Leitum fararstjóra á Kander 100!

Við leitum að áhugasömum skátum til að taka að sér fararstjórn á Kander 100 sem haldið verður 27. Júlí til 8. Ágúst 2023 í Alþjóðaskátamiðstöðinni í Kandersteg (KISC) í Sviss. Gert er ráð fyrir rúmlega 30 skáta fararhóp og þarf fararstjóri að hafa náð 20 ára aldri.

Aðeins um Kander 100

Kander 100 skátamótið er hluti af heilu ári af dagskrá í KISC til að fagna því að skátamiðstöðin er búin að vera starfræk í 100 ár.  Dagskrármöguleikar á mótinu eru meðal annars ýmis adrenalíndagskrá í ölpunum og sérstök vinna með heimsmarkmiðum sameinuðu þjóðanna til þess að efla og styrkja unga skáta til þess að gera heiminn að betri stað. Þann 1. ágúst er þjóðhátíðardagur Sviss þar sem þátttakendur og bæjarbúar Kandersteg taka þátt í hátíðarhöldum í bænum sem skátamiðstöðin sér sérstaklega um. Frekari upplýsingar um mótið má nálgast hér:  Bulletin 1

HLUTVERK FARARSTJÓRA

Fararstjórar BÍS á Kander 100 er sjálfboðaliði sem vinnur með stuðningi Skátamiðstöðvarinnar að undirbúningi, framkvæmd, frágangi og endurmati ferðar BÍS á mótið.

Tengiliður BÍS er alþjóðarfulltrúi BÍS hjá WOSM.

Fararstjóri þarf að geta:

  • Undirbúið, framkvæmt og endurmetið ferð BÍS á Kander 100 með stuðningi Skátamiðstöðvarinnar.
  • Ákveðið hvaða aldurshóp sé farið með á mótið.
  • Gera ítarlega verkefnisáætlun sem inniheldur helstu vörður fyrir undirbúning ferðarinnar og skýrslugjöf til stjórnar og alþjóðaráðs.
  • Gera fjárhagsáætlun fyrir ferðina í samráði við fjármálastjóra BÍS.
  • Fylgjast með upplýsingagjöf frá mótinu og mæta á þá fararstjórafundi sem eru vegna mótsins.
  • Lagt á sig talsverða undirbúningsvinnu sem fer fram á fundum, tölvupóstum, skype fundum o.fl.
  • Ljúka viðeigandi þjálfun fyrir mót t.d. Verndum þau, safe from harm o.fl.
  • Undirbúið og framkvæmt ferðatilhögun.
  • Haldið utan um verkefnisáætlun framkvæmdarinnar sem og tímalínu.
  • Gefur stöðumat með reglulegum hætti til Skátamiðstöðvarinnar og alþjóðaráðs BÍS.
  • Skipuleggur minnst einn samhristing eða undirbúningsferð þar sem fararhópurinn kemur saman fyrir mót.
  • Þarf að geta tekist á við óvænt atvik og unnið undir álagi
  • Fylgjast með og gefa skýrslu um áhættur, tækifæri og áfallinn kostnað.
  • Þarf að þekkja og starfa eftir reglugerð BÍS um utanferðir skáta.

Aðalfararstjóri hefur störf eins nálægt október 2022 og hægt er og lýkur endurmati ferðar eigi síðar en í september 2023.

Þau sem hafa frekari spurningar um hlutverk fararstjóra, geta haft samband við Sigurgeir og/eða Sædísi hjá Skátamiðstöðinni í síma 550 9801 eða með að senda þeim tölvupóst á erindrekar@skatarnir.is.

REYNSLA OG FÆRNI AÐALFARARSTJÓRA

  • Þarf að vera að lágmarki 20 ára þegar tekið er við hlutverkinu.
  • Þarf að vera fjárráða og með hreint sakvottorð.
  • Búa yfir góðri leiðtogahæfni
  • Færni í verkefnisstjórn
  • Skilningur á fjölþjóðlegum þætti Kandersteg, alþjóðlegu skátamiðstöðvarinnar, þar sem mismunandi menningarhópar koma saman. Vera opin gagnvart öðrum og geta sýnt nærgætni, óháð m.a. þjóðerni, trú, kyni eða kynhneigð.
  • Færni við að leiða hóp skátai til góðra verka.
  • Sjálfstæð hugsun og frumkvæði í leiðum til að ná fram markmiðum.
  • Geta tekið ábendingum og leiðbeiningum annarra.
  • Vinna vel í hópi og styðja teymisvinnu.
  • Færni í samskiptum, bæði í ræðu og riti.
  • Vera jákvæður óháð þeim áskorunum sem framundan eru.
  • Vera lausnamiðaður. Framundan eru verkefni en ekki vandamál.
  • Hafa reynslu af stærri fjölþjóðlegum skátaviðburðum. Reynsla af fararstjórn eða sem starfsmaður á skátamóti er æskileg.
  • Æskilegt er að hafa verið skáti á aldrinum 14-18 ára.

AF HVERJU AÐ SÆKJA UM SEM FARARSTJÓRI?

Fararstjórahlutverk er margþætt og þar koma allskonar hæfileikar til góðra nota, en þetta er líka vettvangur til þess að rækta þá hæfileika og læra nýja hluti. Á meðan undirbúninginum stendur hér heima kynnist íslenski hópurinn og svo þegar allir mæta á mótið opnast tækifæri til þess að kynnast öðrum fararstjórum og sjálfboðaliðum frá ólíkum löndum, eða jafnvel hitta gamla vini, kynnast menningu, læra af hvor öðru og búa til minningar. Fararstjórahlutverkið á að vera skemmtilegt og krefjandi eins og gott skátastarf er. Kander 100 er einstakur viðburður og því er þetta einstakt tækifæri til að taka þátt í að undirbúa og upplifa frábært mót.

HVERNIG SÆKI ÉG UM?

Þú getur sótt um sem fararstjóri með að fylla út formið hér að neðan, gættu þess að senda það inn í lokin!

Umsóknarfrestur er til 20. nóvember!

Segðu í stuttu máli frá því hvers vegna þú hefur áhuga á verkefninu. Hvernig reynsla þín nýtist farhóp Íslands á mótið og hvers vegna þú ættir að verða fyrir valinu.
Tilgreindu aldursbil annaðhvort eftir aldursbilum eða fæðingarári.