Dróttkraftur er viðburður fyrir alla dróttskáta á vegum Leiðbeinendasveitarinnar.
Dagskrá DróttKrafts byggist á leikjum, reynslunámi og samvinnu skátanna í flokkum. Þannig fá skátarnir tækifæri á því að kynnast öðrum dróttskátum á landinu, æfa sig í því að vera leiðtogar á meðal jafningja og taka þátt í lýðræðislegu starfi. Á DróttKrafti fá þátttakendur tækifæri á því að hafa áhrif á dagskrárval viðburðarins.
DróttKraftur verður haldinn í skátaskálanum Lækjabotnum. Þar er gistirými í kojum en einnig stendur þátttakendum til boða að gista í tjaldi ef þau koma með búnað til þess.
Verð fyrir viðburðinn er 17.900 krónur. Innifalið í verðinu er dagskrá, gisting og matur alla helgina en þátttakendur koma sér sjálf á staðinn.
Skráning er opin á Sportabler en skráningu lýkur 4. október.