Ung i Norden 2025

Ung i Norden er árlegur viðburður fyrir unga skáta frá Danmörku, Finnlandi, Færeyjum, Íslandi, Noregi og Svíþjóð til að koma saman, spjalla, kynnast hvert öðru og fræðast á skemmtilegan hátt um mismunandi mikilvæg málefni.
Í ár er Ísland gestgjafar Ung i Norden og er þemað umhverfismál og sjálfbærni.

Hvar og hvenær:

Viðburðurinn verður haldinn á Úlfljótsvatni helgina 16.- 19. október. Viðburðurinn byrjar á fimmtudegi þar sem gist verður eina nótt í skátaheimili á Höfuðborgarsvæðinu og svo förum við saman í rútu yfir á Úlfljótsvatn á föstudeginum.

Fyrir hverja og skráningarferlið:

Skátar á aldrinum 16 - 22 ára geta sótt um að taka þátt í Ung i Norden.
Þátttakendafjöldi miðast við 6 frá hverju þátttakenda landi og sækja skátarnir um þátttöku hver sjá sínu skáta bandalagi og mun alþjóðaráð sjá um umsóknarferli íslensku skátanna. Hér að neðan er rafræn umsókn sem við hvetjum áhugasöm að fylla út sem fyrst því fá pláss eru í boði.
Skráningu er opin til og með 13. júlí 2025.

Verð:

60.000 kr. Innifalið er gisting í skátaheimili fimmtudagskvöld, rútur til og frá Úlfljótsvatni, dagsferðir um nágrenni Úlfljótsvatns, gisting á Úlfljótsvatni, allur matur á meðan viðburði stendur og öll dagskrá frá fimmtudeg? til sunnudags.

Dagskrá:

Um helgina munu skátarnir fá einstakt tækifæri til að kynnast öðrum skátum á sama aldri frá norðurlöndunum og taka þátt í skemmtilegri dagskrá sem miðar að því að fræðast meira um umhverfismál og sjálfbærni. Skátarnir munu kynnast landssvæðinu í kringum Úlfljótsvatn og sjá íslenska náttúru út frá alþjóðlegu sjónarhorni.
Við hvetjum áhugasöm að fylla út þetta rafræna umsóknareyðublað, en alþjóðaráð mun fara yfir umsóknirnar og hafa samband að skráningarfresti loknum. 

Skráningarfrestur er til og með 13.júlí 2025. 

Viðburður:

Skilmálar

by Sædís Ósk Helgadóttir

Kynningarkvöld um norska landsmótið 2025

Alþjóðaráð boðar til kynningarkvölds fyrir öll þau sem vilja vita meira um Speidernes Landsleir (Landsmót í Noregi). Kynningarkvöldið verður haldið 19. nóvember í skátaheimili Skjöldunga í Sólheimum 21a klukkan 19:30.

Hægt er að taka þátt í fundinum rafrænt á teams hér

Norska landsmótsstjórnin mun kynna mótið og Þórey Lovísa segir frá því hvernig það er að ferðast með hópa erlendis í skátaferðir. Einnig verður opið spjall og spurningar um mótið velkomnar. Þetta kvöld er opið öllum skátum sem hafa áhuga, hvort sem það eru foringjar, skátar á þátttakendaaldri eða fulltrúar skátafélaganna. Hvetjum rekka- og róverskáta sérstaklega til að mæta!

Landsmótið í Noregi er haldið þann 5 - 12 júlí 2025 í Grøvik. Þátttakendur eru á aldrinum 10-25 ára, krakkar á aldrinum 10-15 ára eru saman í tjaldbúð meðan 16-25 ára fá sér tjaldbúð út fyrir sig og sérstaklega áherslu á spennandi Róverskáta dagskrá.

Þetta mót er einstakt því þetta er í fyrsta skipti sem bæði norsku skátabandalögin KFUK-KFUM Speiderne og Norges Speiderforbund halda saman landsmót. Gert er ráð fyrir 15,000 skátum á mótið, á norsku landsmótunum er alltaf 24 klst löng ganga og þetta mót verður engin undantekning!

Mótsskráning mun opna seinna í ár og lokar næsta vor.

Alþjóðaráð kynnir mótið fyrir þeim skátafélögum sem hafa áhuga á að fara og tengir saman skátafélög og styðja við undirbúning. Norsku skátarnir eru þekktir fyrir að halda mjög góð landsmót, frábært tækifæri fyrir skátafélög sem vilja fá alþjóðlegt skátamót í nærumhverfinu.

by Halldóra Aðalheiður ÓIafsdóttir

JOTA/JOTI 2024

Alheimsmót skáta í loftinu og á internetinu, eða JOTA-JOTI eins og það er skammstafað á ensku, er skátamót þar sem skátar frá öllum heimshornum fá tækifæri til að hittast á skátamóti þó þau séu stödd á mismunandi stöðum í heiminum. Á mótinu gefst skátum allsstaðar að úr heiminum tækifæri til þess að kynnast og gera ýmislegt saman í gegnum veraldarvefinn eða með fjarskiptabúnaði. Mótið er á vegum WOSM, heimssamtaka skáta.

