Skátamiðstöðin
Skátamiðstöðin í Hraunbæ 123 hýsir starfsólk Bandalags íslenskra skáta, á efri hæð hússins er stór og góður salur, vel búið fundarherbergi og skrifstofur BÍS. Auk daglegrar starfsemi starfsfólks er góð funda og vinnuaðstaða í húsinu fyrir sjálfboðaliða skátanna og reglulega fara þar fram ýmis fundir, hittingar og námskeið. Skátum með félagsaðild að BÍS er ávallt velkomið að óska afnota af húsnæðinu.
Opnunartímar skátamiðstöðvarinnar:
Mánudaga – fimmtudaga: 09:00 – 17:00
Föstudaga: 09:00 – 13:00
Lokað um helgar
Framkvæmdastjóri BÍS
Ragnar Þór Þrastarson
Netfang: ragnar@skatarnir.is
Sími: 550 9809
Ragnar Þór Þrastarson er framkvæmdarstjóri BÍS, hann stýrir daglegum rekstri og framþróun Skátamiðstöðvarinnar og framfylgir stefnu BÍS. Hann á tryggt samstarf við sjálfboðaliðana sem skipa stjórn BÍS og fylgir samþykktum stjórnar eftir en einnig á Ragnar í nánu samstarfi við framkvæmdastjóra og stjórnir dótturfyrirtækja. Ragnar er í forsvari fyrir BÍS gagnvart hinu opinbera, fjölmiðlum og helstu samstarfsaðilum skátahreyfingarinnar á Íslandi. Áherslur Ragnars í starfi eru að innleiða ferla til þess að auka skilvirkni og auðvelda samskipti. Á sama tíma mun Ragnar styðja við þá góðu vinnu sem farið hefur fram síðastliðin ár og halda áfram að bæta þjónustu, fagmennsku, ásýnd og gæði Skátastarfsins á Íslandi.
Fræðsla og þjálfun
Katrín Kemp Stefánsdóttir
Verkefnastýra fræðslumála
Netfang: katrin@skatarnir.is
Sími: 550 9804
Katrín er verkefnastýra fræðslumála, hún hefur yfirumsjón með fræðsluefni, námskeiðaframboði og þjálfunum á vegum BÍS. Katrín vinnur að markmiðum BÍS um Skátaskólann og er í nánu samstarfi við sjálfboðaliðana sem mynda stjórn skólans. Hún vinnur líka með leiðbeinendasveit BÍS sem sinnir skipulagi og framkvæmd námskeiða með dyggum stuðningi hennar. Katrín og erindrekar BÍS vinna líka oft saman að átaksverkefnum sem snúa að fræðslu- og þjálfunarmálum.
Javier Paniagua Petisco
Verkefna- og leiðtogaþjálfi
Netfang: pani@skatarnir.is
Sími: 550 9803
Pani gegnir stöðu verkefna- og leiðtogaþjálfa í hlutastarfi fyrir Bandalag íslenskra skáta en hann er einnig framkvæmdastjóri Úlfljótsvatns. Sem verkefna- og leiðtogaþjálfi mun Pani stýra því að staðla viðburðaferla, vinnuaðferðir og skilvirkari skjölun hjá Skátamiðstöðinni. Hann mun starfa náið með leiðbeinendasveitinni og styrkja þau að verða hágæða þjálfunarteymi fyrir leiðtoganámskeið. Hann mun einnig vinna að innleiðingu leiðtogaþjálfunar á öllum stigum BÍS svo að sjálfboðaliðar geti best vaxið í sínum hlutverkum.
Erindrekar
Sigurgeir B. Þórisson
Netfang: sigurgeir@skatarnir.is
Sími: 550 9801
Sædís Ósk Helgadóttir
Netfang: saedis@skatarnir.is
Sími: 550 9805
Allir erindrekar
Netfang: erindrekar@skatarnir.is
Sími: 550 9800
Erindrekar BÍS vinna með sjálfboðaliðum BÍS og í félagsstarfi skátafélaganna um land allt. Sem erindrekar eru þau í samskiptum við skátafélög um allt land og styðja þau í fjölbreyttum verkefnum sem styrkja félagsstarf þeirra, miðla reynslu á milli félaga og vinna að lausnum á sameiginlegum áskorunum þeirra. Erindrekar sinna líka allskyns átaksverkefnum sem miða að því að því að styðja sjálfboðaliða í þeirra hlutverkum s.s. með útgáfu fræðsluefnis og verkfæra, með þjálfun og með virkri handleiðslu. Þau vinna líka að framþróun og innleiðingu nýs dagskrárefnis í skátastarfi.
