Skátafélagið Garðbúar er staðsett í Reykjavík og er starfsvæði félagsins Fossvogur, Leiti og Bústaðahverfi. Skátafélagið Garðbúar býður upp á skátastarf fyrir ungmenni á aldrinum 7–25 ára og leggur mikla áherslu á fjör, útivist, náttúruvernd, samvinnu, samfélagsverkefni og listir. Skátafélagið er til húsa í Hólmgarði 34 þar sem allt er til alls til að nota á skátafundunum. Stutt er í útisvæði Reykjavíkur, bæði í Fossvogsdal og í Elliðaárdal sem og í góðan garð beint fyrir utan skátaheimilið. Við erum dugleg að sækja viðburði á vegum Bandalags íslenskra skáta og Skátasambands Reykjavíkur og einnig að fara í eigin útilegur með sveitum eða félaginu.

FÉLAGSGJALD:
25.000 kr. á önn

STARFSMAÐUR:
Viðverðutími á skátaheimilinu er á fundartíma sem eru eftirfarandi:
mánudaga kl. 19:30 – 21:00
þriðjudaga kl. 17:00-18:15
miðvikudaga kl. 17:00 – 18:15

FÉLAGSFORINGI:
Anna Gígja Kristjánsdóttir

Starfsvæði félagsins er Mosfellsbær og dreifbýli. Skátafélagið Mosverjar bjóða upp á skátastarf fyrir ungmenni á aldrinum 7 – 25 ára og leggur mikla áherslu á skemmtilgt starf fyrir skáta á öllum aldri. Við byggjum mikið á útivistinni og samvinnu ásamt því að sinna ýmsum samfélagsverkefnum í náttúruvernd og samfélagsþjónustu. Skátaheimilið er staðsett í Álafosskvosinni þar sem stutt er í náttúruna og samfélagið í Mosfellsbæ. Í húsnæði félagsins er að finna rúmgóðan sal, flokkaherbergi, minni sali fyrir drekastarf ásamt flestu því sem góð skátaheimili þurfa að eiga. Félagið á einnig kanóa og kajaka sem staðsettir eru í geymslugám við Hafravatn. Skátafélagið Mosverjar ásamt Mosfellsbæ hefur undanfarin ár lagt vinnu í að merkja tæplaga hundrað kílómetra af gönguleiðum um fjöll, fell og náttúruna í kringum Mosfellbæ.

FÉLAGSGJALD:
30.000 kr. fyrir allt starfsárið.
Ekki er greitt árgjald fyrir rekka- og róverskáta, stjórn eða bakland.

STARFSMAÐUR OG FÉLAGSFORINGI:
Dagbjört Brynjarsdóttir
Viðvera á fundartímum Dreka-, fálka- og dróttskátasveita.

Skátafélagið Skjöldungar er eitt átta skátafélaga í Reykjavík. Starfsvæði félagsins er Laugardalur, Heimar, Vogar og Laugarnes (póstnúmer 104 og 105). Skátafélagið Skjöldungar býður upp á skátastarf fyrir ungmenni á aldrinum 7 – 25 ára og leggur mikla áherslu á samfélagsverkefni, útivist og náttúruvernd einnig er starfandi fjölskylduskáta sveit fyrir 5 – 7 ára og fjölskyldur þeirra. Húsnæði félagsins er staðsett í Sólheimum 21a (104 Reykjavík) og svo á félagið skálana Kút á Hellisheiði og Hleiðru við Hafravatn þar sem er gjarnan farið í útilegur.

FÉLAGSGJALD:
18.000 kr hvora önn

STARFSMAÐUR:
Valdimar Már Pétursson
Viðvera á mánudögum 17:00-18:30 og þriðjudögum 17:00–19:00

FÉLAGSFORINGI:
Helga Þórey Júlíudóttir

Skátafélagið Klakkur starfar á Eyjafjarðarsvæðinu. Starfsemi félagsins fer fram á Akureyri. Skátafélagið rekur útilífsmiðstöð að Hömrum sem nýtist vel við skátastarfið. Í Klakki er lögð mikil áhersla á útivist og vetrarskátun. Skíðasamband skáta starfar í nánu samstarfi við foringjaráð og stjórn félagsins.

FÉLAGSGJALD:
25.000 kr. ársgjald

FÉLAGSFORINGI:

Þórdís Hrönn Halldórsdóttir

Skátafélagið Örninn – Æskulýðsfélag Setbergssóknar starfar í Grundarfirði undir hatti kirkjunnar þar í bæ. Starfsstöð félagsins er í safnaðarheimili Grundarfjarðarkirkju. Reglulegir fundir eru hjá drekaskátum og fálkaskátum.

FÉLAGSFORINGI:
Aðalsteinn Þorvaldsson

Skátafélagið Landnemar er eitt átta skátafélaga í Reykjavík. Starfsvæði félagsins er Gamli Austurbærinn og Hlíðarnar, það afmarkast af Lækjargötu í vestri og Kringlumýrarbraut í austri. Skátafélagið Landnemar býður upp á skátastarf fyrir ungmenni á aldrinum 7 – 25 ára og leggur mikla áherslu á útivist, samfélagsverkefni og náttúruvernd. Í húsnæði félagsins að Háuhlíð 9, 105 Reykjavík, eru fimm fundaherbergi fyrir flokka, lítill (64m2) salur, stórt eldhús, „smiðjur“, skrifstofa og sérstakt foringjaherbergi. Á lóð félagsins er pallur og eldstæði og stutt í Öskjuhllíðia. Félagið á skátaskála, Þrymheim við Skarðsmýrarfjall, þar sem eldri skátarnir fara í útilegur að vetri til. Þá á félagið ýmsan búnað sem nýtist vel í dagskrá og útilegum.

FÉLAGSGJALD:
35.000 kr ársgjald fyrir 7 – 9 ára
35.000 kr ársgjald fyrir 10 – 15 ára
5.000 kr fyrir 15 ára og eldri

STARFSMAÐUR:

Ísak Henningsson
Viðverutími er þriðjudaga og miðvikudaga kl 17:15 – 19:00 fimmtudaga frá 17:30-19:45

FÉLAGSFORINGI:
Hulda María Valgeirsdóttir