JOTA-JOTI er stærsti skátaviðburðurinn sem er haldinn í heiminum! Nú verður mótið haldið 18. - 20. október 2024. Okkur langar að gera viðburðinn ennþá stærri hér á landi í ár og hvetja fleiri íslenska skáta til þess að taka þátt.

Hægt er að skoða upplýsingar um viðburðinn hér.

by Sædís Ósk Helgadóttir

World Scout Moot 2025 í Portúgal

Um hvað snýst The World scout MOOT ?

The World Scout Moot er alþjóðlegt skátamót á vegum WOSM fyrir róverskáta á aldrinum 18-25 ára, sem einblínir á alþjóðlega menningu, skilning og vináttu. Mótið er haldið á fjögurra ára fresti í mismunandi löndum og verður haldið árið 2025 í Portúgal.

The Moot er sett upp þannig að skátunum er blandað í mismunandi flokka þvert á lönd sem saman skipa eina sveit. Sveitunum er dreift um landið og taka þær þátt í mismunandi dagskrá út frá því umhverfi sem þær eru staðsettar í.

Gróf dagskrá

  • 23. júlí - Sjálfboðaliðar og fararstjórar mæta til Lissabon tveimur dögum fyrir setningu og aðstoða við undirbúning móttöku þátttakenda.
  • 23. júlí – 25. júlí. Þátttakendur mæta til Lissabon þar sem hægt verður að skoða borgina, og taka þátt í dagskrá skipulagða af fararstjórn.
  • 25. júlí -29. júlí : Skátarnir mæta í Lissabon þar sem setningarathöfnin fer fram. Svo fara þau í sínum flokkum og sveitum út um allt land, til að taka þátt í dagskrá út frá því svæði sem þau eru staðsett á með það markmið að kynnast portúgalskri menningu og náttúru, og einnig hvert öðru í alþjóðlegu sveitunum.
  • 30. júlí er ferðadagur þar sem sveitirnar ferðast allar að aðaltjaldsvæðinu þar sem þær hitta aðrar sveitir og deila upplifun sinni frá sínum svæðum.
  • 31. júlí – 2. ágúst – Almenn tjaldbúðadagskrá á aðal tjaldsvæðinu. Hér eru allar sveitirnar komnar á aðalmótsvæðið og geta tekið þátt í dagskrá sem einblínir á portúgalska menningu, að kynnast öðrum þátttakendum og að deila sinni menningu.
  • 3. ágúst er lokadagur mótsins. Þátttakendurnir fara í heimsókn í Porto þar sem þátttakendur fá tækifæri til að skoða sig um.
  • 4. ágúst- Ferðinni er slitið í Porto.
  • Hægt er að sjá nánari upplýsingar um uppsetninguna á dagskrá hér :

Hver geta tekið þátt ?

Þátttakendur

Þau sem geta tekið þátt eru skátar fædd milli 26. júlí 1999 og 25. júlí 2007, þá 18-25 ára. Engar undantekningar eru á þessum dagsetningum.
Þegar skátarnir eru skráð á mótið verður þeim raðað í flokka sem inniheldur 10 skáta frá mismunandi löndum. Flokkunum er síðan raðað 5 saman í eina sveit. Sveitin mun ferðast um Portúgal og upplifa MOOT saman. Ekki er hægt að tryggja að skátar frá Íslandi endi í sama flokk eða í sömu sveit.

Aðeins 40 þátttakendapláss eru í boði ! 

Sjálfboðaliðar (IST)

Þeir skátar sem eru fædd fyrir 26. júlí 1999 geta tekið þátt sem sjálfboðaliðar. Þau þurfa að mæta fyrr á svæðið og aðstoða við að undirbúa móttöku þátttakendanna.

 

Hvað kostar á MOOT 2025 ?

Ferðin er sett upp þannig að þátttakendur og IST liðar þurfa sjálf að koma sér á mótsvæðið og er því flug og ferðalag EKKI INNIFALIÐ í verðinu. Boðið verður upp á aðstoð við kaup á flugum þegar nær dregur ef óskað er eftir því.

Innifalið í verðinu er þátttökugjald á MOOT (matur, dagskrá og gisting á meðan MOOT stendur) ásamt ferðum fyrir og eftir mótið með íslenska fararhópnum.

Kostnaður fyrir ferðina er : 

  • Þátttakendur : 242.000 kr.
  • Sjálfboðaliðar (IST) : 136.000 kr.

