Um námskeiðið

Þau sem hafa lokið Gilwell

Á Gilwell framhaldsnámskeiðum  geta þátttakendur unnið að 3. eða 4. perlunni.   Umfang verkefna eykst eftir því hvort verið sé að vinna að 3. eða 4. perlunni.

Áhersla verður lögð á flokkastarf, tjaldbúðalíf og  samvinnu, ásamt því að unnið verður að því að efla þátttakendur í leiðtogafærni, skipulagningu verkefna,  stefnumótun og innleiðingu breytinga.

Framhaldsnámskeiðin eru frábær leið til að bæta persónulega hæfni og þjálfa sig í að takast á við stærri verkefni, auk þess að fá tækifæri til að upplifa skátaævintýrið á nýjan leik.

Þetta er frábært tækfæri fyrir fullorðna í skátastarfi til að dýpka sig í skátastarfinu og auka persónulegan þroska sinn, með því að nýta sér tækifærið og drífa sig aftur á Gilwell og vinna að nýrri perlu í framhaldinu.  Þannig geta þau dýpkað skátastarfið og víkkað út sjóndeildarhringinn innan skátastarfsins

Námskeiðið fer fram á tveimur helgum, t.d. í maí og nóvember. Auk þess verður unnið að stóru verkefni sem reynir á leiðtogahæfileikana, ásamt færni í að skipuleggja og framkvæma stærri verkefni.

Taka þarf virkan þátt í námskeiðinu.