingabréf mótstjórnar
Fyrir sjálfboðaliða
Sér skráning fyrir sjálfboðalið er inn á Abler síðu Skátamóta. Við vekjum athygli að sjálfboðaliðaskráningin er tvískipt eftir aldri, svo passið að skrá ykkur í réttan aldursflokk.
Sjálfboðaliðar geta verið á rekkaskátaaldri eða eldri en öll sem eru yfir átján ára verða að skrifa undir sakavottorðsheimild hjá BÍS.
Einnig viljum við biðja þau sem skrá sig að svara spurningum hér á þessu formi sem hjálpa mótsstjórn að hafa betri yfirsýn yfir upplýsingar og áhugasvið starfsmanna:
Starfsfólk á drekaskátamóti tekur þátt í uppsetningu og frágangi mótsins, keyrir dagskrá undir leiðsögn mótsstjórnar og sinnir öðrum tilfallandi verkefnum. Auk þess er mótið fullt af fjöri og góðri stemningu, þar sem gefst tækifæri til að kynnast nýju fólki og njóta samveru í skemmtilegu umhverfi.
Drekaskátadagurinn 2025
Að þessu sinni er það Skátafélagið Ægisbúar sem ætla að bjóða drekaskátum heim 1. mars en þema drekaskátadagsins í ár er sjóræningjar.
Mæting er fyrir utan Ægisbúð, Neshaga 3 kl. 11:00 en dagskrá lýkur kl. 17:00.
Boðið verður upp á pylsur í hádeginu og snarl eftirmiðdaginn.
Öll dagskrá fer fram utandyra og þurfa því skátar og foringjar að mæta klædd eftir veðri.
ATH: Ekki öll félög velja að taka þátt í viðburðinum. Áður en barn er skráð á viðburðinn þarf að ganga úr skugga um að félag barnsins ætli sér að taka þátt en börn geta ekki mætt án foringja á viðburðinn.
Drekaskátadagurinn 2023
Ævintýrið heldur áfram að leika við drekaskátana okkar á drekaskátadeginum 4. mars.
Að þessu sinni heimsækjum við skátafélagið Svani á Álftanesi þar sem við fáum að kynnast heimahögum þeirra við Bjarnastaði.
Dagskráin sjálf hefst kl. 13 en skátasveitirnar eru velkomnar að koma fyrr og borða hádegismat í Bjarnastöðum áður en dagskrá hefst. Gert er ráð fyrir að dagskráin lýkur kl. 16.
Ef þið viljið taka strætó á svæðið þá gengur strætó nr. 23 á Álftanes og hægt að fara út á annað hvort stoppustöðinni Klukkuholt eða Höfðabraut og rölta restina.
Ef einhver félög eru að koma utan að landi þá er velkomið að tjalda á fletinum fyrir utan skátaheimilið en það verður ekki hægt að nýta heimilið fyrir innilegur.
Endilega hafið samband við Erlu hjá svanir@svanir.is ef það eru ofnæmi eða aðrar matar þarfir.
Gróf dagskrá
13:00 - Setning
13:30 - Ratleikur hefst
15:00 - Ratleik lýkur, slit og kakó
Hugmynd af útbúnaðarlista:
- Skátaklútur
- Dagspoki
- Hlý föt (klæða sig eftir veðri, húfa, vettlingar, buff, ullarsokkar)
- Vatnsbrúsi / bolli til að drekka kakó
- Hádegismatur ef þið viljið borða fyrir dagskrána