Erindrekar vinna líka að því að fjölga bæði sjálfboðaliðum og þátttakendum í skátastarfi og geta liðsinnt við að koma á fót skátastarfi í byggðarlögum þar sem ekki fyrirfinnst skátastarf nú þegar. Í slíkum verkefnum bjóðast þau að koma hvert á land sem er að kynna starfið fyrir áhugasömum sjálfboðaliðum og þátttakendum, halda námskeið fyrir nýja sjálfboðaliða og reka dagskrá fyrir þátttakendur í nokkur skipti.
Skiptingu erindrekanna milli félaga má sjá hér
Fjármál og miðlun
Halldóra Inga Ingileifsdóttir
Fjármálastjóri
Netfang: halldora@skatarnir.is
Sími: 550 9807
Halldóra Inga er fjármálastjóri BÍS og vinnur með framkvæmdastjórum BÍS og dótturfyrirtækja. Sem fjármálastjóri ber Halldóra ábyrgð á daglegri fjármálastjórn og bókhaldi ásamt fjárreiðum BÍS og dótturfyrirtækjum þess.
Hilda Ösp Stefánsdóttir
Bókari
Netfang: hilda@skatarnir.is
Sími: 550 9811
Hilda er bókari og vinnur með framkvæmdastjórum BÍS og dótturfyrirtækja ásamt fjármálastjóra. Hennar helstu verkefni snúa að innheimtu, launamálum og færa bókhald BÍS og dótturfyrirtækja þess. Hilda aðstoðar einnig oft við yfirlestur efnis áður en það er gefið út af BÍS.
Rita Osório
Kynningarmálastýra
Netfang: rita@skatarnir.is
Sími: 550 9802
Rita stýrir ímyndarmálum BÍS og dótturfyrirtækja þeirra. Hún stýrir samfélagsmiðlum og býr til skemmtilegt efni til að sýna frá starfinu. Rita vinnur einnig að því að lyfta heimasíðum BÍS og dótturfyrirtækja í nýjar hæðir, búa til nútímalegt og lifandi kynningarefni fyrir skátafélögin og að gera stuðningsefni fyrir skátaforingja og aðra sjálfboðaliða aðgengilegt og flott. Hún tekur einnig myndir og myndbönd úr starfi BÍS.
Úlfur Kvaran
Sölu- og markaðsfulltrúi
Netfang: ulfur@skatarnir.is
Sími: 550 9800
Úlfur er sölu-og markaðsfulltrúi Skátabúðarinnar.
Hans helsta verkefni er ábyrgð á daglegum rekstri og þjónustu Skátabúðarinnar, umsjón með pöntunum og birgðarhaldi, umsjón með rekstri og útleigu á Skátamiðstöð og umsjón með styrktarkerfi skáta ásamt sölu-og markaðsetningu Sígrænna jólratrjáa.
Viðburðir og dagskrá
Kolbrún Ósk Pétursdóttir
Mótstjóri Landsmóts og starfsmaður farastjórnar Alheimsmóts
Netfang: kolbrun@skatarnir.is
Sími: 550 9806
Kolbrún Ósk er viðburðarstjóri að mennt og hefur verið valin mótsstjóri landsmóts skáta 2024. Undirbúningur er hafinn fyrir mótið sem Kolbrún mun sinna sem sjálfboðaliði en hún hefur auk þess verið ráðin í hlutastarf hjá Skátamiðstöðinni til að sinna þeim málum sem snúa að rekstri og skráningarmálum fyrir mótið.
Nú í vetur mun hún einnig sinna verkefnum sem til falla vegna ferðar skáta á alheimsmótið í Suður Kóreu sumarið 2023, svo sem stuðning við fararstjórn, samskipti vegna skráninga og reikninga, og annan undirbúning.