Mótstjórn landsmóts fálkaskáta

Um verkefnið:

Skátaþing í apríl 2021 samþykkti að sumarið 2022 yrðu haldin landsmót fyrir hvert aldursbil á þátttakanda aldri að fyrirmynd þeirra móta sem haldin voru 2018.

Landsmót fálkaskáta verður haldið 4 daga (3 gistinótta) tjaldbúðarmót sem verður haldið dagana 30. júní – 3. ágúst. Staðsetning hefur ekki verið fest en það verður meðal verkefna mótstjórnar að ákveða staðsetningu mótsins.

Mótstjórn verður í góðu samstarfi við BÍS og Skátamiðstöð!

Hlutverk mótstjórnar:

Mótstjórn skipuleggur tjaldbúð og dagskrármál og velur staðsetningu fyrir mótið með þá tvo þætti í huga. Mótstjórn gerir fjárhagsáætlun og ábyrgist upplýsingar og kynningarmál í aðdraganda móts í samstarfi við Skátamiðstöð. Mótstjórn skiptir með sér hlutverkum í mótstjórn til að tryggja ábyrgðaraðila yfir öllum verkþáttum mótsins. Mótstjórn tekur afstöðu til þess hvort matarmál verði á ábyrgð mótsins eða fararhópa.

Mótstjórn miðlar upplýsingum svo að þátttakendur geti undirbúið sig sem best fyrir mótið og æskilegt væri ef hægt er að vefja undirbúninginn eitthvað saman við vetrarstarfið í þeim félögum sem stefna á mótið. Mótstjórn auglýsir eftir og fær til starfa starfsfólk fyrir mótið eins og þörf er metin á. Mótstjórn miðlar til félaganna hvernig fararstjórnum skuli háttað.

Mótstjórn skipuleggur dagskrá sem er ögrandi og spennandi fyrir þátttakendur og reynir að hafa hana frumlega og í þema mótsins.

Mótstjórn reynir að skipuleggja samfélagsverkefni sem allir þátttekndur taka þátt í á mótinu.

Mótstjórn er ábyrg fyrir því að útvega allan búnað sem hún telur sig þurfa en nýtur þar dyggs stuðnings Skátamiðstöðvar og hefur aðgang að öllum búnaði BÍS. Hún leiðbeinir félögum um flutning á þátttakendum og búnaði á og af mótinu en félögin eru ábyrg fyrir framkvæmd þess.

Mótstjorn ábyrgist frágang, endurmat og uppgjör í samvinnu við Skátamiðstöð.

Hverjum leitum við að í mótstjórn:

Við leitum að skátum sem finnst skemmtilegt að veita ungu fólki tækifæri að læra og vaxa í tjaldbúð. Hefur gaman af því að búa til metnaðarfulla stórleiki og gagnvirka dagskrá. Einnig vantar sérstaklega einstakling til að stýra miðlun fyrir mót og frá mótinu sjálfu.

Hvernig sæki ég um?

Ef þú hefur áhuga á að vera í móstjórn landsmóts fálkaskáta getur þú sótt um strax með að fylla út umsóknina hér að neðan. Umsóknarfrestur er til og með 25. október 2021

Segðu í stuttu máli frá því hvers vegna þú hefur áhuga á verkefninu. Hvaða reynslu þú hefur eða ástríðu sem þú telur að nýtist í mótstjórn. Og hvers vegna þú ættir að verða fyrir valinu.