Hringborð fjölskylduskátaforingja

Um viðburðinn:

Hringborðin eru vettvangur fyrir sjálfboðaliða um land allt í samskonar hlutverkum að kynnast innbyrðis, ræða sín á milli þær áskoranir sem þau mæta í sínu starfi og deila á milli sín lausnum og góðum aðferðum. Við hvert hringborð verður erindreki BÍS í blönduðu hlutverki áheyrnarfulltrúa og fundarstjóra.

Fyrir hverja er viðburðurinn:

Viðburðurinn er ætlaður skátaforingjum sem halda utan um fjölskylduskátastarf. Fjölskylduskátastarf er tiltölulega nýtt fyrirbæri í íslensku skátahreyfingunni og eru sífellt fleiri skátafélög að bæta starfingu við hjá sér. Því viljum við bjóða upp á vettvang þar sem skátaforingjarnir geta speglað sig við aðra skátaforingja og aðstoða okkur og hvert annað við að móta fjölskylduskátastarf á Íslandi.

Hvar er viðburðurinn:

Viðburðurinn verður í Skátamiðstöðinni, Hraunbæ 123 en þau sem vilja mæta á viðburðinn gegnum fjarfund geta fylgt hlekk á fundinn með að smella hér.

Skráning á viðburðinn:

Skráning á öll hringborðin fer fram á skraning.skatarnir.is en það er ekki nauðsynlegt að skrá sig til að mæta.

Hvað verður til umræðu á fundinum:

1. Kynning á umgjörð fjölskylduskátastarfs– Erindreki BÍS
   Skátamiðstöðin vinnur að umgjörð fjölskylduskátastarfs, þar sem fram kemur upplýsingar um starfið, fyrir hverja er starfið, hvernig geta skátafélög hafið fjölskylduskátastarf, tillögur að dagskrá og kynningarefni fyrir foreldra.
2. Brúa bilið milli fullorðinna og skátafélagsins
   Skátafélög sem hafa keyrt fjölskylduskátastarf deilir reynslu sinni að skapa vettvang þar sem fleiri fullorðnir koma að skátafélaginu
3. Opnar umræður foringja
   Skátaforingjar deila reynslu sinni og skoðunum á ýmsum málefnum sem tengjast fjölskylduskátun. Umræðuefnin verða t.d. verðlag, dagskrá, félagsaðild, skráningar og utanumhald.

Í lok viðburðar verður gefið rými fyrir dagskrá eða málefni sem að skátaforingjarnir geta sjálfir komið með.