Skátafélagið Landnemar er eitt átta skátafélaga í Reykjavík. Starfsvæði félagsins er Gamli Austurbærinn og Hlíðarnar, það afmarkast af Lækjargötu í vestri og Kringlumýrarbraut í austri. Skátafélagið Landnemar býður upp á skátastarf fyrir ungmenni á aldrinum 7 – 25 ára og leggur mikla áherslu á útivist, samfélagsverkefni og náttúruvernd. Í húsnæði félagsins að Háuhlíð 9, 105 Reykjavík, eru fimm fundaherbergi fyrir flokka, lítill (64m2) salur, stórt eldhús, „smiðjur“, skrifstofa og sérstakt foringjaherbergi. Á lóð félagsins er pallur og eldstæði og stutt í Öskjuhlíðina. Félagið á skátaskála, Þrymheim við Skarðsmýrarfjall, þar sem eldri skátarnir fara í útilegur að vetri til. Þá á félagið ýmsan búnað sem nýtist vel í dagskrá og útilegum.

FÉLAGSGJALD:
7.500 kr. fyrir fjölskylduskáta
47.500 kr ársgjald fyrir dreka-, fálka-, drótt- og rekkaskáta.

STARFSMAÐUR:
Viðverutími er yfir fundartímana

FÉLAGSFORINGI:
Hulda María Valgeirsdóttir