 

Skráning er opin og lýkur 23. október 2024

Mikilvæg að hafa í huga

  • Ekki er hægt að tryggja að íslenskir þátttakendur enda saman í flokkum eða í sveitum með öðrum íslenskum þátttakendum. Mótið er sett upp þannig að þátttakendum er blandað saman þvert á lönd.
  • Ekki er hægt að tryggja greiðan aðgang að íslensku fararstjórninni, sveitirnar verða staðsettar á víð og dreif um Portúgal og ekki öruggt að það verði nálægt íslensku fararstjórninni.
  • Ekki er hægt að tryggja greiðan aðgang að síma-og netsambandi, sveitirnar verða á víð og dreif um Portúgal og mögulega fara þær í ferðir á staði þar sem síma-og netsamband er ekki gott eða jafnvel ekki til staðar.
  • Þó svo að þátttakendur kaupa sín eigin flug þá eru þau að ferðast sem fulltrúar BÍS og ber að fylgja ferða verklagi BÍS. Hægt er að sjá nánar um það hér: https://skatarnir.is/reglugerd-utanferdir/
  • Óháð landslögum viðburðar er neysla áfengis skáta undir 20 ára óheimil og öll neysla annarra vímuefna óháð aldri. https://skatarnir.is/vimuvarnarstefna/
  • Ferð íslenska fararhópsins byrjar 23. júlí og lýkur 4. ágúst þar sem íslenska fararstjórnin mun skipuleggja dagskrá fyrir þátttakendur ásamt því að þau geta skoðað borgina fyrir setningu mótsins.

 

Skilmálar

Með því að skrá þig samþykkir þú eftirfarandi skilmála vegna MOOT 2025.

  1. Þátttakendur á MOOT 2025 eru einstaklingar fædd á tímabilinu 26.07.1999 til  25.07.2007. Sjálfboðaliðar (IST) eru einstaklingar fædd fyrir 27. júlí 1999.
  2. Staðfestingargjaldið, sem er 20% og er hluti af mótsgjaldinu, fæst ekki endurgreitt ef hætt er við ferðina.
  3. Ferðin skal vera fullgreidd af hálfu þátttakenda 30. apríl 2025.
  4. Sérstakir skilmálar gilda vegna breytinga og endurgreiðslna á stórum viðburðum vegna fjárhagslegra skuldbindinga sem þegar er búið að leggja út fyrir og fást ekki endurgreiddar. Endurgreiðsluupphæð fer eftir því hvenær þátttakandi hættir formlega við ferðina og hversu há upphæð hefur verið greidd af hendi BÍS til þriðja aðila sem ekki fæst endurgreidd til BÍS.
  5. Þátttakendur eru ekki sérstaklega slysatryggðir, ábyrgðartryggðir eða vátryggðir að öðru leyti af Bandalag íslenskra skáta (BÍS) í skátastarfi, bent er á að þessar tryggingar eru oft hluti af heimilis- og fjölskyldutryggingum og öðrum almannatryggingum forráðafólks. Sama gildir um ferða- og forfallatryggingar.
  6. Meðferð persónugreinanlegra upplýsinga sem skráðar eru vegna þátttöku er í samræmi við samþykkta persónuverndarstefnu BÍS sem finna má hér (https://skatarnir.is/personuverndarstefna/).
  7. BÍS eða umsjónaraðili á þess vegum getur þurft að aflýsa viðburðum og mótum vegna gildra og óviðráðanlegra aðstæðna s.s. vegna náttúruhamfara, hryðjuverka, stríðs, heimsfaraldra o.fl. Við þessar aðstæður áskilur BÍS sér rétt til þess að endurgreiða ekki mótsgjaldið, þótt ávallt sé leitast eftir að hámarka endurgreiðslu til þátttakenda.
  8. Við áskiljum okkur rétt til að fækka í fararhópnum af brýnni nauðsyn ef forsendur ferðarinnar breytast.

by Halldóra Aðalheiður ÓIafsdóttir

Ung i Norden

Ung i Norden er spennandi viðburður, haldinn Í Helsinki í Finnlandi helgina 11. til 13. október 2024. Viðburðurinn er  fyrir unga skáta frá Danmörku, Finnlandi, Færeyjum, Íslandi, Noregi og Svíþjóð. Þema viðburðarins er “Friður”. Yfir helgina fá þátttakendur tækifæri til að læra um og ræða frið í skátasamhenginu, í nærumhverfinu og fjær. Þátttakendur munu einnig eignast nýja vini alls staðar frá norðurlöndunum, hversu frábært er það!

Við erum að leita að fjórum skátum 16 til 22 ára til að taka þátt. Þátttökugjaldið er 200 evrur auk þess að þátttakendur þurfa að kaupa sín eigin flug.

Skátar sem eru í ráðum og nefndum hjá BÍS fá þátttökugjaldið niðurfellt en þurfa að borga eigin flug.

Skráningarfrestur er til 20. Ágúst

Viðburður:

Skilmálar

by Sædís Ósk Helgadóttir

Euro Mini Jam 2024

Alþjóðaráð leitar að íslenskum dróttskátaflokkum til að taka þátt í Smáþjóðaleikum skáta, Euro-Mini-Jam, sumarið 2024. Smáþjóðaleikar skáta er sjö daga skátamót einungis fyrir þjóðir sem eru með færri en milljón íbúa. Mótið verður haldið í Gíbraltar 28. júlí – 3. ágúst 2024. Mótið flakkar á milli gestgjafa og var það árið 2018 í Færeyjum, árið 2016 í Mónakó, árið 2013 í Liechtenstein og árið 2010 á Íslandi þar sem mótið var haldið í fyrsta skipti.

Þátttakendur eru skátar á aldrinum 13-16 ára. Hver þjóð fær pláss fyrir 2 skátaflokka á mótinu fyrir þátttakendur á þessum aldri. Hver skátaflokkur samanstendur af 6-8 þátttakendum og 2 foringjum. Alþjóðaráð leitar því að skátaflokkum sem hafa áhuga á að taka þátt!

Þeir skátaflokkar sem hafa áhuga á að fara á mótið fyrir hönd Bandalags íslenskra skáta þurfa að sækja um með því að svara eyðublaðinu hér að neðan og skila inn myndbandi á netfang alþjóðaráðs (althjodarad@skatarnir.is) þar sem þau leysa nokkur verkefni.

Verkefnin verða síðan metin eftir skráningarfresturinn er liðinn og fá þá flokkarnir tilkynningu um hvort þau urðu fyrir valinu.

Umsóknarfrestur er til 25. september

Um myndbandið og verkefnin: 

Reglur:

  • Myndbandið má ekki vera lengra en 10 mínútur
  • Skátaflokkurinn kynnir nafn flokksins, skátafélags og nöfn allra meðlima flokksins
  • Mikilvægt er að sýna vel og vandlega þegar verkefni eru leyst

Verkefnin:

  • Semja flokkshróp og flytja það
  • Kveikja eld með því að nota að mesta lagi fimm eldspýtur
  • Segja “ég er skáti” á tíu mismunandi tungumálum
  • Gera góðverk sem hefur áhrif á samfélagið
  • Byggja katapúlt með sykurpúðum og spaghetti og ná að kasta hlut a.m.k. 50 cm

SMELLIÐ HÉR TIL AÐ SÆKJA UM GEGNUM RAFRÆNT FORM

by Sædís Ósk Helgadóttir

Roverway 2024

Roverway er einn af vinsælustu viðburðum fyrir rekka- og róverskáta og taka um 5000 þátttakendur þátt hverju sinni. Þetta er tilvalið tækifæri til að eignast nýja skátavini eða jafnvel endurnýja kynnin við skáta frá Jamboree eða öðrum alþjóðlegum mótum. Roverway verður haldið í Stavanger, Noregi, dagana 22. júlí – 1. ágúst 2024.

Roverway er skipt í tvo hluta:

  • Fyrri hluta mótsins fá þátttakendur val um mismunandi gönguleiðir í Noregi sem þau fara með flokknum sínum og fá þar tækifæri á að kynnast norskri menningu og náttúru.
  • Seinni hluta mótsins sameinast svo flokkarnir nálægt Stavanger og taka þar saman þátt í tjaldbúðarmóti.

 

Roverway er fyrir skáta fædd á tímabilinu 1. ágúst 2001 - 22. júlí 2008.

Þau sem eru fædd fyrir 1. ágúst 2001 geta farið sem IST á mótið.

Kostnaður fyrir ferðina:

  • 310.000 fyrir þátttakendur á mótið. Innifalið er mótsgjald, flug, matur og stopp í Danmörku eftir mótið. ófyrirséður kostnaður og kostnaður vegna starfmanns.
  • 260.000 fyrir IST. Innifalið er mótsgjald, flug, matur og stopp í Danmörku eftir mótið, ófyrirséður kostnaður og kostnaður vegna starfsmanns.
  • 110.000 fyrir IST bara mótsgjald, ófyrirséður kostnaður og kostnaður vegna starfsmanns. ATH hér þarf IST liði að borga sjálft flug og koma sér sjálft til og frá mótsstað.

Íslenski fararhópurinn áætlar brottför 20. júlí og heimkomu 4. ágúst. Staðfestar dagsetningar koma í haust þegar hægt verður að staðfesta flug.

Frekari upplýsingar um mótið veita Valdís og Þóra Lóa en einnig er hægt að fylgjast með inná heimasíðu mótsins, á Instagram eða TikTok.

Kynning um Roverway á pdf. formi 

 

by Andrea Dagbjört